மொபைல் கேமிங்கில் புதிய புரட்சி: இணையத்தில் கசிந்த ஒன்ப்ளஸ் 17 சீக்ரெட் அம்சங்கள்!

கேமிங் பிரியர்களுக்காக அகலமான டிஸ்ப்ளேவுடன் களமிறங்கும் ஒன்ப்ளஸ் 17. ஒன்ப்ளஸ் 16 இந்திய வெளியீடு மற்றும் எதிர்பார்க்கப்படும் விலை விவரங்களை பற்றி பார்ப்போம்.

Image Credit : X

ஒன்ப்ளஸ் 17 இந்தியா அறிமுகம்

ஒன்ப்ளஸ் 16 ஸ்மார்ட்போன் சமீபத்தில் சீனாவில் அறிமுகப்படுத்தப்பட்ட நிலையில், அதன் அடுத்த தலைமுறை போன் குறித்த வதந்திகள் இப்போதே இணையத்தில் பரவத் தொடங்கியுள்ளன. அதன்படி, வரவிருக்கும் 'ஒன்ப்ளஸ் 17' (OnePlus 17) மாடலானது வழக்கத்தை விட அகலமான டிஸ்ப்ளேவைக் கொண்டிருக்கும் என டிப்ஸ்டர் ஒருவர் தகவல் வெளியிட்டுள்ளார்.

இதன் மூலம், சமீபகால ஸ்மார்ட்போன்களில் காணப்பட்ட நீளமான மற்றும் குறுகலான (Tall, narrow) டிஸ்ப்ளே வடிவமைப்பிலிருந்து ஒன்ப்ளஸ் விலகிச் செல்வதாகத் தெரிகிறது. கேமிங் மற்றும் இதர பொழுதுபோக்கு அம்சங்களுக்கு அகலமான திரைக்கு முன்னுரிமை அளிக்கும் ஆண்ட்ராய்டு ஃபிளாக்ஷிப் போன்களின் பட்டியலில் விரைவில் ஒன்ப்ளஸ் 17-ம் இணையக்கூடும்.

Image Credit : X

ஒன்ப்ளஸ் 17 டிஸ்ப்ளே கசிந்த தகவல்கள்

வீபோ (Weibo) தளத்தில் டிப்ஸ்டர் 'Smart Pikachu' வெளியிட்ட பதிவின்படி (சீன மொழியிலிருந்து மொழிபெயர்க்கப்பட்டது), அடுத்த ஆண்டு வெளியாகவுள்ள ஐந்து உயர் செயல்திறன் கொண்ட அகலமான டிஸ்ப்ளே ஸ்மார்ட்போன்களில் ஒன்ப்ளஸ் 17-ம் ஒன்றாக இருக்கலாம். கேமிங் செய்யும்போது இந்த அகலமான திரை வடிவம் பரந்த பார்வைப் புலத்தை (Broader field of view) வழங்கும் என்று அவர் குறிப்பிட்டுள்ளார். எனினும், டிஸ்ப்ளேவின் அளவு, ரெசல்யூஷன் அல்லது ஆஸ்பெக்ட் ரேஷியோ போன்ற கூடுதல் விவரங்களை அவர் வெளியிடவில்லை.

இந்தத் தகவலில் ஒன்ப்ளஸ் 17 என நேரடியாகக் குறிப்பிடப்பட்டுள்ளதால், நிறுவனத்தின் அடுத்த எண் கொண்ட ஃபிளாக்ஷிப் போன் குறித்து வெளியாகும் முதல் கசிவுத் தகவல் இதுவாகும். இதற்கு முன்னதாக, அக்டோபர் மாத இறுதியில் டிப்ஸ்டர் 'Digital Chat Station' வெளியிட்ட பதிவில், ஒன்ப்ளஸ் நிறுவனம் ஒன்ப்ளஸ் 15T மாடலின் தொடர்ச்சியைத் தவிர்த்துவிட்டு, அதற்குப் பதிலாக அகலமான திரை கொண்ட ஸ்மார்ட்போனை அறிமுகப்படுத்தலாம் என்று குறிப்பிட்டிருந்தது குறிப்பிடத்தக்கது.

இந்த புதிய வடிவமைப்பு சமீபத்திய ஒன்ப்ளஸ் ஃபிளாக்ஷிப் போன்களின் ஸ்கிரீன் விகிதங்களிலிருந்து முற்றிலும் மாறுபட்டதாக இருக்கும். உதாரணமாக, ஒன்ப்ளஸ் 15 போன் 1.5K ரெசல்யூஷன் மற்றும் 165Hz புதுப்பிப்பு வீதம் (refresh rate) கொண்ட 6.78 இன்ச் AMOLED டிஸ்ப்ளேவைக் கொண்டுள்ளது. அதேசமயத்தில், ஒன்ப்ளஸ் 16 இதே போன்ற அளவிலான ஸ்கிரீனைக் கொண்டிருந்தாலும், கூடுதலாக 185Hz என்ற உயர்ந்த புதுப்பிப்பு வீதத்தைக் கொண்டுளது.

Image Credit : X

இந்திய வெளியீடு விவரங்கள்

ஒன்ப்ளஸ் 16 கடந்த மாதம் சீனாவில் அறிமுகப்படுத்தப்பட்டது. இருப்பினும், இது இன்னும் இந்தியா மற்றும் உலகளாவிய சந்தைகளில் வெளியிடப்படவில்லை. சமீபத்திய கசிவுத் தகவலின்படி, இந்தியாவில் ஒன்ப்ளஸ் 16 வெளியீடு குறித்து விவாதிக்க ஒன்ப்ளஸ் இந்தியா அதிகாரிகள் மகாராஷ்டிராவின் மும்பையில் மூடிய அறை ஆலோசனைக் கூட்டத்தை நடத்தியுள்ளனர். முந்தைய அறிக்கைகளுக்கு மாறாக, ஒன்ப்ளஸின் இந்த புதிய ஃபிளாக்ஷிப் ஸ்மார்ட்போன் இந்தியாவில் வெளியாவது உறுதி செய்யப்படலாம் என்பதை இது குறிக்கிறது.

Image Credit : X

விலை குறித்த தகவல்கள்

ஒன்ப்ளஸ் போனின் விலை ரூ.1,30,000 முதல் ரூ.1,40,000 வரை இருக்கலாம் என்று வதந்திகள் பரவி வருகின்றன. இது உண்மையாக இருக்கும் பட்சத்தில், இதன் முந்தைய மாடலின் விலையுடன் ஒப்பிடும்போது இது மிகப்பெரிய விலை உயர்வாக இருக்கும். ஒன்ப்ளஸ் ஆன்லைன் ஸ்டோரில் இதன் முந்தைய மாடலின் 12GB + 256GB ரேம் மற்றும் சேமிப்பு கட்டமைப்பு ரூ.84,999 எனத் தொடக்க விலையாகப் பட்டியலிடப்பட்டுள்ளது குறிப்பிடத்தக்கது. மேலும், இதன் உயர்நிலை 16GB + 512GB மாடல் ரூ.93,999 வரை விலை நிர்ணயிக்கப்பட்டுள்ளது.