Jio Voice Only Plans: அன்லிமிடெட் வாய்ஸ் கால், 300 எஸ்.எம்.எஸ்: ஜியோவின் 4 புதிய மலிவு விலை பிளான்ஸ்!

டேட்டா தேவையில்லையா? வெறும் காலிங் மட்டும் பேசணுமா? ஜியோ நிறுவனம் ரூ.200-க்குள் அன்லிமிடெட் காலிங் மற்றும் 300 எஸ்எம்எஸ் வசதிகளுடன் கூடிய 4 புதிய வாய்ஸ்-ஒன்லி ரீசார்ஜ் திட்டங்களை அறிமுகப்படுத்தியுள்ளது.

Image Credit : Asianet News

ஜியோவின் 4 புதிய மலிவு விலை பிளான்ஸ்!

Jio Voice Only Plans: ஜியோ நிறுவனம், ரூ.200-க்கு கீழ் அன்லிமிடெட் கால்ஸ் (Unlimited Calling) மற்றும் 300 எஸ்.எம்.எஸ் வசதிகளுடன் கூடிய 4 புதிய ப்ரீபெய்ட் ரீசார்ஜ் பிளான்களை அறிமுகப்படுத்தியுள்ளது. மொபைல் டேட்டா ஏதுமின்றி வரக்கூடிய இந்தத் திட்டங்கள் 22 நாட்கள் முதல் ஒரு காலண்டர் (30 நாட்கள்) மாதம் வரை வேலிடிட்டியைக் கொண்டுள்ளன. குறைந்த கால வேலிடிட்டியுடன் கூடிய காலிங் பேக்குகளைத் தேடும் வாடிக்கையாளர்களுக்காக ரூ.147, ரூ.177, ரூ.196 மற்றும் ரூ.197 ஆகிய விலைகளில் இந்த பிளான்கள் கொண்டுவரப்பட்டுள்ளன. ஜியோ தனது அதிகாரப்பூர்வ இணையதளத்தில் டிராய் வழிகாட்டுதல் பேக் (TRAI Mandated Packs) என்ற பிரிவின் கீழ் பட்டியலிட்டு உள்ளது.

Image Credit : Google

முக்கிய சிறப்பம்சங்கள்

ரூ.147 ஆரம்ப விலையில் 4 குறைந்த கால வாய்ஸ் மற்றும் எஸ்.எம்.எஸ் திட்டங்கள் அறிமுகம். 4 பிளான்களிலுமே அன்லிமிடெட் காலிங் மற்றும் மொத்தம் 300 எஸ்.எம்.எஸ்.கள் கிடைக்கும்; இதில் மொபைல் டேட்டா வழங்கப்படாது. வாடிக்கையாளர்கள் 22 நாட்கள், 28 நாட்கள், 30 நாட்கள் மற்றும் ஒரு காலண்டர் மாதம் என தங்களுக்கு ஏற்ற வேலிடிட்டியைத் தேர்ந்தெடுக்கலாம். ஏர்டெல்லின் இதேபோன்ற பிளான்கள் விட ஜியோவின் கட்டணங்கள் ரூ.7 முதல் ரூ.9 வரை குறைவாக உள்ளன. நீண்ட கால வேலிடிட்டி கொண்ட வாய்ஸ் மற்றும் எஸ்.எம்.எஸ் திட்டங்கள் ஏற்கனவே ரூ.448 மற்றும் ரூ.1,748 விலைகளில் தொடர்ந்து பயன்பாட்டில் உள்ளன.

Image Credit : Google

ஜியோ வாய்ஸ் & எஸ்.எம்.எஸ் பிளான்ஸ்

விலை வேலிடிட்டி வாய்ஸ் கால் எஸ்.எம்.எஸ் டேட்டா

ரூ.147 22 நாட்கள் அன்லிமிடெட் 300 -

ரூ.177 28 நாட்கள் அன்லிமிடெட் 300 -

ரூ.196 30 நாட்கள் அன்லிமிடெட் 300 -

ரூ.197 1 மாதம் அன்லிமிடெட் 300 -

இந்த 4 தேர்வுகளில் ரூ.147 திட்டம்தான் மிகக் குறைந்த தொடக்கக் கட்டணமாகும், ஆனால் இதன் வேலிடிட்டி 22 நாட்கள் மட்டுமே. கூடுதலாக ரூ.30 செலவழித்து ரூ.177 திட்டத்தைத் தேர்ந்தெடுக்கும்போது, மேலும் 6 நாட்கள் வேலிடிட்டி கூடுதலாகக் கிடைத்து, மொத்தம் 28 நாட்கள் சேவை கிடைக்கும்.

நாள் வாரியான கணக்கீட்டில் பார்த்தால், ரூ.147 திட்டத்திற்கு ஒரு நாளைக்கு தோராயமாக ரூ.6.68 செலவாகும் நிலையில், ரூ.177 திட்டத்திற்கு ஒரு நாளைக்கு ரூ.6.32 மட்டுமே செலவாகிறது. அதாவது, ரூ.147 திட்டத்திற்கு ஆரம்பக் கட்டணம் குறைவாக இருந்தாலும், ஒரு நாளுக்கான கணக்கில் ரூ.177 திட்டமே அதிகப் பண மிச்சத்தைத் தருகிறது.

