"தலைவரின்" கூலி.. கேரக்டர்ஸின் பெயர்களை கவனிச்சீங்களா? ஒரு ஒற்றுமை இருக்கு!

Coolie De-Coding : லோகேஷ் கனகராஜ், ரஜினியின் "கூலி" திரைப்படம் குறித்த அப்டேட்களை தொடர்ச்சியாக வெளியிட்டு வருகின்றார்.

Rajinikanth

ஏற்கனவே தமிழ் சினிமாவின் முன்னணி நடிகர்களான தளபதி விஜய் மற்றும் உலக நாயகன் கமல்ஹாசன் ஆகிய இருவரையும் வைத்து, மூன்று திரைப்படங்களை இயக்கியுள்ள தமிழ் சினிமாவின் சென்சேஷனல் இயக்குனர் தான் லோகேஷ் கனகராஜ். அவர் முதல் முறையாக சூப்பர் ஸ்டார் ரஜினிகாந்தை "கூலி" என்கின்ற திரைப்படத்தில் இயக்கி வருகிறார். இந்த திரைப்படமும் அவருடைய லோக்கி சினிமாடிக் யுனிவர்சுக்குள் வருமா? என்பது குறித்த தகவல்கள் இப்போது வரை தெரியவில்லை.

Tyagi Movie

இந்நிலையில் கடந்த சில நாட்களாகவே இந்த திரைப்படத்தில் நடித்து வரும் கதாபாத்திரங்கள் குறித்த அறிவிப்பை அவர் வெளியிட்டு வரும் நிலையில், அதில் ஒளிந்திருக்கும் ஒரு ஒற்றுமை குறித்த பதிவை இப்போது பார்க்கலாம். இந்த திரைப்படத்தில் "தயால்" என்கின்ற கதாபாத்திரத்தில், பிரபல மலையாள திரைப்பட நடிகர் சௌபின் ஷாகிர் நடித்து வருகிறார். ஆனால் கடந்த 1991ம் ஆண்டு வெளியான ரஜினிகாந்தின் தர்மதுரை என்கின்ற திரைப்படம், அதற்கு அடுத்த ஆண்டே ஹிந்தியில் "தியாகி" என்கின்ற பெயரில் எடுக்கப்பட்டது. அப்படத்தில் சூப்பர் ஸ்டார் ரஜினிகாந்தின் பெயர் "தயால்" என்பது குறிப்பிடத்தக்கது. 

Shankar Salim Simon

அதேபோல கடந்த 1978ம் ஆண்டு பிரபல இயக்குனர் பி. மாதவன் இயக்கத்தில் தமிழில் வெளியான திரைப்படம் தான் "சங்கர் சலீம் சைமன்" என்கின்ற திரைப்படம். இதில் சூப்பர் ஸ்டார் ரஜினிகாந்த் ஏற்று நடித்த கதாபாத்திரத்தின் பெயர் "சைமன்". அதேபோல "கூலி" திரைப்படத்தில், பிரபல தெலுங்கு திரை உலகு சூப்பர் ஸ்டார் நாகார்ஜுனா நடித்துள்ள கதாபாத்திரத்தின் பெயரும் "சைமன்" தான்.

Thee Movie

மேலும் சூப்பர் ஸ்டார் ரஜினிகாந்த் நடிப்பில் கடந்த 1981ம் ஆண்டு வெளியாகி மெகா ஹிட்டான திரைப்படம் தான் "தீ". இந்த திரைப்படத்தில் சூப்பர் ஸ்டார் ரஜினிகாந்தின் பெயர் ராஜா என்கின்ற ராஜசேகர். அதேபோல இந்த "கூலி" திரைப்படத்தில், சுமார் 38 ஆண்டுகள் கழித்து மீண்டும் சூப்பர் ஸ்டாருடன் இணைந்துள்ள நடிகர் சத்யராஜின் பெயரும் "ராஜசேகர்" என்பது குறிப்பிடத்தக்கது.