அந்த விஷயத்தில் விக்கி ‘லக்கி’ இல்லை... நயனின் கணவர் பற்றி ஓப்பனாக பேசிய சர்ச்சை நடிகை ஸ்ரீநிதி

தென்னிந்திய திரையுலகில் லேடி சூப்பர்ஸ்டாராக வலம் வரும் நயன்தாரா, கடந்த 2015-ம் ஆண்டு நானும் ரவுடி தான் படத்தில் நடித்தபோது இயக்குனர் விக்னேஷ் சிவன் மீது காதல் வயப்பட்டார். சுமார் 7 ஆண்டுகள் உருகி உருகி காதலித்த இந்த ஜோடி கடந்த ஜூன் மாதம் திருமண பந்தத்தில் இணைந்தது. இவர்களது திருமணம் திரைப்பிரபலங்கள் முன்னிலையில் கோலாகலமாக நடந்தது.

திருமணத்திற்கு பின்னரும் சினிமாவில் பிசியாக பணியாற்றி வருகின்றனர் விக்கி - நயன் ஜோடி. ஒருபுறம் நயன்தாரா பாலிவுட் வரை சென்றுவிட்டார். அவர் தற்போது ஜவான் படத்தில் ஷாருக்கானுக்கு ஹீரோயினாக நடித்து வருகிறார். மறுபுறம் விக்னேஷ் சிவன், அஜித் படத்தை இயக்கும் வாய்ப்பை பெற்றுவிட்டார். இவர் அஜித்தின் 62-வது படத்தை இயக்க ஒப்பந்தமாகி உள்ளார்.

இதையும் படியுங்கள்.... டிரெண்டில் இணைந்த உலகநாயகன்... டுவிட்டரில் அந்த ஒரு வார்த்தையால் உள்ளத்தை அள்ளிய கமல்ஹாசன்

இந்நிலையில், சின்னத்திரை சீரியல்களில் நடித்து பிரபலமான நடிகை ஸ்ரீநிதி, விக்கி - நயன் ஜோடி பற்றி தெரிவித்துள்ள கருத்து வைரலாகி வருகிறது. அஜித்தின் வலிமை படத்தை விமர்சித்தது, நடிகர் சிம்பு தன்னை காதலிப்பதாக கூறி பரபரப்பை ஏற்படுத்தியது என அடுத்தடுத்து சர்ச்சைகளில் சிக்கி பரபரப்பை ஏற்படுத்தியவர் ஸ்ரீநிதி.

இவர் அளித்த சமீபத்திய பேட்டியில், “நயன்தாராவை எனக்கு ரொம்ப பிடிக்கும். உண்மையாகவே சொல்லவேண்டும் என்றால் விக்னேஷ் சிவன் லக்கி கிடையாது. நயனுக்கு ஒரு தமிழ் பையன் கணவராக கிடைத்திருக்கிறார். அவர் நல்லா பார்த்துப்பார். என்னைப் பொறுத்தவரை நயன்தாரா தான் லக்கி” என கூறியுள்ளார் நடிகை ஸ்ரீநிதி. 

இதையும் படியுங்கள்.... காப்பி அடித்ததிலும் பிரம்மாண்டமா! பாகுபலிக்காக 35 ஹாலிவுட் பட சீன்களை அபேஸ் பண்ணிய ராஜமவுலி - பகீர் வீடியோ இதோ