Thalaivar 170: 'தலைவர் 170' படத்தில் ரஜினிக்கு ஜோடியாக தனுஷ் பட நாயகி! முக்கிய ரோலில் 2 இளம் ஹீரோயின்ஸ்!

சூப்பர் ஸ்டார் ரஜினிகாந்தின் 170-ஆவது படத்தில், 3 நாயகிகள் நடிப்பதாக தகவல் வெளியாகியுள்ளது. 

Rajinikanth 170

'ஜெயிலர்' படத்தின் வெற்றியால், மிகவும் உற்சாகமாக இருக்கிறார் சூப்பர் ஸ்டார் ரஜினிகாந்த். இந்த படத்தை தொடர்ந்து இவரின் 170-ஆவது படத்தை, இயக்குனர் TJ ஞானவேல் இயக்க உள்ளார். இந்த படத்தின் படப்பிடிப்பு, அக்டோபர் 4 ஆம் தேதி திருவனந்தபுரத்தில் துவங்க உள்ளதாக கூறப்படுகிறது.

Thalaivar 170 story

ஏற்கனவே வெளியாகியுள்ள தகவலின்படி, இந்த படத்தில் சூப்பர் ஸ்டார் ரஜினிகாந்த் காவல்துறை அதிகாரியாக நடிக்க உள்ளதாகவும்,  போலி என்கவுண்டருக்கு எதிரான படமாக, இப்படம்  உருவாக உள்ளதாக கூறப்பட்டது. உண்மை கதையை மையமாக வைத்து எடுக்கப்பட உள்ளதால், இந்த படத்தின் மீதான எதிர்பார்ப்பு அதிகரித்துள்ளது. அதே போல் இந்த படத்தை கன்னியாகுமரி மற்றும் நாகர்கோவில் பகுதியில் நடப்பது போல் படமாக்க உள்ளார் இயக்குனர்.

Amithap bachan

அதே போல் இந்த படத்தில், ரஜினிகாந்துடன் அமிதாப்பச்சன், ரானா டகுபதி, பகத் பாசில் ஆகியோர் நடிப்பதாக கூறப்படுகிறது. இது ஒரு புறம் இருக்க, இந்த படத்தின் மூன்று ஹீரோயின்ஸ் நடிப்பதாக புதிய தகவல் ஒன்று வெளியாகியுள்ளது.

Manju warrior

இதைத்தொடர்ந்து  வெளியாகியுள்ள தகவலில்... ரஜினிக்கு ஜோடியாக இந்த படத்தில், நடிகர் தனுஷுக்கு ஜோடியாக 'அசுரன்' படத்தில் நடித்திருந்த மஞ்சு வாரியர் நடிக்க உள்ளதாகவும், இவரை தவிர ரித்திகா சிங் மற்றும் துஷாரா விஜயன் ஆகியோர் முக்கிய ரோலில் நடிக்க உள்ளதாக அதிகாரபூர்வமாக அறிவிக்கப்பட்டுள்ளது.