கே.ஜி.எஃப் 2 படத்தின் லைஃப்டைம் கலெக்‌ஷனை அசால்டாக அடிச்சுதூக்கி வசூலில் நம்பர் 1 இடம்பிடித்த பதான்

பிரசாந்த் நீல் இயக்கத்தில் யாஷ் நடித்த கே.ஜி.எஃப் 2 படத்தின் லைஃப்டைம் கலெக்‌ஷனை இரண்டே வாரத்தில் முறியடித்து பதான் படம் சாதனை படைத்துள்ளது.

ஷாருக்கான் நடிப்பில் கடந்த மாதம் ரிலீசான திரைப்படம் பதான். சித்தார்த் ஆனந்த் இயக்கியிருந்த இப்படத்தில் ஷாருக்கானுக்கு ஜோடியாக பாலிவுட் நடிகை தீபிகா படுகோனே நடித்திருந்தார். ஜான் ஆபிரஹாம் வில்லனாக மிரட்டியிருந்த இப்படம் உலகளவில் 7 ஆயிரத்திற்கும் அதிகமான திரைகளில் பிரம்மாண்டமாக ரிலீஸ் ஆனது. ரிலீஸுக்கு முன் இப்படத்திற்கு எதிராக பாய்காட் சர்ச்சையும், வெடித்ததால் அது வசூலை பாதிக்கும் என கூறப்பட்டது.

ஆனால் ரிலீசுக்கு பின் நிலைமை தலைகீழாக மாறியது. படம் அமோக வரவேற்பை பெற்றதோடு வசூலையும் வாரிக்குவித்து வருகிறது. இந்த ஆண்டு ரிலீசான படங்களில் அதிக வசூல் அள்ளிய இந்திய திரைப்படம் என்கிற சாதனையையும் பதான் படைத்துள்ளது. இப்படம் ரிலீசாகி 2 வாரங்கள் ஆகும் நிலையில், தற்போது வரை ரூ.900 கோடி வசூலைக் கடந்துள்ளது.

இதையும் படியுங்கள்... விடிவி முதல் பிரேமம் வரை... காதல் தின ஸ்பெஷலாக ரீ-ரிலீஸ் ஆகவுள்ள ரொமாண்டிக் ஹிட் படங்களின் முழு விவரம் இதோ

இந்நிலையில், தற்போது மேலும் ஒரு மைல்கல்லை பதான் படம் எட்டியுள்ளது. அதன்படி இந்தியில் அதிக வசூலை ஈட்டிய படம் என்கிற சாதனையை படைத்துள்ளது பதான். இதற்கு முன் யாஷ் நடிப்பில் கடந்தாண்டு வெளிவந்த கே.ஜி.எஃப் 2 திரைப்படத்தின் இந்தி வெர்ஷன் மொத்தமாக ரூ.435 கோடி வசூலித்து முதலிடத்தில் இருந்த நிலையில் தற்போது பதான் படம் அதனை முறியடித்துள்ளது.

அதன்படி பதான் படத்தின் இந்தி வெர்ஷன் மட்டும் தற்போது வரை ரூ.436 கோடிக்கு மேல் வசூலித்து உள்ளது. இதன்மூலம் பாலிவுட்டின் பாக்ஸ் ஆபிஸ் கிங் என்பதை மீண்டும் நிரூபித்துள்ளார் ஷாருக்கான். பதான் திரைப்படம் தொடர்ந்து வெற்றிநடைபோட்டு வருவதால், விரைவில் ரூ.1000 கோடி கலெக்‌ஷனை எட்டிவிடும் என எதிர்பார்க்கப்படுகிறது.

இதையும் படியுங்கள்... சீரியல் ஹீரோயின் உடன் பைக்கில் செம்ம ஸ்பீடாக சென்ற TTF வாசன்... பயத்தில் அலறிய நடிகை - ஷாக் ஆன ரசிகர்கள்