ரசிகர்கள் மற்றும் குடும்பத்தினருடன் பிறந்தநாள் கொண்டாடிய இளம் நடிகர் விஜய் விஷ்வா..! பர்த்டே போட்டோஸ்..!

தமிழ் திரையுலகில், மிகவும் வேகமாக வளர்ந்து வரும் இளம் நடிகர் விஜய் விஷ்வா இன்று தன்னுடைய குடும்பத்தினர் மற்றும் ரசிகர்களுடன் பிறந்தநாள் கொண்டாடியுள்ளார். இந்த புகைப்படங்கள் ரசிகர்களால் வைரலாக பார்க்கப்பட்டு, லைக்குகளை குவித்து வருகிறது. 

இதுவரை  ஒரு வளரும் நடிகராக இருந்து  20 படங்களுக்கு மேல் நடித்துள்ள அபி சரவணன் இப்போது விஜய் விஷ்வா என்று  பெயர்  மாற்றிக்கொண்டு புதிய நம்பிக்கையோடு புதிய பட வாய்ப்புகளில் நடித்து வருகிறார்.

அவரது பிறந்த நாளை ஒட்டி  அவர்  நடித்துள்ள 'பரபரப்பு' மற்றும் 'கும்பாரி' படங்களின் பர்ஸ்ட் லுக் போஸ்டர்களை நடிகர்கள் விஷால் , விஜய் சேதுபதி, நட்டி நடராஜ் ஆகியோர் வெளியிட்டுள்ளனர்.

 திரையுலகில் தங்கள் உழைப்பால் தங்களுக்கான பாதையை அமைத்துக் கொண்ட விஷால், விஜய் சேதுபதி, நட்டி நடராஜ் போன்றவர்கள் , திரையுலகில் தனக்கான இடத்திற்காகப் போராடிக் கொண்டிருக்கும் விஜய் விஷ்வாவின்  உழைப்பை அங்கீகரித்து ஃபர்ஸ்ட் லுக்கை  மனமுவந்து வெளியிட்டு வாழ்த்தி உள்ளார்கள்.

திரைப்படங்கள் நடிப்பதில் ஒரு புறம் நடிகர் விஜய் விஷ்வா கவனம் செலுத்தி வந்தாலும், மற்றொருபுறம்... சமூக சேவை போன்றவற்றால், தாராள மனம் கொண்ட மனிதராக உயர்ந்து நிற்கிறார்.

மேலும் தன்னுடைய பிறந்தநாளை முன்னிட்டு இன்று, ரசிகர்கள் மற்றும் குடும்பத்தினருடன் இந்த பிறந்தநாளை உற்சாகமாக கொண்டாடி மகிழ்ந்த இவர்.... பேசியுள்ளதாவது,  "நான் கடந்த டிசம்பர் 2021-ல் அபிசரவணன் ஆக இருந்தபோது ஏதோ என்னிடம் குறைவது போல் உணர்ந்தேன். நம்பிக்கையாக சொல்லிக் கொள்ளும்படியான பட வாய்ப்புகள் பற்றி என்னால் அப்போது பேச முடியவில்லை. 2022-ல் விஜய் விஷ்வாவாக மாறி இப்போது நான் நடித்து வெளியாகும் அளவிற்கு பரபரப்பு, கும்பாரி என இரண்டு நம்பிக்கை தரும் படங்கள் கையில் உள்ளன.இதில் பரபரப்பு விரைவில் பாடல்கள் வெளியீட்டு விழா நடைபெற உள்ளது. படம் மார்ச்சில் வெளியாகும் திட்டத்தில் உள்ளது. அது மட்டுமல்லாமல் வெப் சீரிஸ், புதிய படங்கள் என வரிசையாக வாய்ப்புகள் வந்துள்ளன.

அந்த வகையில்  எனக்கு இந்தப் பெயர் மாற்றம் வாழ்க்கையிலும் ஒரு மாற்றத்தை ஏற்படுத்தியுள்ளது என்றே கூற வேண்டும்.அபி சரவணன் என்ற பெயரில் எனக்கு எந்த வெறுப்புமில்லை. ஆனால் இசையமைப்பாளர் ஜிப்ரானின் தந்தை  இப்படிப் பெயர் மாற்றினால் நன்றாக இருக்கும் என்று கூறிய ஆலோசனைப்படி இதை மாற்றி இருக்கிறேன்.  அதன் பின் மாற்றத்திற்கான , வளர்ச்சிக்கான அறிகுறிகள் எனக்குத் தென்பட ஆரம்பித்துள்ளன.

தொடர்ந்து என்னுடைய வெற்றி படிகளை கவனமாகவும், ரசிகர்களுக்கு பிடித்த வகையிலும் நகர்த்தவே ஆசை படுகிறேன். தன்னுடைய பிறந்தநாளுக்கு வாழ்த்து  கூறிய அனைவருக்கும் நெஞ்சார்ந்த நன்றிகள் என தெரிவித்துள்ளார்.