சூப்பர்ஸ்டார்னா சும்மாவா! ஜப்பானில் கோடி கோடியாய் கொட்டி புரமோட் செய்தும் ரஜினி பட சாதனையை நெருங்க முடியாத RRR

நடிகர் ரஜினிகாந்த்தை சூப்பர்ஸ்டார் என்கிற பட்டம் எளிதில் கிடைத்துவிடவில்லை. உலகளவில் அவருக்கு உள்ள மவுசை வைத்து தான் அவரை இந்திய திரையுலகமே சூப்பர்ஸ்டாராக ஏற்றுக்கொண்டது. குறிப்பாக ரஜினிக்கு ஜப்பானில் மிகப்பெரிய ரசிகர் கூட்டமே உள்ளது. இதற்கு காரணம் அவர் நடித்த முத்து படம் தான். அந்த ஒரே படத்தின் மூலம் ஓட்டுமொத்த ஜப்பானியர்கள் மனதில் இடம்பிடித்துவிட்டார் ரஜினி.

20 ஆண்டுகளுக்கு முன்பு வரை ஜப்பானில் இந்திய படங்களுக்கு பெரிய அளவில் வரவேற்பு கிடைக்காமல் இருந்து வந்தது. அதனை தகர்த்தெறிந்தது ரஜினியின் முத்து திரைப்படம். இப்படம் அங்கு வெளியாகி மிகப்பெரிய அளவில் கொண்டாடப்பட்டது மட்டுமின்றி ஜப்பானில் மட்டும் பாக்ஸ் ஆபிஸில் ரூ.22 கோடி வரை வசூலித்து மாஸ் காட்டியது.

இதையும் படியுங்கள்... இயக்குனர் பா ரஞ்சித்துக்கு போஸ்டர் வெளியிட்டு வாழ்த்து கூறிய தங்கலான் படக்குழு!

இப்படத்துக்கு பின்னர் தான் ஜப்பானில் இந்திய படங்கள் படிப்படியாக வெளியாகி வரவேற்பை பெற்றன. இருப்பினும் ரஜினியின் முத்து திரைப்படம் அங்கு செய்த வசூல் சாதனையை இதுவரை எந்த இந்திய படமும் முறியடிக்கவில்லை. சமீபத்தில் ராஜமவுலி இயக்கிய ஆர்.ஆர்.ஆர் படத்தை ஜப்பானில் வெளியிட்டனர். இப்படம் அங்கு ரிலீஸ் ஆவதற்கு முன் பல கோடி செலவு செய்து புரமோஷன் எல்லாம் செய்தனர். 

இதனால் ஆர்.ஆர்.ஆர் படம் ரஜினியின் முத்து பட சாதனையை முறியடித்து விடும் என எதிர்பார்க்கப்பட்டது. ஆனால் அவர்களாலும் அந்த சாதனையை முறியடிக்க முடியவில்லை. ஆர்.ஆர்.ஆர் படம் ஜப்பானில் மொத்தமாக ரூ.20 கோடி மட்டுமே வசூலித்தது. இதன்மூலம் ஜப்பானில் அதிக வசூல் செய்த இந்திய படம் என்கிற சாதனையை ரஜினியின் முத்து திரைப்படம் தக்கவைத்து உள்ளது.

இதையும் படியுங்கள்... பிக்பாஸ் நிகழ்ச்சியில் கூட காசு கொடுத்து ஓட்டு வாங்குகிறீர்களா 3 போட்டியாளர்கள்? கிளம்பிய புது சர்ச்சை..!