காட்டுப்பசியில் இருக்கும் சிம்புவுக்கு கிடைத்த இரட்டை வேடம்... மீண்டும் மன்மதன் மோடுக்கு செல்லும் எஸ்.டி.ஆர்

சிம்பு நடிப்பில் புதிதாக உருவாக உள்ள திரைப்படம் எஸ்.டி,ஆர் 48. சிம்புவின் 48-வது படமான இதனை கண்ணும் கண்ணும் கொள்ளையடித்தால் படத்தின் இயக்குனர் தேசிங்கு பெரியசாமி இயக்குகிறார். இப்படத்தை கமல்ஹாசனின் ராஜ்கமல் பிலிம்ஸ் நிறுவனம் தான் பிரம்மாண்ட பொருட்செலவில் தயாரிக்கிறது. இப்படத்திற்கான ஆரம்பக்கட்ட பணிகள் விறுவிறுப்பாக நடைபெற்று வருகின்றன.

எஸ்.டி.ஆர் 48 படத்திற்காக நடிகர் சிம்பு 2 மாதங்கள் தாய்லாந்தில் தங்கி மார்ஷியல் ஆர்ட்ஸ் பயிற்சி பெற்றுள்ளார். இப்படம் வரலாற்று கதையம்சம் கொண்ட படமாக தயாராகிறது. நடிகர் சிம்புவின் கெரியரில் இதுவரை இல்லாத அளவு அதிக பட்ஜெட்டில் உருவாகும் படமாக இது இருக்கும் என கூறப்படுகிறது. சுமார் 100 கோடி பட்ஜெட்டில் இப்படத்தை எடுக்க திட்டமிட்டுள்ளார்களாம்.

இதையும் படியுங்கள்... உதயநிதி, தயாநிதி உடன் பிரதர்ஸ் டே கொண்டாடிய அருள்நிதி... வைரலாகும் புகைப்படங்கள்

இப்படத்தில் நடிகர் சிம்புவுக்கு ஜோடியாக நடிக்க நடிகை கீர்த்தி சுரேஷிடம் பேச்சுவார்த்தை நடத்தப்பட்டு வருகிறது. எஸ்.டி.ஆர் 48 படத்தின் ப்ரீ புரொடக்‌ஷன் பணிகள் கடந்த சில தினங்களுக்கு முன் தொடங்கின. அந்த பணிகள் முடியவே இரண்டு மாதங்கள் ஆகுமாம். அவை முடிந்த பின்னர் தான் வருகிற ஆகஸ்ட் மாதம் இப்படத்தின் ஷூட்டிங்கை தொடங்க உள்ளார்களாம்.

எஸ்.டி,ஆர் 48 திரைப்படம் குறித்த மற்றுமொரு ஹாட் அப்டேட் வெளியாகி உள்ளது. அதன்படி இப்படத்தில் நடிகர் சிம்பு, இரட்டை வேடத்தில் நடிக்க இருப்பதாக கூறப்படுகிறது. அவர் இதற்கு முன் மன்மதன், சிலம்பாட்டம் போன்ற படங்களில் இரட்டை வேடங்களில் நடித்திருந்தார். அதன்பின்னர் நீண்ட இடைவெளிக்கு பின்னர் தற்போது மீண்டும் இரட்டை வேடத்தில் நடிக்க உள்ளார். எஸ்.டி.ஆர் 48 படத்தின் அறிவிப்பு வெளியாகும் முன்னர் தான் காட்டுப்பசியில் இருப்பதாக கூறி இருந்தார் சிம்பு. அவருக்கு காட்டுப்பசிக்கு தீனி போடும் படமாக இது இருக்கும் என எதிர்பார்க்கப்படுகிறது.

இதையும் படியுங்கள்... ரூ.100 கோடி பட்ஜெட்டில் தனுஷ் இயக்க உள்ள பிரம்மாண்ட படம்... அதில் இத்தனை நடிகர்களா! லிஸ்ட் ரொம்ப பெருசா போகுதே