வெறும் 9.99 மி.மீ தடிமன், 21 நாட்கள் பேட்டரி பேக்கப்: 150+ ஸ்போர்ட்ஸ் மோட்ஸ் உடன் ஷாவ்மீ ஸ்மார்ட் பேண்ட் 11 அறிமுகம்!

2,000 நிட்ஸ் AMOLED திரை, 21 நாட்கள் பேட்டரி லைஃப் உடன் வெளியான ஷாவ்மீ ஸ்மார்ட் பேண்ட் 11! விலை, முழு சிறப்பம்சங்கள் மற்றும் இந்திய வெளியீட்டு விவரங்கள் பற்றி பார்ப்போம்.

Image Credit : Xiaomi

ஷாவ்மீ ஸ்மார்ட் பேண்ட் 11 அறிமுகம்!

ஷாவ்மீ (Xiaomi) நிறுவனம் தனது புதிய தலைமுறை ஃபிட்னஸ் பேண்டான 'Xiaomi Smart Band 11'-ஐ சர்வதேச சந்தையில் முன்னிறுத்தி உள்ளது. முந்தைய மாடலை விட மெல்லிய வடிவமைப்பு, அதிக பிரகாசம் கொண்ட அமோலெட் (AMOLED) திரை மற்றும் மேம்பட்ட ஹெல்த் டிராக்கிங் அம்சங்களுடன் இந்த ஸ்மார்ட் பேண்ட் வெளிவந்துள்ளது. வெறும் 9.99 மிமீ தடிமனும், ஸ்ட்ராப் (Strap) இல்லாமல் 15.58 கிராம் எடையும் கொண்டுள்ள இந்த சாதனம், ஒருமுறை முழுமையாக சார்ஜ் செய்தால் 21 நாட்கள் வரை பேட்டரி பேக்கப் வழங்கும் என ஷாவ்மீ உறுதியளித்துள்ளது.

Image Credit : Xiaomi

முக்கிய தொழில்நுட்ப சிறப்பம்சங்கள்

1.72-இன்ச் AMOLED திரை, 212 × 520 பிக்சல் தெளிவுத்திறன், 60Hz ரெஃப்ரெஷ் ரேட், 2 மிமீ சீரான பார்டர்கள், 2,000 நிட்ஸ் பீக் பிரைட்னஸ் (குறிப்பிட்ட சூழல்களில் மட்டும்); ஹை-பிரைட்னஸ் முறையில் 1,500 நிட்ஸ், 9.99 மிமீ தடிமன்; ஸ்ட்ராப் இல்லாமல் 15.58 கிராம் எடை, 233mAh பேட்டரி; 21 நாட்கள் வரை தாங்கும் ஆயுள்; மேக்னடிக் சார்ஜர் மூலம் முழுமையாக சார்ஜ் ஆக சுமார் 90 நிமிடங்கள் ஆகும்.

இதயத் துடிப்பு சென்சார், ரத்த ஆக்சிஜன் (SpO2), முடுக்கமானி (Accelerometer), கைரோஸ்கோப், காம்பஸ் மற்றும் ஆம்பியன்ட் லைட் சென்சார். 150-க்கும் மேற்பட்ட ஸ்போர்ட்ஸ் மோடுகள், 5ATM வாட்டர் ரெசிஸ்டன்ஸ் (நீச்சல் குளங்களில் பயன்படுத்தலாம்), புளூடூத் 5.4; குறிப்பிட்ட மாடல்களில் மட்டும் NFC வசதி, Mi Fitness செயலி மூலம் ஆண்ட்ராய்டு 8.0+ மற்றும் iOS 14.0+ தளங்களில் இயங்கும். 135 மிமீ முதல் 210 மிமீ வரையிலான மணிக்கட்டுகளுக்குப் பொருந்தும்.

Image Credit : Xiaomi

வடிவமைப்பு & வேரியண்ட்கள்

சீனாவில் 3 வேரியண்ட்களில் அறிமுகப்படுத்தப்பட்டுள்ளது.

ஸ்டாண்டர்ட் மாடல் - அலுமினியம் அலாய் ஃபிரேம் (மிட்நைட் பிளாக், கிளேசியர் சில்வர், மிஸ்டிக் ரோஸ் வண்ணங்கள்).

NFC மாடல் - காண்டாக்ட்லெஸ் வசதிக்கானது.

செராமிக் எடிஷன் - வெள்ளை நிற பீங்கான் (Ceramic) ஃபினிஷ்; இது ஸ்ட்ராப் இல்லாமல் சுமார் 21.45 கிராம் எடை கொண்டது.

