ஹாட்ரிக் வெற்றிக்கு பின் குதூகலமாக தொடங்கியது கார்த்தியின் ‘ஜப்பான்’ - வைரலாகும் பூஜை புகைப்படங்கள்

நடிகர் கார்த்திக்கு இந்த ஆண்டு மிகவும் சக்சஸ்புல்லான ஒன்றாக அமைந்துள்ளது. அவரது கெரியரிலும் இது மறக்க முடியாத ஆண்டாக அமைந்துள்ளது. ஏனெனில் இந்த ஆண்டு அவர் நடிப்பில் வெளிவந்த மூன்று படங்களும் பிளாக்பஸ்டர் ஹிட் ஆகின.

முதலில் கடந்த ஆக்ஸ்ட் மாதம் கார்த்தி நடித்த விருமன் படம் ரிலீஸ் ஆனது. முத்தையா இயக்கிய இப்படத்தில் கிராமத்து நாயகனாக கலக்கி இருந்தார் கார்த்தி. சூர்யா தயாரித்த இப்படம் பாக்ஸ் ஆபிஸில் 60 கோடிக்கு மேல் வசூலித்து பிளாக்பஸ்டர் ஹிட் ஆனது.

இதையடுத்து செப்டம்பர் மாதம் இவர் நடித்த பொன்னியின் செல்வன் திரைப்படம் ரிலீசானது. மணிரத்னம் இயக்கிய இப்படத்தில் வந்தியத்தேவனாக நடித்தி அசத்தி இருந்தார் கார்த்தி. இப்படமும் ரூ.500 கோடிக்கு மேல் வசூலித்து சாதனை படைத்தது.

இதன்பின்னர் கார்த்தி நடித்த சர்தார் திரைப்படம் கடந்த மாதம் தீபாவளி விருந்தாக திரைக்கு வந்து வெற்றியும் கண்டது. பி.எஸ்.மித்ரன் இயக்கிய இப்படம் பாக்ஸ் ஆபிஸில் ரூ.100 கோடிக்கு மேல் வசூலித்து சாதனை படைத்தது. இதன் இரண்டாம் பாகமும் தயாராக உள்ளது.

இதையும் படியுங்கள்... நான் இன்னும் சாகல... உடல்நலம் குறித்த வதந்திகளால் மனமுடைந்து நேர்காணலில் கண்ணீர்விட்டு அழுத சமந்தா

இந்நிலையில், கார்த்தி அடுத்ததாக நடிக்க உள்ள படத்தின் படப்பிடிப்பு இன்று பூஜையுடன் தொடங்கி உள்ளது. ராஜு முருகன் இயக்கும் இப்படத்திற்கு ஜப்பான் என பெயரிடப்பட்டு உள்ளது.

நடிகர் கார்த்தியின் 25-வது படமான இதில், அவருக்கு ஜோடியாக நம்ம வீட்டு பிள்ளை படத்தின் ஹீரோயின் அனு இமானுவேல் நடிக்க உள்ளார். ஜிவி பிரகாஷ் இப்படத்திற்கு இசையமைக்க உள்ளார். புஷ்பா பட வில்லன் சுனில் இப்படத்தில் வில்லனாக நடிக்க உள்ளார்.

இப்படத்தை ட்ரீம் வாரியர் பிக்சர்ஸ் நிறுவனம் சார்பில் எஸ்.ஆர்.பிரபு தயாரிப்பிகிறார். இப்படத்தின் பூஜையின் போது எடுக்கப்பட்ட புகைப்படங்கள் வெளியாகி சமூக வலைதளங்களில் வைரலாகி வருகிறது.

இதையும் படியுங்கள்... உள்ளாடை அணியாமல் போட்டோஷூட்... கவர்ச்சியில் உச்சம் தொட்ட ரஜினி பட நடிகையின் கிக்கான கிளாமர் போட்டோஸ் இதோ