யோகிபாபு இல்ல ஆனா இந்த காமெடி நடிகர் இருக்காராம்... விஜய்யின் லியோ படத்தில் இணைந்த பிரபல நகைச்சுவை நடிகர்

நடிகர் விஜய்யின் 67-வது திரைப்படம் லியோ. மாஸ்டர் படத்திற்கு பின்னர் இயக்குனர் லோகேஷ் கனகராஜ் உடன் நடிகர் விஜய் இரண்டாவது முறையாக கூட்டணி அமைத்துள்ள இப்படத்தில் கதாநாயகியாக திரிஷா நடிக்கிறார். அனிருத் இசையமைக்கும் இப்படத்திற்கு மனோஜ் பரமஹம்சா ஒளிப்பதிவு செய்கிறார். லியோ படத்தின் இறுதிக்கட்ட படப்பிடிப்பு தற்போது சென்னையில் விறுவிறுப்பாக முழுவீச்சில் நடைபெற்று வருகின்றது.

லியோ படத்தின் ஷூட்டிங்கே முடிவடையும் நிலைக்கு வந்துவிட்டாலும் இப்படத்தில் இணையும் நடிகர்கள் பட்டியல் இன்னும் நீண்டுகொண்டே தான் செல்கிறது. ஏற்கனவே லியோ படத்தில் கவுதம் மேனன், சஞ்சய் தத், மிஷ்கின், சாண்டி மாஸ்டர், ஆக்‌ஷன் கிங் அர்ஜுன், மன்சூர் அலிகான், நடிகை பிரியா வாரியர், மடோனா செபஸ்டியன், மலையாள நடிகர் மேத்யூ தாமஸ், பாபு ஆண்டனி, பிக்பாஸ் பிரபலம் ஜனனி என மிகப்பெரிய நட்சத்திர பட்டாளமே நடித்துள்ளது.

இதையும் படியுங்கள்... தமிழ்நாட்டை அடுத்த லெவலுக்கு கொண்டு செல்ல... நீங்க வாங்க விஜய்! தளபதியின் அரசியல் பேச்சை ஆதரித்த பிரபலம்

இந்த நிலையில், லியோ படத்தில் புது வரவாக நகைச்சுவை நடிகர் வையாபுரி இணைந்துள்ளாராம். இதன்மூலம் 14 ஆண்டுகளுக்கு பின்னர் நடிகர் விஜய்யுடன் கூட்டணி அமைத்துள்ளாராம் வையாபுரி. இவர்கள் இருவரும் கடைசியாக பிரபுதேவா இயக்கத்தில் வெளியான வில்லு திரைப்படத்தில் இணைந்து பணியாற்றி இருந்தனர். அதன்பின் இணைந்து நடிக்கும் வாய்ப்பு கிடைக்காமல் இருந்த நிலையில், லியோ மூலம் மீண்டும் சேர்ந்து நடித்துள்ளனர்.

லியோ படத்தில் நடித்துள்ளதை சமீபத்திய பேட்டியில் உறுதி செய்த வையாபுரி, இந்த வாய்ப்பு கிடைக்க கமல் தான் காரணம் என கூறி உள்ளார். விக்ரம் படத்தின் போதே வையாபுரிக்கு சின்ன ரோல் கொடுக்குமாறு லோகேஷிடம் கமல் சொன்னாராம். அப்படத்தில் அவரை நடிக்க வைக்காமல் போன நிலையில், தற்போது லியோ படத்திற்காக அவரே அழைத்து நடிக்க வைத்தாராம். இதுவரை தான் நடித்த கதாபாத்திரங்களில் இருந்து இது வித்தியாசமாக இருக்கும் என வையாபுரி கூறி உள்ளார்.

இதையும் படியுங்கள்... அவ்ளோதான் இதுக்கு மேல எல்சியூ படங்கள் கிடையாது - அதிரடியாக அறிவித்த லோகேஷ் கனகராஜ்