ஹை-டென்சிட்டி கிராஃபைட் பேட்டரி பயன்படுத்தப்பட்டுள்ளதால், இதன் தடிமன் முந்தைய பேண்ட் 10-ஐ விட 9% குறைக்கப்பட்டுள்ளது. மேலும், விரைவாகக் கழற்றி மாட்டக்கூடிய 'குவிக்-ரிலீஸ்' கனெக்டரின் இடைவெளி 10% குறைக்கப்பட்டு, கைகளில் கச்சிதமாகவும் சொகுசாகவும் பொருந்தும்படி வடிவமைக்கப்பட்டுள்ளது.

Image Credit : Xiaomi

மேம்பட்ட ஹெல்த் & ஃபிட்னஸ் அம்சங்கள்

புதிய 'டூயல்-எல்இடி, டூயல்-போட்டோடையோடு' சென்சார் பொருத்தப்பட்டுள்ளது. இதன் மேம்பட்ட அல்காரிதம் இதயத் துடிப்பைத் தொடர்ந்து கண்காணித்து, அசாதாரண மாற்றங்கள் ஏற்படும்போது எச்சரிக்கும். முந்தைய இரவுகளின் தூக்க முறை & தினசரி பழக்கவழக்கங்களை ஆராய்ந்து பிரத்யேக வழிகாட்டுதல்களை வழங்கும். SpO2 ரத்த ஆக்சிஜன் அளவு, மன அழுத்த எச்சரிக்கைகள் மற்றும் மாதவிடாய் சுழற்சி கண்காணிப்பு ஆகியவை உள்ளன (இவை உடற்தகுதி சார்ந்த தகவல்களே தவிர, மருத்துவப் பரிசோதனைக்கானவை அல்ல).

புளூடூத் மூலம் சைக்கிளிங் கணினிகள் & பிற செயலிகளுக்கு நேரலை இதயத் துடிப்புத் தகவலைப் பகிர முடியும். நீச்சல் அடிக்கும்போது நீருக்கடியில் இதயத் துடிப்பைக் கண்காணிக்கும் வசதியும் உள்ளது. எனினும், இதில் உள்ளமைக்கப்பட்ட (In-built) ஜிபிஎஸ் வசதி இல்லை; வழிகளைக் கண்காணிக்க இணைக்கப்பட்ட ஸ்மார்ட்போனின் ஜிபிஎஸ்-ஐப் பயன்படுத்தும்.

Image Credit : Xiaomi

பேட்டரி பயன்பாட்டு விவரங்கள்

233mAh பேட்டரி அதிகபட்சமாக 21 நாட்கள் வரை உழைக்கும் என்று கூறப்பட்டாலும், அது நாம் பயன்படுத்தும் அம்சங்களைப் பொறுத்து மாறுபடும். 21 நாட்கள் வரை (குறைவான ஹெல்த் டிராக்கிங், Always-on Display இல்லாமல்). 10 நாட்கள் வரை (தொடர் உடல்நலக் கண்காணிப்பு மற்றும் தூக்கப் பதிவு). Always-on Display இயக்கத்தில் இருந்தால் 6 நாட்கள் வரை மட்டுமே நீடிக்கும். புளூடூத் 5.4 மூலம் இணைக்கப்படும் இந்த பேண்ட், அழைப்புகள்/செய்திகள் பற்றிய அறிவிப்புகள், ஐபோன் கேமராவை ரிமோட் மூலம் கட்டுப்படுத்தும் வசதி மற்றும் இ-புத்தகங்கள் அல்லது பிரசென்டேஷன்களில் பக்கங்களை மாற்றும் (Page-turning) வசதியையும் கொண்டுள்ளது.

விலை & இந்தியாவில் வெளியீடு

சீனாவில் அறிமுகப்படுத்தப்பட்ட விலையின் அடிப்படையில் தோராயமான இந்திய மதிப்பு;

Smart Band 11: 289 யுவான் (ரூ.3,600)

Smart Band 11 NFC: 339 யுவான் (ரூ.4,300)

Smart Band 11 Ceramic: 399 யுவான் (ரூ.5,000)

இந்தியாவில் இதன் ஆரம்ப விலை சுமார் ரூ.3,999 வரை நிர்ணயிக்கப்படலாம் என எதிர்பார்க்கப்படுகிறது. சீனாவில் அறிமுகம் செய்யப்பட்டு சர்வதேச தளத்தில் பட்டியலிடப்பட்டிருந்தாலும், இந்தியாவில் இது எப்போது விற்பனைக்கு வரும் என்பது குறித்த அதிகாரப்பூர்வ அறிவிப்பை ஷாவ்மீ இந்தியா இன்னும் வெளியிடவில்லை.