Image Credit : Jio.com

ரூ.196 & ரூ.197 பிளான் - என்ன வித்தியாசம்?

ரூ.196 திட்டம் நிலையான 30 நாட்கள் வேலிடிட்டியைக் கொண்டது. மாறாக, ரூ.197 திட்டம் காலண்டர் மாத வேலிடிட்டி (Calendar-month validity) அடிப்படையில் செயல்படுகிறது. இதன் மூலம் வாடிக்கையாளர்கள் ஒவ்வொரு மாதமும் குறிப்பிட்ட ஒரே தேதியில் ரீசார்ஜ் செய்ய முடியும். அடுத்த மாதத்தில் அந்தத் தேதி இல்லாத பட்சத்தில் (உதாரணமாக 31-ம் தேதி ரீசார்ஜ் செய்தால்), அந்த மாதத்தின் கடைசி தேதியிலேயே வேலிடிட்டி முடிவுக்கு வரும்.

உதாரணமாக, நவ.5-ம் தேதி ரீசார்ஜ் செய்தால் அடுத்த ரீசார்ஜ் டிச.5-ம் தேதிதான் வரும். ஆனால் 30 நாட்கள் திட்டம் என்பது நிர்ணயிக்கப்பட்ட 30 நாட்கள் மட்டுமே பின்பற்றும். 2 திட்டங்களுக்கும் இடையேயான 1 ரூபாய் வித்தியாசம் என்பது இந்த ரீசார்ஜ் சுழற்சிக்காக (Recharge Cycle) மட்டுமே. அழைப்பு & எஸ்.எம்.எஸ் நன்மைகள் இரண்டிலும் ஒரே அளவாகவே வழங்கப்படுகின்றன; இரண்டிலுமே மொபைல் டேட்டா இல்லை.

Image Credit : X

ஏர்டெல் உடன் ஒப்பீடு: ஜியோவில் என்ன லாபம்?

ஏர்டெல் நிறுவனம் ஏற்கனவே குறைந்த கால வேலிடிட்டி கொண்ட வாய்ஸ் மற்றும் எஸ்.எம்.எஸ் பேக்குகளை ரூ.185 (28 நாட்கள்), ரூ.203 (30 நாட்கள்) மற்றும் ரூ.206 (ஒரு மாதம்) என்ற விலைகளில் வழங்கி வருகிறது. இவற்றிலும் அன்லிமிடெட் காலிங் மற்றும் 300 எஸ்.எம்.எஸ் மட்டுமே கிடைக்கும்; டேட்டா கிடையாது.

ஏர்டெல்லுடன் ஒப்பிடுகையில், ஜியோவின் 28 நாட்கள் பேக் ரூ.8 குறைவாகவும், 30 நாட்கள் பேக் ரூ.7 குறைவாகவும், காலண்டர் மாத பேக் ரூ.9 குறைவாகவும் கிடைக்கின்றன. மேலும், 22 நாட்கள் சுழற்சியை விரும்பும் வாடிக்கையாளர்களுக்காகக் கூடுதலாக ரூ.147 திட்டத்தையும் ஜியோ வழங்குகிறது. விலை வித்தியாசம் சிறிதளவே இருப்பதால், வாடிக்கையாளர்கள் தங்களது பகுதியில் உள்ள நெட்வொர்க் கவரேஜைக் கருத்தில் கொண்டு முடிவெடுப்பது நல்லது.

ஜியோவின் நீண்ட கால வேலிடிட்டி கொண்ட ரூ.448 (84 நாட்கள் வேலிடிட்டி) மற்றும் ரூ.1,748 (336 நாட்கள் வேலிடிட்டி) திட்டங்கள் வழக்கம் போலக் கிடைக்கின்றன. இந்த புதிய குறைந்த கால பேக்குகள் வாடிக்கையாளர்கள் ஆரம்பத்தில் செலுத்த வேண்டிய தொகையைக் கணிசமாகக் குறைக்கின்றன. அழைப்புகளுக்கு மட்டுமே சிம்மைப் பயன்படுத்துபவர்கள், வங்கி ஓடிபி பெற இரண்டாம் நிலை (Secondary) சிம் வைத்திருப்பவர்கள் மற்றும் வைஃபை (Wi-Fi) மூலமாக மட்டுமே இணையத்தைப் பயன்படுத்துபவர்களுக்கு இந்தத் திட்டங்கள் மிகவும் பயனுள்ளதாக இருக்கும். வழக்கமாக மொபைல் டேட்டா தேவைப்படுபவர்கள், திட்டத்தைத் தேர்ந்தெடுப்பதற்கு முன் டேட்டாவுடன் கூடிய வழக்கமான ரீசார்ஜ் பேக்குகளின் மொத்தச் செலவோடு ஒப்பிட்டுப் பார்த்து ரீசார்ஜ் செய்வது அவசியமாகும்.