நடிகை ஸ்ருதிஹாசனுக்கு கஞ்சா அடிக்கும் பழக்கம் இருக்கிறதா? அவரே சொன்ன ஷாக்கிங் பதில்

நடிகர் கமல்ஹாசனின் மகளான் ஸ்ருதிஹாசன், தந்தையைப் போல் சினிமாவில் பன்முகத்திறமை கொண்டவராக வலம் வந்து கொண்டிருக்கிறார். ஏ.ஆர்.முருகதாஸ் இயக்கிய ஏழாம் அறிவு திரைப்படத்தின் மூலம் தமிழ் திரையுலகில் காலடி எடுத்து வைத்த ஸ்ருதி, அடுத்தடுத்து விஜய், அஜித், தனுஷ் போன்ற முன்னணி நடிகர்களுடன் ஜோடி சேர்ந்து நடித்து தமிழ் சினிமாவில் முன்னணி நடிகையாக வலம் வந்தார். ஆனால் படிப்படியாக கோலிவுட்டில் பட வாய்ப்புகள் குவிந்ததால் குட் பாய் சொல்லிவிட்டு பிற மொழி படங்களில் கவனம் செலுத்தி வருகிறார்.

நடிகை ஸ்ருதிஹாசன் நடிப்பில் தற்போது சலார் திரைப்படம் உருவாகி உள்ளது. கே.ஜி.எஃப் போன்ற பிரம்மாண்ட படங்களை இயக்கிய பிரசாந்த் நீல் தான் சலார் திரைப்படத்தையும் இயக்கி உள்ளார். இப்படத்தில் நடிகர் பிரபாஸுக்கு ஜோடியாக நடித்து வருகிறார் ஸ்ருதி. சலார் திரைப்படம் வருகிற செப்டம்பர் மாதம் திரைக்கு வர உள்ளது. அப்படத்திற்கான இறுதிக்கட்ட பணிகள் மும்முரமாக நடைபெற்று வருகிறது.

இதையும் படியுங்கள்... 2 மாதம் வீட்டுக்கே போகாத தனுஷ்! அமலா பால் அப்பார்ட்மென்டுக்கு சென்று எச்சரித்த ரஜினி! பிரபலம் பகிர்ந்த தகவல்!

இதுதவிர இந்தி படங்களிலும் நடித்து வரும் ஸ்ருதி, தற்போது மும்பையில் செட்டில் ஆகிவிட்டார். சாந்தனு என்கிற டூடுல் கலைஞரை காதலித்து வரும் ஸ்ருதி, தற்போது அவருடன் லிவ்விங் டுகெதராக ஒரே வீட்டில் வாழ்ந்தும் வருகிறார். சமூக வலைதளங்களில் ஆக்டிவாக இருக்கும் ஸ்ருதிஹாசன், அவ்வப்போது ரசிகர்களுடன் கலந்துரையாடுவதை வழக்கமாக வைத்துள்ளார். அந்த வகையில் தற்போது இன்ஸ்டாகிராம் வாயிலாக ரசிகர்களின் கேள்விக்கு பதிலளித்துள்ளார்.

இந்த கேள்வி, பதில் கலந்துரையாடலில், ரசிகர் ஒருவர் ஸ்ருதிஹாசனிடம் உங்களுக்கு கஞ்சா அடிக்கும் பழக்கம் இருக்கிறதா என கேள்வி எழுப்பினார். இதற்கு வெளிப்படையாக பதிலளித்த ஸ்ருதிஹாசன், எனக்கு அந்த பழக்கமெல்லாம் இல்லை. குடிப்பழக்கமும் இல்லை. இதையெல்லாம் நான் செய்யவும் மாட்டேன். குடிப்பழக்கம் இல்லாத ஒரு வாழ்க்கையை நான் வாழ்ந்து வருகின்றேன் என அவர் கூறியுள்ளது இணையத்தில் வைரலாகி வருகிறது.

இதையும் படியுங்கள்... மணிரத்னத்தின் 'அஞ்சலி' பட பாதிப்பில் இருந்து வெளியே வர முடியாமல் நான் உருவாகின கதை லில்லி! இயக்குனர் சிவம்!