MGR vs TMS : எம்ஜிஆர் - டி.எம்.எஸ் மோதலால் எஸ்பிபிக்கு கிடைத்த ஜாக்பாட் வாய்ப்பு... தமிழ் சினிமாவை அதிரவைத்த சம்பவம்!

எம்ஜிஆர், டிஎம் சௌந்தரராஜன், டிஎம்எஸ், எஸ்பி பாலசுப்பிரமணியம், எஸ்பிபி, அடிமைப் பெண், ஆயிரம் நிலவே வா, எம்ஜிஆர் டிஎம்எஸ் சர்ச்சை, எம்ஜிஆர் எஸ்பிபி, தமிழ் சினிமா வரலாறு,

Image Credit : youtube

MGR vs TMS

தமிழ் சினிமாவின் பொற்காலத்தில் நடிகர் எம்.ஜி.ஆர் மற்றும் பின்னணிப் பாடகர் டி.எம். சௌந்தரராஜன் கூட்டணி ரசிகர்களால் பெரிதும் கொண்டாடப்பட்டது. இருப்பினும், ஒரு கட்டத்தில் இருவருக்கும் இடையே ஏற்பட்ட சிறிய கருத்து வேறுபாடு, தமிழ் திரையுலகின் இசை வரலாற்றையே மாற்றிய ஒரு சம்பவத்திற்கு வழிவகுத்ததாக கூறப்படுகிறது. எம்.ஜி.ஆர் தனது படங்களில் பணியாற்றும் கலைஞர்களுடன் நெருக்கமான உறவை விரும்பியவர். ஆனால் டி.எம். சௌந்தரராஜன், ஒரு நடிகருக்காக மட்டுமல்லாமல் அனைத்து நடிகர்களுக்கும் சமமாக பாட வேண்டும் என்ற கொள்கையில் உறுதியாக இருந்தார்.

Image Credit : pintrest

டிஎம்எஸ் உடன் கருத்து வேறுபாடு

இந்த எண்ண வேறுபாடே இருவருக்கும் இடையே லேசான மனக்கசப்பை உருவாக்கியது. அந்த சமயத்தில், தனது மகளின் திருமண ஏற்பாடுகளில் முழுமையாக ஈடுபட்டிருந்த டி.எம். சௌந்தரராஜனை, 'அடிமைப் பெண்' படத்தின் பாடல் பதிவுக்காக எம்.ஜி.ஆர் அவசரமாக அழைத்ததாக கூறப்படுகிறது. திருமணப் பணிகள் முடிந்ததும் முழு மனதுடன் பாடி தருவதாக டி.எம்.எஸ் தெரிவித்திருந்தாலும், உடனடியாக வர முடியாது என்று கூறியதால் இருவருக்கும் இடையே மீண்டும் கருத்து வேறுபாடு ஏற்பட்டதாக சொல்லப்படுகிறது.

Image Credit : X

எஸ்பிபிக்கு கிடைத்த வாய்ப்பு

இதையடுத்து, அந்தப் பாடலை புதிய குரலில் பதிவு செய்ய முடிவு செய்யப்பட்டதாக கூறப்படுகிறது. அப்போது வளர்ந்து கொண்டிருந்த இளம் பாடகரான எஸ்.பி. பாலசுப்பிரமணியத்திற்கு அந்த வாய்ப்பு கிடைத்தது. ஆனால் உடல்நலக் குறைவு காரணமாக அவரால் உடனடியாக பாட முடியாமல் போனதால், பதிவு தாமதமானதாகவும் கூறப்படுகிறது. இதற்கிடையில், டி.எம்.எஸ் இந்தப் படத்தில் பாடவில்லை என்ற செய்தி திரையுலகில் பரபரப்பை ஏற்படுத்தியது. இதைத் தொடர்ந்து, பட விநியோகஸ்தர்கள் எம்.ஜி.ஆரை சந்தித்து, ரசிகர்கள் இன்னும் டி.எம். சௌந்தரராஜனின் குரலையே அதிகம் விரும்புகிறார்கள் என்றும், படத்தின் வியாபார நலனுக்காக அவரை மீண்டும் பாட வைக்க வேண்டும் என்றும் வலியுறுத்தியதாக கூறப்படுகிறது.

Image Credit : X

தவிர்க்க முடியாத டிஎம்எஸ்

விநியோகஸ்தர்களின் கருத்தை ஏற்ற எம்.ஜி.ஆர், மீதமிருந்த பாடல்களைப் பாட டி.எம். சௌந்தரராஜனை மீண்டும் அழைத்ததாக தகவல்கள் தெரிவிக்கின்றன. அதன்பிறகு அவர் பாடிய பாடல்களும் படத்தில் இடம்பெற்றன. இந்த சம்பவம் குறித்து பல்வேறு கருத்துகள் இருந்தாலும், டி.எம். சௌந்தரராஜனின் இசைத் திறமையும், ரசிகர்களின் பேராதரவும் அவரை மீண்டும் முன்னணி இடத்திற்கு கொண்டு வந்ததாக பலரும் கருதுகின்றனர். அதே நேரத்தில், எஸ்.பி. பாலசுப்பிரமணியத்திற்கும் இது தமிழ் சினிமாவில் முக்கியமான வாய்ப்பாக அமைந்த நிகழ்வாக நினைவுகூரப்படுகிறது.