ஒற்றை வார்த்தைக்காக மனம் மாறிய சந்தானம்! AK 62 படத்தில் நடிக்க ஒப்புக்கொண்டதன் பின்னணி என்ன தெரியுமா?
காமெடி ட்ராக்கில் இருந்து மாறி, தொடர்ந்து ஹீரோவாக மட்டுமே திரைப்படங்களில் நடித்து வரும் சந்தானம், ஏகே 62 படத்தில் காமெடி வேடத்தில் நடிக்க என்ன காரணம்? என்பது குறித்த தகவல் தற்போது வெளியாகி உள்ளது.
Follow'துணிவு' படத்தில் நடித்து முடித்துள்ள அஜித், அடுத்ததாக தன்னுடைய 62 ஆவது படத்தை பிரபல நடிகை நயன்தாராவின் காதல் கணவரும், இயக்குனருமான விக்னேஷ் சிவன் இயக்கத்தில் நடிக்க உள்ளார். இந்தப் படத்தின் படப்பிடிப்பு பணிகள் அடுத்த மாதம் துவங்கும் என கூறப்படும் நிலையில், அடுத்தடுத்து பல படங்களில் கதாநாயகனாக நடித்து வரும் சந்தானம் காமெடி வேடத்தில் நடிக்க உள்ளதாக வெளியான தகவலை தொடர்ந்து ,இப்படத்தில் அவர் ஹீரோ அல்லாத கதாபாத்திரத்தில் நடிக்க என்ன காரணம்? என்பது குறித்த பின்னணி வெளியாகி உள்ளது.
இது குறித்து பிரபல ஊடகம் ஒன்றில் வெளியாகி உள்ள தகவலின் படி... அஜித்தின் 62 ஆவது படத்தின் கதையை எழுதி முடித்த பின்னர், இயக்குனர் விக்னேஷ் சிவன் அஜித்திடம் கதை கூறி உள்ளார். இந்த கதையை கேட்ட பின், அஜித் இந்த கதையில் வரும் மற்றொரு முக்கிய கதாபாத்திரத்தில் யார் நடிக்க உள்ளார் என்பதை விக்னேஷ் சிவனிடம் கேட்டு இருக்கிறார்.
இதற்க்கு விக்னேஷ் சிவன், சந்தானம் நடித்தால் அந்த கதாபாத்திரம் மிகவும் அருமையாக இருக்கும் என தன்னுடைய விருப்பத்தைக் கூற, அஜித்தும் உற்சாகமாக அவரிடம் பேசிப் பாருங்கள் என கூறியுள்ளார். மேலும் அஜித்தே சந்தானத்திற்கு போன் செய்து, இயக்குனர் விக்னேஷ் சிவன் உங்களிடம் ஒரு கதை கூறுவார் அதைக் கேட்டுப் பாருங்கள் என கூறியுள்ளார்.
அஜித் கூறியதற்கு மறுவார்த்தை பேசாத சந்தானம், விக்னேஷ் சிவன் கூறிய கதையை முழுமையாக கேட்டு விட்டு... கதை மிகவும் அருமையாக இருக்கிறது என தன்னுடைய வாழ்த்துக்களை கூறியுள்ளார். பின்னர் அஜித்துக்கும் தன்னுடைய வாழ்த்துக்களை கூறியுள்ளார். அப்போது திடீர் என அஜித் 'சார் நம்ப சேர்ந்து ஒர்க் பண்றோம்' என தன்னுடைய விருப்பத்தை கூறவே இதனை எதிர்பாராத சந்தானம், அஜித்தின் கூறிய வார்த்தைக்காக இந்த படத்தில் நடிக்க சம்மதம் தெரிவித்துள்ளார் என கூறப்படுகிறது.
இயக்குனர் விக்னேஷ் சிவன் இயக்கிய 'போடா போடி' படத்தில் சந்தானம் பணியாற்றியுள்ளார். அதேபோல் இந்த படத்தின் தயாரிப்பாளர் தமிழ் குமாரனுடனும் பணியாற்றி உள்ளதால்... அடுத்தடுத்து ஹீரோவாக நடிக்கும் படங்கள் கைவசம் இருந்தாலும், மன நிறைவோடு இந்த படத்திலும் பணியாற்ற சம்மதம் தெரிவித்துள்ளார் என கூறப்படுகிறது.
தற்போது சந்தானம் 'கிக்' என்கிற படத்தில் ஹீரோவாக நடித்த முடித்துள்ளார். இதை தொடர்ந்து 'இந்தியா பாகிஸ்தான்', 'தில்லுக்கு துட்டு 3' ஆகிய படங்கள் இவர் கைவசம் உள்ளன. அஜித்துடன் ஏ கே 62 படத்தில் கூட சந்தானம் காமெடி வேடத்தில் நடிக்கவில்லை என்றும், இது ஹீரோவுக்கு நிகரான குணச்சித்திர வேடம் என்றும்... கூடவே காமெடிக்கு பஞ்சம் இருக்காது என கூறப்பட்டுள்ளது.
நன்றி விகடன்
சேனலை கிளிக் செய்து பின்தொடரவும்
