Indraja Engagement: ரோபோ ஷங்கர் மகள் இந்திரஜா - கார்த்திக் ஜோடிக்கு அமோகமாக நடந்து முடிந்த நிச்சயதார்த்தம்!

காமெடி நடிகர் ரோபோ ஷங்கரின் மகள் இந்திரஜாவுக்கும், அவருடைய மாமா கார்த்திக்கிற்கும் இன்று உறவினர்கள் மற்றும் நண்பர்கள் மத்தியில் திருமண நிச்சயதார்த்தம் பிரம்மாண்டமாக நடந்து முடிந்துள்ளது. இது குறித்த புகைப்படங்கள் சமூக வலைதளத்தில் வைரலாகி வருகின்றன. 

விஜயகாந்தின் தர்மச்சக்கரம், படையப்பா போன்ற படங்களில் கூட்டத்தோடு கூடமாக வந்து சென்றவர்... ரோபோ ஷங்கர். இவரின் காமெடி திறமையை வெளிப்படுத்தும், பாலமாக அமைந்த நிகழ்ச்சி தான் 'அசத்த போவது யாரு'. இந்த நிகழ்ச்சி மூலம் குறிப்பிட்ட ரசிகர்களை மட்டுமே கவர்ந்த ரோபோ ஷங்கர், விஜய் டிவிக்கு தாவி, 'கலக்க போவது யாரு' என்கிற நிகழ்ச்சியில் கலந்து கொண்டு தன்னுடைய மெமிக்கிரி மூலம் ஸ்டாண்ட் அப் காமெடி செய்து பலரை சிரிக்க வைத்ததால் பட்டி தொட்டி எங்கும் பிரபலமானார்.

விஜய் டிவி நிகழ்ச்சியில் ரோபோ ஷங்கர் கலந்து கொள்ள துவங்கிய பின்னர், அடுத்தடுத்து பல படங்களில் நடிக்கும் வாய்ப்பு இவருக்கு கிடைத்தது. குறிப்பாக ஏய், தீபாவளி, இதற்க்கு தானே ஆசைப்பட்டாய் பாலகுமாரா, கப்பல் போன்ற படங்களில்... சிறு காமெடி ரோலில் நடித்திருந்தாலும், இவர் வந்த காட்சிகள் ரசிகர்களால்  கவனிக்கப்பட்டன. நடிகர் தனுஷுடன் 'மாரி' படத்தில் படம் முழுவதும் இவர் இடம்பெற்ற காட்சிகள் வந்தது . இந்த படத்திற்கு பின்னர் தன்னுடைய சினிமா கேரியரில் படு பிஸியானார்.

தற்போது தமிழ் சினிமாவில் நோட்டபிள் காமெடிய நடிகராக இருக்கும் ரோபோ ஷங்கர்... ஏற்றிவிட்ட ஏணியை மறக்க கூடாது என்கிற பழமொழிக்கு ஏற்ப, அவ்வப்போது விஜய் டிவி நிகழ்ச்சிகளிலும் கலந்து கொள்வதை வழக்கமாக வைத்துள்ளார்.

இவரை தொடர்ந்து இவரின் மனைவி ப்ரியங்கா, இந்திரஜா ஆகியோரும்... சில படங்களில் நடித்துள்ளதோடு, ரியாலிட்டி நிகழ்ச்சிகளிலும் பங்கேற்றுள்ளனர். இந்நிலையில் கடந்த ஆண்டு, ரோபோ ஷங்கரின் மகள் இந்திரஜாவுக்கும், அவருடைய தாய் மாமா கார்த்திக் என்பவருக்கும் திருமண ஏற்பாடுகள் செய்யப்பட்டு வருவதாக கூறப்பட்டது. இந்த தகவலை அவரின் குடும்பத்தினரும் உறுதி செய்தனர்.

இந்நிலையில், இந்திரஜாவுக்கும் - கார்த்திக்கிற்கும் இன்று அவர்களின் இல்லத்திலேயே மிகவும் எளிமையான முறையில் அமோகமாக திருமண நிச்சயதார்த்தம் நடந்து முடிந்துள்ளது. இதில் இருவீட்டு தரப்பில் இருந்தும் நெருங்கிய நண்பர்கள் மற்றும் உறவினர்கள் மட்டுமே கலந்து கொண்டுள்ளதாக கூறப்படுகிறது. 

தற்போது இவர்கள் இருவரின் திருமண நிச்சயதார்த்த புகைப்படங்கள் சமூக வலைத்தளத்தில் வெளியாகி வைரலாகி வருகிறது. விரைவில் இவர்கள் இருவரின் திருமணம் குறித்த அறிவிப்பும் வெளியாகும் என எதிர்பார்க்கப்படுகிறது.