வேட்டையனை காலி செய்ய இந்த வாரம் தியேட்டர் & ஓடிடியில் ரிலீஸ் ஆகும் மூவீஸ் லிஸ்ட் இதோ!!

Theatre and OTT release Movies : ரஜினிகாந்த் நடித்த வேட்டையன் திரைப்படம் இந்த வாரம் ரிலீஸ் ஆக உள்ள நிலையில் அதற்கு போட்டியாக தியேட்டர் மற்றும் ஓடிடியில் ரிலீஸ் ஆகும் படங்களின் பட்டியலை பார்க்கலாம்.

Vettaiyan

தியேட்டர் ரிலீஸ்

கோலிவுட்டில் கடந்த வாரம் சிறு பட்ஜெட் படங்கள் வரிசைகட்டி ரிலீஸ் ஆன நிலையில், இந்த வாரம் பிரம்மாண்ட படங்கள் ரிலீசுக்காக காத்திருக்கின்றன. அது என்னென்ன படங்கள் என்பதை இந்த தொகுப்பில் பார்க்கலாம்.

வேட்டையன்

ரஜினிகாந்த் நடிப்பில் பிரம்மாண்டமாக உருவாகி இருக்கும் வேட்டையன் திரைப்படம் இந்த வாரம் திரையரங்குகளில் ரிலீஸ் ஆக உள்ளது. இப்படத்தை ஜெய் பீம் படத்தின் இயக்குனர் த.செ.ஞானவேல் இயக்கி உள்ளார். இப்படத்தில் ரஜினிகாந்த் உடன் பகத் பாசில், அமிதாப் பச்சன், ரித்திகா சிங், துஷாரா விஜயன் என மிகப்பெரிய நட்சத்திர பட்டாளமே நடித்துள்ளது. அனிருத் இப்படத்திற்கு இசையமைத்து உள்ளார். லைகா நிறுவனம் தயாரித்துள்ள இப்படம் வருகிற அக்டோபர் 10-ந் தேதி உலகமெங்கும் பிரம்மாண்டமாக ரிலீஸ் ஆக உள்ளது.

Black Movie

பிளாக்

ரஜினியின் வேட்டையன் படத்துக்கு போட்டியாக ஜீவா நடித்துள்ள பிளாக் திரைப்படம் ரிலீஸ் ஆக உள்ளது. இது கோஹெரன்ஸ் என்கிற ஹாலிவுட் படத்தின் ரீமேக் ஆகும். இப்படத்தில் நடிகர் ஜீவாவுக்கு ஜோடியாக பிரியா பவானி சங்கர் நடித்திருக்கிறார். இப்படத்தை பாலசுப்ரமணி இயக்கி உள்ளார். இப்படத்திற்கு சாம் சிஎஸ் இசையமைத்து உள்ளார். இப்படத்தின் படத்தொகுப்பு பணிகளை பிலோமின் ராஜ் மேற்கொண்டு இருக்கிறார். இப்படம் வருகிற அக்டோபர் 11-ந் தேதி திரையரங்குகளில் ரிலீஸ் ஆக உள்ளது.

இதையும் படியுங்கள்... இருக்கு; கண்டிப்பா செம Fun இருக்கு; நெல்சன் தயாரிப்பில் கவின் அசத்தும் Bloody Beggar - டீசர் இதோ!

Vaazhai

ஓடிடியில் ரிலீசாகும் தமிழ் படங்கள்

வாழை

மாரி செல்வராஜ் இயக்கத்தில் கடந்த ஆகஸ்ட் மாதம் திரைக்கு வந்து அமோக வரவேற்பை பெற்ற திரைப்படம் வாழை. இப்படத்தில் கலையரசன், திவ்யா துரைசாமி, நிகிலா விமல் ஆகியோர் முதன்மை கதாபாத்திரங்களில் நடித்திருந்தனர். தன் வாழ்க்கையில் நடந்த உண்மை சம்பவத்தை மையமாக வைத்து வாழை திரைப்படம் உருவாகி இருந்தது. தியேட்டரில் வசூல் வேட்டை நடத்திய வாழை திரைப்படம் தற்போது ஓடிடிக்கு வந்துள்ளது. இப்படம் வருகிற அக்டோபர் 11-ந் தேதி டிஸ்னி பிளஸ் ஹாட்ஸ்டார் ஓடிடி தளத்தில் ரிலீஸ் ஆக உள்ளது.

Andhagan

அந்தகன்

பிரசாந்தின் கம்பேக் திரைப்படமான அந்தகனும் இந்த வாரம் ஓடிடியில் ரிலீஸ் ஆக உள்ளது. இப்படத்தை தியாகராஜன் இயக்கி உள்ளார். இப்படத்தில் பிரசாந்த் உடன் சிம்ரன், பிரியா ஆனந்த், கார்த்திக், ஊர்வசி, கே.எஸ்.ரவிக்குமார், வனிதா என மிகப்பெரிய நட்சத்திர பட்டாளமே நடித்திருந்தது. இது அந்தாதூண் என்கிற பாலிவுட் படத்தின் ரீமேக் ஆகும். சந்தோஷ் நாராயணன் இப்படத்திற்கு இசையமைத்து இருந்தார். இப்படம் அமேசான் பிரைம் ஓடிடி தளத்தில் ரிலீஸ் ஆக உள்ளது.

Stree 2

ஓடிடியில் ரிலீஸ் ஆகும் மற்ற மொழி படங்கள்

அமலா பால் நடிப்பில் மலையாளத்தில் வெளிவந்த லெவல் கிராஸ் திரைப்படம் ஆஹா தமிழ் ஓடிடி தளத்தில் தமிழ் டப்பிங் உடன் அக்டோபர் 11-ந் தேதி ரிலீஸ் ஆகிறது. சூரரைப் போற்று படத்தின் இந்தி ரீமேக் ஆன சர்பிரா ஹாட்ஸ்டாரில் அக்டோபர் 11-ல் ரிலீஸ் ஆகிறது. இதுதவிர பாலிவுட்டில் கம்மி பட்ஜெட்டில் எடுக்கப்பட்டு பாக்ஸ் ஆபிஸில் 850 கோடிக்கு மேல் வசூலித்த ஸ்ட்ரீ 2 திரைப்படம் அக்டோபர் 10ந் தேதி தமிழ் டப்பிங்கில் அமேசான் பிரைம் ஓடிடி தளத்தில் ரிலீஸ் ஆகிறது.

இதையும் படியுங்கள்... சாச்சனாவை தொடர்ந்து பிக்பாஸில் அடுத்த எலிமினேஷன் - சிக்கியது யார்; யார் தெரியுமா?