சீரியல் ஹீரோயின் உடன் பைக்கில் செம்ம ஸ்பீடாக சென்ற TTF வாசன்... பயத்தில் அலறிய நடிகை - ஷாக் ஆன ரசிகர்கள்

சர்ச்சைக்குரிய யூடியூப்பராக வலம் வருபவர் TTF வாசன். இவர் பைக் ரைடிங் செய்து அதனை வீடியோவாக எடுத்து பதிவிட்டு 2கே கிட்ஸ் மத்தியில் பேமஸ் ஆனார். இதன் காரணமாக இவருக்கு யூடியூப்பில் 30 லட்சத்துக்கும் அதிகமான சப்ஸ்கிரைபர்கள் உள்ளனர். இவர் எந்த அளவுக்கு பிரபலம் ஆனாரோ அந்த அளவுக்கு சர்ச்சைகளிலும் சிக்கி வருகிறார். கடந்தாண்டு பிக்பாஸ் பிரபலம் ஜிபி முத்துவுடன் பைக்கில் அதிவேகமாக சென்று வீடியோ வெளியிட்டு இருந்தார் TTF வாசன்.

இதையடுத்து அவர் மீது கோவை சூலூர் போலீசார் வழக்குப்பதிவு செய்ததோடும் வண்டியையும் பறிமுதல் செய்தனர். இதையடுத்து ஃபேன்ஸ் மீட் ஒன்றை நடத்தி இருந்தார். அப்போது அளவுக்கு அதிகமான கூட்டம் கூடியதால் அதுவும் பெரும் சர்ச்சையை ஏற்படுத்தியது. பின்னர் கடலூரில் ஒரு அலுவலக திறப்பு விழாவுக்கு சென்றபோது இவரது ரசிகர்கள் அங்கு கூடி அட்ராசிட்டி செய்ததால் அவர்கள் மீது போலீசார் தடியடி நடத்திய சம்பவமும் அரங்கேறியது.

இதையும் படியுங்கள்... உஷாரான ‘லியோ’ விஜய்... வசமாக சிக்கிக்கொண்ட அஜித் - ‘ஏகே 62’ படத்துக்கு காத்திருக்கும் மிகப்பெரிய ஆப்பு?

இதன்பின் வீடியோ வெளியிட்டு தான் கடைக்கு போய் கட்டப்பை வாங்கி வருகிற மாதிரி செல்லும் இடமெல்லாம் கேஸை வாங்கி வருவதாக நக்கலாக பேசி இருந்தார். அதோடு தனது ரசிகர்கள் மீது கைவைத்த போலீஸே தங்களுக்கு ராஜமரியாதை கொடுக்க வைப்பேன் என அவர் சவால்விடும் வகையில் பேசியது பெரும் சர்ச்சையை ஏற்படுத்தியது. இந்நிலையில் தற்போது சீரியல் நடிகை ஒருவருடன் பைக் ரைடு சென்று வீடியோ வெளியிட்டுள்ளார் TTF வாசன்.

விஜய் டிவியின் ஒளிபரப்பான மெளன ராகம் 2 சீரியலில் ஹீரோயினாக நடித்ததன் மூலம் பிரபலமானவர் ரவீனா தாஹா. இவர் ராட்சசன் உள்பட சில படங்களிலும் நடித்திருக்கிறார். தற்போது நடைபெற்று வரும் குக் வித் கோமாளி நிகழ்ச்சியின் 4-வது சீசனில் கோமாளியாக கலந்துகொண்டுள்ளார். இவரைத் தான் தனது பைக்கில் அமர வைத்து ரைடு சென்றுள்ளார் TTF வாசன். 

அப்போது வாசன் ஸ்பீடாக பைக்கை ஓட்டியபோது ரவீனா அலறிய காட்சிகளும் வீடியோவில் பதிவாகி உள்ளன. இதனால் பதறிப்போன வாசன், நான் ஒன்னும் அவ்ளோ வேகமா போலைங்க, நீ இப்படி கத்தி என்ன கேஸ்ல மாட்டி விட்றாத என ரவீனாவிடம் கூறிய காட்சிகளும் இடம்பெற்று உள்ளன. சீரியல் நடிகையுடன் TTF வாசன் பைக் ரைடு சென்ற வீடியோ தற்போது யூடியூப்பில் டிரெண்டாகி வருகிறது.

இதையும் படியுங்கள்... உடல்நலம் தேறிய சமந்தா! டைட் உடையில் தீவிர ஒர்க்கவுட் செய்து ராசிக்காரர்களை மெர்சலாக்கும் வைரல் வீடியோ!