- Home
- டெக்னாலஜி
- சாதனங்கள்
- 8,000mAh பேட்டரி, 50MP கேமரா: விவோ Y32 4G-யை விட 5G மாடலில் என்னவெல்லாம் ஸ்பெஷல்?
8,000mAh பேட்டரி, 50MP கேமரா: விவோ Y32 4G-யை விட 5G மாடலில் என்னவெல்லாம் ஸ்பெஷல்?
விவோ (Vivo) நிறுவனம் தனது Y-சீரிஸில் 8,000mAh மெகா பேட்டரி மற்றும் ஸ்னாப்டிராகன் 4 ஜென் 2 பிராசஸர் கொண்ட புதிய 'விவோ Y32 5G' ஸ்மார்ட்போனைச் சர்வதேச சந்தையில் விரைவில் அறிமுகம் செய்ய உள்ளது.
விவோ Y32 5G போன் அறிமுகம்
பிரபல ஸ்மார்ட்போன் தயாரிப்பு நிறுவனமான விவோ (Vivo), தனது 'Y32' வரிசையில் புதிய 5G மாடலை சர்வதேச சந்தைகளில் விரைவில் அறிமுகம் செய்ய திட்டமிட்டுள்ளதாக தகவல்கள் வெளியாகியுள்ளன. கடந்த மாதம் பங்களாதேஷில் அறிமுகப்படுத்தப்பட்ட விவோ Y32 4G மாடலின் பல அம்சங்கள், இந்த புதிய விவோ Y32 5G மாடலிலும் தொடரும் என எதிர்பார்க்கப்படுகிறது.
குறிப்பாக 8,000mAh பேட்டரி, 120Hz புதுப்பிப்பு வீதம் (Refresh Rate) கொண்ட டிஸ்ப்ளே மற்றும் 50 மெகாபிக்சல் முதன்மை கேமரா ஆகியவை இதில் இடம்பெறலாம். இருப்பினும், 4G மாடலில் பயன்படுத்தப்பட்ட Unisoc T7300 பிராசஸருக்குப் பதிலாக, இந்த 5G மாடலில் குவால்காமின் சக்திவாய்ந்த 'ஸ்னாப்டிராகன் 4 ஜென் 2' (Snapdragon 4 Gen 2) சிப்செட் பயன்படுத்தப்பட உள்ளதே இதன் முக்கிய மாற்றமாகும்.
எதிர்பார்க்கப்படும் சிறப்பம்சங்கள்
டிஸ்ப்ளே மற்றும் வடிவமைப்பு - வியட்நாமிய ஊடகமான 'Báo Đà Nẵng' வெளியிட்ட அறிக்கையின்படி, இந்த போன் 6.87 அங்குல HD+ (1,592 x 720 பிக்சல்கள்) LCD திரையைக் கொண்டிருக்கும். மேலும் 120Hz புதுப்பிப்பு வீதம், 1,300 நிட்ஸ் உச்ச பிரகாசம் (Peak Brightness) மற்றும் குறைந்த நீல ஒளி உமிழ்வுக்கான TÜV Rheinland சான்றிதழும் இதில் வழங்கப்பட்டுள்ளது.
பிராசஸர் மற்றும் மெமரி - 4nm தொழிற்நுட்பத்தில் உருவான 'ஸ்னாப்டிராகன் 4 ஜென் 2' சிப்செட் மூலம் இது இயங்குகிறது. 6GB LPDDR4X ரேம் மற்றும் 128GB UFS 2.2 சேமிப்பக வசதியைக் கொண்டுள்ளது. மைக்ரோ எஸ்டி கார்டு மூலம் நினைவகத்தை 2TB வரை உயர்த்திக் கொள்ளலாம். மேலும், கூடுதல் 6GB வரை விர்ச்சுவல் ரேம் (Virtual RAM) ஆதரவும், ஆண்ட்ராய்டு 16 சார்ந்த OriginOS 6 இயங்குதளமும் இதில் இடம்பெற்றுள்ளது.
கேமரா அமைப்பு - பின்புறம் 50 மெகாபிக்சல் முதன்மை கேமரா மற்றும் 2 மெகாபிக்சல் துணைக் கேமரா (Auxiliary Camera) கொண்ட டூயல் கேமரா அமைப்பு உள்ளது. செல்ஃபி மற்றும் வீடியோ அழைப்புகளுக்காக முன்புறம் 8 மெகாபிக்சல் கேமரா வழங்கப்பட்டுள்ளது.
குறைந்த விலையில் 8000mAh பேட்டரி போன்
பேட்டரி மற்றும் சார்ஜிங் - இதில் 8,000mAh மெகா பேட்டரி வழங்கப்பட்டுள்ளது. இது 44W ஒயர்டு சார்ஜிங் மற்றும் 7.5W ரிவர்ஸ் சார்ஜிங் வசதியை ஆதரிக்கிறது. இந்த பேட்டரி 1,500 முறை சார்ஜ் செய்த பிறகும் தனது 80%-த்திற்கும் அதிகமான திறனைத் தக்க வைத்துக் கொள்ளும் எனக் கூறப்படுகிறது.
பாதுகாப்பு மற்றும் நீடித்துழைக்கும் திறன் - தூசி மற்றும் நீர்ப்புகா திறனுக்காக IP68 மற்றும் IP69 தரச்சான்றுகளை இது பெற்றுள்ளது. மேலும் MIL-STD-810H இராணுவத் தரக் கடினத்தன்மை மற்றும் SGS 5-ஸ்டார் வீழ்ச்சி எதிர்ப்பு (Drop-resistance) சான்றிதழையும் பெற்றுள்ளது.
இதர அம்சங்கள் - ஸ்டீரியோ ஸ்பீக்கர்கள், பக்கவாட்டில் பொருத்தப்பட்ட கைரேகை சென்சார் (Side-mounted fingerprint sensor), NFC, Wi-Fi 5 மற்றும் புளூடூத் 5.1 ஆகிய இணைப்பு வசதிகள் இதில் உள்ளன.
நிறங்கள் & அறிமுக விவரம்
தகவல்களின்படி, விவோ Y32 5G போன் 6GB RAM + 128GB சேமிப்பக வேரியண்ட்டில் 'டான் கோல்ட்' (Dawn Gold) மற்றும் 'மிட்நைட் பிளாக்' (Midnight Black) ஆகிய 2 நிறங்களில் கிடைக்கும். இருப்பினும், இதன் விலை, விற்பனை தேதி அல்லது இந்தியா உள்ளிட்ட பிற நாடுகளுக்கான அறிமுகம் குறித்து விவோ நிறுவனம் இதுவரை அதிகாரப்பூர்வமாக எதையும் அறிவிக்கவில்லை.
