எந்த தியேட்டரும் ஒதுக்கல! துணிவு & வாரிசு படத்தின் உண்மை நிலவரத்தை புட்டுபுட்டு வைத்த திருப்பூர் சுப்பிரமணியம்

பொங்கலுக்கு ரிலீசாக உள்ள அஜித்தின் துணிவு மற்றும் விஜய்யின் வாரிசு ஆகிய இரு படங்களுக்கும் இதுவரை எந்த திரையரங்குகளும் ஒதுக்கவில்லை என்று திருப்பூர் சுப்பிரமணியம் தெரிவித்துள்ளார். 

அஜித் நடித்துள்ள துணிவு படமும், விஜய் நடித்துள்ள வாரிசு படமும்  வருகிற ஜனவரி மாதம் பொங்கல் பண்டிகைக்கு திரையரங்குகளில் ரிலீசாக உள்ளது. கிட்டத்தட்ட 9 ஆண்டுகளுக்கு பின் விஜய், அஜித் படங்கள் நேருக்கு நேர் மோத உள்ளதால் இந்த இரண்டு படங்களுக்கும் ரசிகர்கள் மத்தியில் நாளுக்கு நாள் எதிர்பார்ப்பு அதிகரித்த வண்ணம் உள்ளது.

துணிவு படத்தை உதயநிதி ஸ்டாலினின் ரெட் ஜெயண்ட் மூவீஸ் நிறுவனமும், வாரிசு படத்தை செவன் ஸ்கிரீன் ஸ்டூடியோஸ் லலித் குமாரும் வெளியிட உள்ளார். இதனிடையே வாரிசு படத்திற்கு அதிக அளவில் தியேட்டர்கள் ஒதுக்க முடியாது என தெலுங்கு தயாரிப்பாளர் சங்கம் அறிவித்துள்ளதால் அப்படம் திட்டமிட்டபடி ரிலீஸ் ஆகுமா என்கிற குழப்பம் ஒரு பக்கம் நீடித்து வருகிறது.

இதையும் படியுங்கள்... விஜய் தேவரகொண்டா - ராஷ்மிகா ஜோடிக்கு திருமணம் முடிந்துவிட்டதா? - இணையத்தில் காட்டுத்தீ போல் பரவும் போட்டோ

மறுபக்கம், துணிவு படத்திற்காக தமிழகம் முழுவதும் தியேட்டர்களை புக் செய்யும் பணிகளில் ரெட் ஜெயண்ட் மூவீஸ் நிறுவனம் அதிரடியாக களமிறங்கி உள்ளதாகவும் தகவல்கள் பரவி வந்தது. அதுமட்டுமின்றி துணிவு படத்துக்காக அதிகளவிலான தியேட்டர்கள் ஒதுக்கப்பட்டு உள்ளதாகவும் கூறப்பட்டு வந்தது. 

இவ்வாறு துணிவு மற்றும் வாரிசு படங்கள் பற்றி அடுத்தடுத்து பல்வேறு விதமான தகவல்கள் பரவி வந்த நிலையில், தமிழ்நாடு திரையரங்கு உரிமையாளர் சங்க தலைவர் திருப்பூர் சுப்பிரமணியம் சமீபத்திய பேட்டியில் முக்கிய தகவல் ஒன்றை வெளியிட்டுள்ளார். 

அதன்படி பொங்கலுக்கு ரிலீசாக உள்ள அஜித்தின் துணிவு மற்றும் விஜய்யின் வாரிசு ஆகிய இரு படங்களுக்கும் இதுவரை எந்த திரையரங்குகளும் ஒதுக்கவில்லை என்று தெரிவித்துள்ளார். இதன்மூலம் வாரிசு படத்தை விட துணிவு படத்திற்கு அதிகளவில் தியேட்டர்கள் ஒதுக்கப்பட்டு உள்ளதாக பரவும் தகவல் உண்மையில்லை என்பது உறுதியாகி உள்ளது.

இதையும் படியுங்கள்... மாரி செல்வராஜ் - துருவ் விக்ரம் படம் டிராப் ஆனதா! அறிவிப்பு வந்து 2 வருஷம் ஆகியும் ஷூட்டிங் ஆரம்பிக்காதது ஏன்?