விஷ்ணு விஷாலின் கட்டா குஸ்தி படத்தில் இணைந்த உதயநிதி... மாஸான போஸ்டருடன் வந்த முக்கிய அப்டேட்

தமிழ் திரையுலகில் வித்தியாசமான கதையம்சம் கொண்ட படங்களை தேர்ந்தெடுத்து நடித்து மக்கள் மத்தியில் பிரபலமானவர் விஷ்ணு விஷால். இவர் நடிப்பில் இந்த ஆண்டு தொடக்கத்தில் எஃப்.ஐ.ஆர் திரைப்படம் ரிலீசானது. இயக்குனர் கவுதம் மேனனிடம் உதவி இயக்குனராக பணியாற்றிய மனு ஆனந்த் என்பவர் தான் இப்படத்தை இயக்கி இருந்தார்.

இதில் விஷ்ணு விஷாலுடன் ரைசா வில்சன், மஞ்சிமா மோகன், ரெபா மோனிகா ஜான் ஆகியோர் நடித்திருந்தனர். கடந்த பிப்ரவரி மாதம் ரிலீசான இப்படத்தை தமிழகத்தில் உதயநிதி ஸ்டாலினின் ரெட் ஜெயண்ட் மூவீஸ் நிறுவனம் தான் வெளியிட்டது. அமோக வரவேற்பை பெற்ற இப்படம் பாக்ஸ் ஆபிஸிலும் நல்ல வசூல் பார்த்து வெற்றிப்படமாக அமைந்தது.

இதையும் படியுங்கள்... எப்போதும் என் உயிர், உலகம் நீதான் தங்கமே! குழந்தை பிறந்த பின்பும் குறையாத காதலுடன் நயன்தாராவை வாழ்த்திய விக்கி

இதையடுத்து விஷ்ணு விஷால் நடிப்பில் தற்போது உருவாகி உள்ள திரைப்படம் கட்டா குஸ்தி. இப்படத்தை செல்ல அய்யாவு என்பவர் இயக்கி உள்ளார். இப்படத்தில் விஷ்ணு விஷாலுக்கு ஜோடியாக பொன்னியின் செல்வன் பட நடிகை ஐஸ்வர்யா லட்சுமி நடித்துள்ளார். இப்படத்தை விஷ்ணு விஷாலும், தெலுங்கு நடிகர் ரவி தேஜாவும் இணைந்து தயாரித்து உள்ளனர்.

இப்படம் வருகிற டிசம்பர் 2-ந் தேதி ரிலீசாகும் என சமீபத்தில் அறிவிக்கப்பட்ட நிலையில், தற்போது இப்படத்தின் தமிழக திரையரங்க வெளியீட்டு உரிமையை உதயநிதி ஸ்டாலினின் ரெட் ஜெயண்ட் மூவீஸ் நிறுவனம் வாங்கி உள்ளதாக அதிகாரப்பூர்வமாக அறிவித்துள்ளனர். இப்படம் மட்டி குஸ்தி என்கிற பெயரில் தெலுங்கிலும் ரிலீசாக உள்ளது குறிப்பிடத்தக்கது.

இதையும் படியுங்கள்... ‘கலகத் தலைவன்’ ஆக வெற்றி வாகை சூடினாரா உதயநிதி ஸ்டாலின்?... டுவிட்டர் விமர்சனம் இதோ