முடிஞ்சா என்னை தாண்டி தொடுங்கடா..! இணையத்தை கலங்கடிக்கும் எச். ராஜா மீம்ஸ்
பாஜகவின் எச். ராஜா 'கந்தன் மலை' படத்தின் மூலம் நடிகராக அறிமுகமாகியுள்ளார். அவரது பர்ஸ்ட் லுக் போஸ்டர் ட்ரோல் செய்யப்பட்ட நிலையில், தவெக தலைவர் விஜய் அவர் பின்னால் ஒளிந்துகொள்வது போன்ற ஒரு மீம் இணையத்தில் வைரலாகி வருகிறது.
எச்.ராஜா மீம்ஸ்
தமிழக அரசியலில் மிகவும் சர்ச்சைக்குரிய அரசியல் தலைவர்களில் ஒருவராக கடந்த சில ஆண்டுகளாக இருந்து வந்தார் எச். ராஜா. பாஜகவின் தேசிய செயலாளராக இருந்த அவர் அந்தக் கட்சியில் பெரிய பதவிகளில் இல்லை. ஆனாலும், அரசியலில் தொடர்ந்து இயங்கிய எச். ராஜா, பின்னர் சினிமாவில் நடிகராக அறிமுகமாக உள்ளார். ‘கந்தன் மலை’ படத்தில் அவர் முக்கியக் கதாபாத்திரத்தில் நடித்துள்ளார். இந்த படத்தின் போஸ்டர் கடந்த மாதத்தில் இணையத்தில் வெளியாகி வைரலாகியது.
கந்தன் மலை போஸ்டர்
அந்த போஸ்டரில் எச். ராஜா முறுக்கு மீசை வைத்திருந்தார். கழுத்தில் ருத்ராட்ச மாலை, கையில் ருத்ராட்ச மாலை அணிந்திருந்தார். பின்னணியில் கோயிலின் நுழைவுவாயிலில் கதவு தெரிந்தது. அந்த கதவின் வழியாக எச். ராஜா கூட்டமாக கோயிலுக்குள் நுழைந்ததாக இந்த பர்ஸ்ட் லுக் போஸ்டர் காட்டியது. இந்த படத்தை வீரமுருகன் இயக்க, தாமரை டிவி புரொடக்ஷன்ஸ் தயாரித்துள்ளது.
தவெக விஜய்
இந்த முதல் லுக் போஸ்டரை தமிழக பாஜக தலைவர் நயினார் நாகேந்திரன் வெளியிட்டார். இந்த போஸ்டரில் எச். ராஜாவின் லுக் நெட்டிசன்கள் மத்தியில் ட்ரோல் செய்யப்பட்டது என்பது குறிப்பிடத்தக்கது. கரூர் மாவட்டத்தில் நடைபெற்ற தவெக விஜயின் பிரச்சார கூட்டத்தில் 41 பேர் உயிரிழந்த சம்பவம் நாட்டையே அதிர வைத்துள்ளது.
எச்.ராஜா பின்னால் விஜய்
நீதிமன்றம் தமிழக வெற்றிக் கழக கட்சிக்கு கடும் கண்டனங்களை தெரிவித்துள்ளது. இந்த நிலையில் ஒரு போஸ்டர் ஒன்று இணையத்தில் வெளியாகி வைரலாகி வருகிறது. அதில் கந்தன் மலை படத்தில் நடித்துள்ள எச். ராஜாவின் பின்புறத்தில் தவெக தலைவர் விஜய் ஒளிந்து கொள்வது போல் ஏஐ மூலம் உருவாக்கப்பட்டுள்ளது. இந்த மீம்ஸை நெட்டிசன்கள் வைரலாக்கி வருகின்றனர்.