தளபதி 67 வேற லெவல் அப்டேட்... பாலிவுட் நடிகரை வில்லனாக்கும் லோகேஷ்..! சம்பளம் மட்டும் இத்தனை கோடியா?

தளபதி விஜய் தற்போது இயக்குனர் வம்சி இயக்கத்தில் உருவாகி வரும், 'வாரிசு' படத்தில் நடித்து வருகிறார். அவ்வப்போது இந்த படம் குறித்த தகவல் வெளியாகி வரும் நிலையில், இந்த படத்தில் நடித்து முடித்த கையோடு, லோகேஷ் கனகராஜ் இயக்கத்தில் நடிக்க உள்ள 67 ஆவது படத்தின் படப்பிடிப்பில் இணைவார் என எதிர்பார்க்கப்படுகிறது.

ஏற்கனவே விஜய்யை வைத்து 'மாஸ்டர்' படத்தை இயக்கியுள்ள லோகேஷ் கனகராஜ், தற்போது 67 படத்தின் கதையை மெருகேற்றும் பணியில் தீவிரம் காட்டி வருகிறார். அதே போல், இந்த படத்தில் நடிக்க உள்ள நடிகர், நடிகைகள் டெக்னீஷியன்கள் குறித்த, தேர்வுகளும் சைலண்டாக நடந்து வருகிறது.

மேலும் செய்திகள்: கீர்த்தி சுரேஷ் - உதயநிதியுடன் பிறந்தநாள் கொண்டாடிய வைகை புயல் வடிவேலு.! வைரலாகும் போட்டோஸ்..!
 

அதன்படி, இந்த படத்தில் நடிகை திரிஷா அல்லது கீர்த்தி சுரேஷ் ஆகியோரை கதாநாயகியாக நடிக்க வைக்க முடிவு செய்து பேச்சு வார்த்தை நடந்து வருவதாக ஏற்கனவே தகவல் வெளியான நிலையில், சமந்தா வில்லியாக நடிக்க உள்ளதாகவும் கூறப்பட்டது. 

அண்மையில் லோகேஷ் கனகராஜ் கொடுத்த பேட்டி ஒன்றில், நடிகர் மன்சூர் அலிகான் இந்தப்படத்தில் வித்தியாசமான கதாபாத்திரம் ஒன்றில் நடிப்பதை உறுதி செய்தார். 

மேலும் செய்திகள்: என்னை மிரட்டி தான் விஜய் படத்துக்கு நடிக்க ஒத்துக்க வச்சாங்க..! ராதாரவி பேச்சால் பரபரப்பு..!
 

இந்த படம் குறித்து தற்போது வெளியாகியுள்ள தகவலில், தளபதி 67 படத்தில், விஜய்க்கு மிக முக்கிய வில்லனாக பிரபல பாலிவுட் நடிகர் சஞ்சய் தத் நடிக்க உள்ளதாக திரையுலக வட்டாரத்தில் தீயாக ஒரு தகவல் பரவி வருகிறது. மேலும் இந்த படத்தில் வில்லனாக நடிக்க சஞ்சய் தத்துக்கு சுமார் 10 கோடி ரூபாய் சம்பளம் பேசப்பட்டுள்ளதாகவும் தெரியவந்துள்ளது.
 

1940 களில் வரும் கேங்ஸ்டர் கதாபாத்திரத்தில் நடிகர் விஜய் நடிப்பதாகவும், இந்தப்படத்தில் பாட்ஷா படத்தில் ரஜினி நடித்தது போன்ற கெட்டப்பில் தான் விஜய் நடிக்க உள்ளதாகவும் தகவல் கூறப்படுகிறது. லோகேஷ் கனகராஜிடம் தொடர்ந்து தளபதி 67 படம் குறித்து பலர் கேள்வி எழுப்பி வந்ததால், சில நாட்களுக்கு சமூக வலைத்தளத்தில் இருந்து விலக உள்ளதாக அறிவித்தார் எனபது குறிப்பிடத்தக்கது.

மேலும் செய்திகள்: பிரபல நடிகையுடன் பள்ளிவிழாவில் கலந்து கொண்டு மாணவர்களிடம் மன்னிப்பு கேட்ட சிவகார்திகேயன்..!ஏன்..?