இந்த வீக் எண்ட் என்ன படம் பார்க்கலாம்? ஜூலை 11ந் தேதி தியேட்டர் & OTT ரிலீஸ் படங்களின் லிஸ்ட் இதோ

ஜூலை 11ந் தேதி சசிகுமார் நடித்த ஃப்ரீடம் முதல் கிஷோரின் கலியுகம் வரை தியேட்டர் மற்றும் ஓடிடியில் ரிலீஸாகும் படங்களின் பட்டியலை பார்க்கலாம்.

Image Credit : X/vanithavijayku1

Theatre and OTT Release Movies on July 11

தியேட்டர் ஓடிடி இரண்டிலுமே வாரவாரம் புதுப்படங்கள் போட்டி போட்டு ரிலீஸ் ஆன வண்ணம் உள்ளன. முன்பெல்லாம் திரையரங்க வசூலை மட்டும் நம்பி இருந்த தயாரிப்பாளர்களுக்கு ஓடிடி மூலம் கிடைக்கும் வருவாய் ஒரு வரப்பிரசாதமாக இருந்தாலும் அதுவே ஒரு கட்டத்தில் பாதகமாகவும் அமைகிறது. ஓடிடி வருகைக்கு முன், ஒரு படம் தியேட்டரில் ரிலீஸ் ஆனால் அது சிடியாக வெளிவர பல மாதங்கள் ஆகும். அதனால் தியேட்டர்களில் திரைப்படங்கள் 50 நாட்கள், 100 நாட்கள் என அசால்டாக ஓடின. 

ஆனால் தற்போது ஓடிடி வருகைக்கு பின் ஒரு படம் ஒரு மாதம் தியேட்டரில் ஓடுவதே அரிதான விஷயமாக உள்ளது. தியேட்டரில் ரிலீஸ் ஆன 28 நாட்களில் புதுப்படங்கள் ஓடிடிக்கு வந்து விடுவதால் தியேட்டரில் சென்று படம் பார்ப்போர் எண்ணிக்கையும் குறைந்து வருகிறது. இருந்தாலும் வாரவாரம் ரிலீஸ் ஆகும் புது படங்களின் எண்ணிக்கை குறைந்த பாடு இல்லை. அந்த வகையில் இந்த வாரம் தியேட்டர் மற்றும் ஓடிடியில் ரிலீஸ் ஆகும் படங்களின் பட்டியலை பார்க்கலாம்.

Image Credit : X/SasikumarDir

தியேட்டரில் ரிலீஸ் ஆகும் படங்கள்

சத்ய சிவா இயக்கத்தில் சசிக்குமார் நடித்த ப்ரீடம் திரைப்படம் ஜூலை 10ஆம் தேதி ரிலீஸ் ஆக இருந்தது. ஆனால் கடைசி நேரத்தில் பைனான்ஸ் பிரச்சினை காரணமாக இப்படத்தின் ரிலீஸ் ஜூலை 11ஆம் தேதிக்கு தள்ளி வைக்கப்பட்டுள்ளது.

அதேபோல் எழில் இயக்கத்தில் விமல், விஜய் டிவி புகழ், சிங்கம் புலி, ரவி மரியா ஆகியோர் நடிப்பில் உருவாகி இருக்கும் தேசிங்கு ராஜா 2 திரைப்படமும் ஜூலை 11ஆம் தேதி ரிலீஸ் ஆகிறது.

மேலும் வனிதா விஜயகுமார் ஹீரோயினாக நடித்து இயக்கியுள்ள Mrs and Mr திரைப்படமும் ஜூலை 11ம் தேதி திரைக்கு வர உள்ளது. இப்படத்தில் வனிதாவுக்கு ஜோடியாக ராபர்ட் நடித்துள்ளார். இப்படத்தை வனிதாவின் மகள் ஜோவிகா தயாரித்துள்ளார்.

இந்த வாரம் திரைக்கு வர உள்ள திரைப்படம் ஓஹோ எந்தன் பேபி. இப்படத்தை நடிகர் விஷ்ணு விஷால் தயாரித்துள்ளார். படத்தின் மூலம் விஷ்ணு விஷாலின் தம்பி ருத்ரா ஹீரோவாக அறிமுகமாகிறார். இது தவிர மாயக்கூத்து, தோற்றம், அகதி ஆகிய சிறு பட்ஜெட் படங்களும் நாளை திரைக்கு வருகிறது.

Image Credit : X/Sunnxt

ஓடிடியில் ரிலீஸ் ஆகும் தமிழ் படங்கள்

பிரமோத் சுந்தர் இயக்கத்தில் கிஷோர், ஷ்ரத்தா ஶ்ரீநாத் நடிப்பில் உருவான கலியுகம் திரைப்படம் ஜூலை 11ஆம் தேதி ஓடிடியில் ரிலீஸ் ஆக உள்ளது. இப்படம் சன் நெக்ஸ்ட் ஓடிடியில் தளத்தில் நிச்சயமாக உள்ளது.

அதேபோல் ஒரு எமனின் காதல் கதை என்கிற திரைப்படமும் இந்த வாரம் ஓடிடியில் ரிலீஸ் ஆக உள்ளது. துல்கர் சல்மான், நிகிலா விமல் ஆகியோர் நடித்துள்ள இப்படம் வருகிற ஜூலை 11ந் தேதி முதல் ஆஹா ஓடிடி தளத்தில் ஸ்ட்ரீம் ஆக உள்ளது.

Image Credit : X/gautamrb__

ஓடிடியில் ரிலீஸ் ஆகும் மற்ற மொழி படங்கள்

மலையாளத்தில் டொவினோ தாமஸ் நடித்த நரிவேட்டை திரைப்படம் சோனி லிவ் தளத்திலும், மூன் வாக் திரைப்படம் ஜியோ ஹாட்ஸ்டார் ஓடிடி தளத்திலும் மிஸ்டர் அண்ட் மிஸ்சஸ் பேச்சிலர் திரைப்படம் மனோரமா மேக்ஸ் தளத்திலும் ஜூலை 11 முதல் ஸ்ட்ரீம் ஆக உள்ளது. தெலுங்கில் 8 Vasantalu திரைப்படம் நெட்பிளிக்ஸிலும், கன்னடத்தில் KARKI திரைப்படம் சன் நெக்ஸ்டிலும் நாளை முதல் ஸ்ட்ரீம் ஆக இருக்கிறது. இந்தியில் Aap Jaisa Koi திரைப்படம் நெட்பிளிக்ஸிலும் வெளியாக உள்ளது. ஆங்கிலத்தில் Ballard என்கிற வெப் தொடர் அமேசான் பிரைம் ஓடிடியிலும், The Gringo Hunters வெப் தொடர் நெட்பிளிக்ஸ் ஓடிடியிலும் ஸ்ட்ரீம் ஆக உள்ளது.