என் பையன் இறந்துட்டான்; சோகத்தில் நடிகை திரிஷா போட்ட கண்ணீர் பதிவு

செளத் குயின் என ரசிகர்களால் செல்லமாக அழைக்கப்படுபவர் திரிஷா. 20 ஆண்டுகளுக்கு மேல் திரையுலகில் முன்னணி நடிகையாக கோலோச்சி வரும் திரிஷாவுக்கு தற்போது 41 வயது ஆகிறது. வயசானாலும் இளமை குறையாமல் 20 வயது பெண் போல் மிகவும் யங் ஆகவே இருப்பதால் திரிஷாவுக்கு இன்றளவு மவுசு குறையவில்லை. தற்போது தமிழ் சினிமாவில் செம்ம பிசியான நடிகையாகவும் திரிஷா இருக்கிறார். இவர் கைவசம் அரை டஜன் படங்கள் உள்ளன.

திரிஷா நடிப்பில் தற்போது சூர்யா 45 திரைப்படம் தயாராகி வருகிறது. ஆர்.ஜே.பாலாஜி இயக்கும் இப்படத்தில் சூர்யாவுக்கு ஜோடியாக நடித்து வருகிறார் திரிஷா. இதுதவிர நடிகர் அஜித்துக்கு ஜோடியாக குட் பேட் அக்லி, விடாமுயற்சி ஆகிய இரண்டு படங்களில் நடித்து வருகிறார் திரிஷா. இதில் விடாமுயற்சி திரைப்படம் வருகிற 2025-ம் ஆண்டு பொங்கல் பண்டிகைக்கு திரைக்கு வர உள்ளது. அதேபோல் குட் பேட் அக்லி மே மாதம் திரைக்கு வருகிறது.

இதையும் படியுங்கள்... த்ரிஷாவின் டாப் 5 பெஸ்ட் மூவிஸ் என்னென்ன தெரியுமா?

தமிழ் தவிர மலையாளம், தெலுங்கு ஆகிய மொழிகளிலும் திரிஷாவுக்கு படங்கள் உள்ளன. இதில் தெலுங்கில் சிரஞ்சீவிக்கு ஜோடியாக விஸ்வம்பரா என்கிற படத்திலும் மலையாளத்தில் டொவினோ தாமஸ் ஜோடியாக ஐடண்டிட்டி என்கிற திரைப்படத்திலும் நடித்திருக்கிறார். மேலும் மணிரத்னம் இயக்கத்தில் உருவாகி உள்ள தக் லைஃப் திரைப்படத்திலும் சிம்புவுக்கு ஜோடியாக நடித்துள்ளார் திரிஷா. இந்தப் படமும் அடுத்த ஆண்டு ஜூன் மாதம் திரைக்கு வர உள்ளது.

இப்படி சினிமாவில் பிசியாக இருக்கும் திரிஷாவுக்கு நாய்கள் என்றால் அலாதி பிரியம். இதனால் தன் வீட்டில் ஏராளமான நாய்களை வளர்த்து வருகிறார் திரிஷா. அதில் அவரின் பேவரைட் நாயின் பெயர் ஜாரோ. இந்த நாயை கடந்த 2012-ம் ஆண்டு முதல் வளர்த்து வருகிறார் திரிஷா. அதை நாய் என்று சொல்ல விரும்பாத திரிஷா, ஜாரோவை தன் மகனாகவே வளர்த்து வந்துள்ளார். இந்த நிலையில், இன்று காலை நடிகை திரிஷாவின் செல்ல நாய் ஜாரோ திடீரென உயிரிழந்துள்ளது. 

இதுகுறித்து உருக்கமாக பதிவிட்டுள்ள திரிஷா. என் மகன் ஜாரோ கிறிஸ்துமஸ் தினத்தன்று காலை இறந்துவிட்டான். இதன்பின் என் வாழ்க்கை அர்த்தமற்றதாக ஆகிவிட்டது என்பது என்னை நன்கு அறிந்தவர்களுக்கு தெரியும். இந்த அதிர்ச்சியில் இருந்து மீள முடியாமல் நானும் என் குடும்பத்தாரும் உடைந்துபோய் உள்ளோம். மீண்டும் இயல்பு நிலைக்கு திரும்ப நேரம் ஆகும் என கண்ணீர்மல்க பதிவிட்டு ஜாரோ அடக்கம் செய்தபோது எடுத்த புகைப்படத்தையும் பதிவிட்டுள்ளார் திரிஷா. இதைப்பார்த்த ரசிகர்கள் அவருக்கு ஆறுதல் கூறி வருகின்றனர்.

இதையும் படியுங்கள்... த்ரிஷா 22 ஆண்டுகள் நிறைவு – த்ரிஷாவிற்கு சைலண்டா டிரீட் கொடுத்த சூர்யா 45 அண்ட் டீம்!