விஜய் - அஜித் மேரேஜ் லிஸ்டுலையே இல்ல! திருமணத்திற்கு அதிகம் செலவு செய்த 6 தென்னிந்திய நடிகர்கள் இவர்கள் தான்!
தென்னிந்திய திரையுலகில், அதிக பணம் செலவழித்து பிரமாண்டமாக திருமணம் செய்து கொண்ட 6 திரையுலக நட்சத்திரங்கள் பற்றி தான் இந்த தொகுப்பில் பார்க்க போகிறோம்.
இந்த லிஸ்டில் டாப்பில் இருக்கும் நடிகர் RRR பட நடிகர் ஜூனியர் NTR. இவர் பிரபல தொழிலதிபரான நார்னே ஸ்ரீனிவாஸ் ராவின் மகள், லட்சுமி ராவை கடந்த 2011-ஆம் ஆண்டு திருமணம் செய்து கொண்டார். ஜூனியர் NTR மற்றும் லட்சுமி ராவ் திருமணத்திற்கு சுமார் 100 கோடி வரை செலவு செய்யப்பட்டது. மேலும் திருமண மண்டபம் மற்றும் அழைப்பிதழ்களுக்கு மட்டும் ரூ. 18 கோடி செலவு செய்தனர். இவர்களின் திருமண பத்திரிக்கை ஒன்று, 3000 ரூபாய்க்கு அச்சிடப்பட்டிருந்தது. அதிகம் செலவு செய்யப்பட்ட திருமணத்தில் இவருடைய திருமணமும் ஒன்றாகும்.
இரண்டாவது இடத்தில் இருப்பது... புஷ்பா நாயகன் அல்லு அர்ஜுன் தான். இவர் தெலுங்கானாவின் பிரபல கல்வியாளர் கஞ்சாரா சந்திரசேகர் ரெட்டியின் மகள் சினேகா ரெட்டியை திருமணம் செய்து கொண்டார். மிக பிரமாண்டமாக நடந்த இவரின் திருமணத்திற்கு 90 கோடி முதல் 100 கோடி வரை செலவு செய்யப்பட்டதாக கூறப்படுகிறது. இவருடைய திருமண பத்திரிக்கை ஒன்றின் விலை 1200 என கூறப்படுகிறது. மேலும் சினேகா தன்னுடைய திருமண நிச்சயதார்த்த புடவையின் மதிப்பு ரூபாய் 1 லட்சம் முதல் 1.5 லட்சம் வரை இருக்கும் என கூறப்படுகிறது.
இந்த லிஸ்டில் மூன்றாவது இடத்தில் உள்ளது.. ராம் சரண் தேஜ் & உபாசனா காமினேனி ஜோடி தான். டோலிவுட் மெகா ஸ்டார் சிரஞ்சீவியின் மகன் ராம் சரண் தேஜ், தனது நீண்ட நாள் காதலியும் அப்பல்லோ மருத்துவமனையின் தலைவரான பிரதாப் சி. ரெட்டியின் பேத்தியை திருமணம் செய்து கொண்டார். பாலிவுட் பிரபலங்கள் முதல் கோலிவுட் பிரபலங்கள் வரை கலந்து கொண்ட இந்த திருமணத்திற்கு 100 கோடிக்கு மேல் செலவு செய்யப்பட்டது. மேலும் இவர்களின் திருமண அழைப்பிதழை ராம் சரணின் அத்தை வடிவமைத்திருந்தார். இதன் ஒன்றின் விலை 1200 என கூறப்படுகிறது. மேலும் உபாசனா பிரத்தேயகமாக டிசைன் செய்யப்பட்ட 2 லட்சம் மதிப்புள்ள சேலையை அணிந்திருந்தார் என்பது குறிப்பிடத்தக்கது.
Aishwarya Rajinikanth Marriage
இந்த லிஸ்டில் அடுத்து உள்ளது தனுஷ் மற்றும் ஐஸ்வர்யா ரஜினிகாந்த் திருமணம் தான். கோலிவுட் திரையுலகின் சூப்பர் ஸ்டார் ரஜினிகாந்த் தன்னுடைய மூத்த மகள் ஐஸ்வர்யா ரஜினிகாந்த் திருமணத்தை சென்னையில் மிக பிரமாண்டமாக நடத்தினார். இதில் பாலிவுட் திரையுலக சூப்பர் ஸ்டார் அமிதாப் பச்சன், அவருடைய மனைவி ஜெயா பச்சன், ஹேமமாலினி உள்ளிட்ட பலர் கலந்து கொண்டனர். அதே போல் மலையாள திரையுலக பிரபலங்கள் பலர் கலந்து கொண்டனர். இவர்களின் திருமணம் சுமார் 40 முதல் 50 கோடி செலவில் செய்யப்பட்டது. மேலும் ஐஸ்வர்யா ரஜினிகாந்த் 3 லட்சம் மதிப்புள்ள சேலையை தன் திருமணத்தில் அணிந்திருந்தார். மகளுக்கு மிகவும் விலைஉயர்ந்த நகைகளை பரிசளித்தார் என்பது குறிபிடத்தக்கது.
டாப் 5 இடத்தில் இருக்கும் ஜோடிகள் சூர்யா மற்றும் ஜோதிகா தான். கடந்த 2006 அன்று நடிகை ஜோதிகாவை உருகி உருகி காதலித்து.. பல பிரச்சனைகளுக்கு பின் பெற்றோர் சம்மதத்துடன் கரம் பிடித்தார் சூர்யா . இவர்களின் திருமணம் சுமார் 30 கோடி செலவில் செய்யப்பட்டதாக கூறப்படுகிறது. இவர்கள் திருமணத்தில் கோலிவுட் திரையுலக பிரபலங்கள் மற்றும் ஏராளமான, அரசியல் தலைவர்கள் கலந்து கொண்டு வாழ்த்தினர். ஜோதிகா அணிந்திருந்த புடவை 1 லட்சம். அதே போல் அதற்க்கு நேர்த்தியாக இவர் அணிந்திருந்த வைர நகைகள் மட்டும் 5 லட்சம் என கூறப்பட்டது.
இந்த லிஸ்டில் அடுத்து இருக்கும் பிரபலம் சினேகா & பிரசன்னா நட்சத்திர ஜோடி தான். மூன்று நாட்கள் ஒரு திருவிழாவை போல், நாயுடு மற்றும் பிராமண முறைப்படி நடந்த இவர்களின் திருமந்திக்கு 25 கோடி முதல் 30 கோடி வரை செலவு செய்யப்பட்டதாக கூறப்படுகிறது. சினேகா தன்னுடைய திருமணத்திற்காக.. பல லட்சங்களுக்கு உடைகளை பிரத்தேயகமாக டிசைன் செய்தார். அதே போல் தங்கம் - வைரம் என விலை உயர்ந்த நகைகளையே திருமணத்தில் அணிந்திருந்தார் என்பது குறிப்பிடத்தக்கது.
சேனலை கிளிக் செய்து பின்தொடரவும்
