ஆர்.ஆர்.ஆர் இரண்டாம் பாகம் வருமா? வராதா? - உண்மையை ஓப்பனாக போட்டுடைத்தை ராஜமவுலி
ராஜமவுலி இயக்கத்தில் வெளியாகி பிளாக்பஸ்டர் ஹிட் ஆன ஆர்.ஆர்.ஆர் படத்தின் இரண்டாம் பாகம் உருவாகுமா என்பது குறித்த முக்கிய தகவல் வெளியாகி உள்ளது.
ராஜமவுலி இயக்கத்தில் கடந்த மார்ச் மாதம் ரிலீஸ் ஆன படம் ஆர் ஆர் ஆர். பாகுபலி படங்களின் பிரம்மாண்ட வெற்றிக்கு பின் ராஜமவுலி இயக்கிய படம் இது என்பதால் இப்படத்திற்கான எதிர்பார்ப்பும் அதிக அளவில் இருந்தது. அந்த எதிர்பார்ப்பை எல்லாம் பூர்த்தி செய்யும் விதமாக பிரம்மாண்ட வெற்றியை ருசித்த இப்படம் பாக்ஸ் ஆபிஸிலும் ரூ.1100 கோடிக்கு மேல் வசூலித்து சாதனை படைத்தது.
இப்படத்தின் வெற்றிக்கு முக்கிய காரணமாக அமைந்தது அதில் நடித்த நடிகர்கள் தான். வரலாற்று கதை அம்சம் கொண்ட இப்படத்தில் கொமரம் பீமாக ஜூனியர் என்டிஆரும், சீதாராம ராஜூவாக ராம்சரணும் நடித்திருந்தனர். இது தவிர நடிகைகள் ஆலியா பட், ஸ்ரேயா சரண், நடிகர்கள் அஜய் தேவ்கன், சமுத்திரகனி என மிகப் பெரிய நட்சத்திர பட்டாளமே இப்படத்தில் நடித்திருந்தது. கீரவாணி இப்படத்திற்கு இசையமைத்திருந்தார் அவரது இசையில் வெளியான பாடல்கள் அனைத்தும் படத்தின் வெற்றிக்கு முக்கிய பங்காற்றின.
இதையும் படியுங்கள்... ஜப்பானில் மாஸ்காட்டும் ஆர் ஆர் ஆர் டீம்.. கையில் ரோஜாவுடன் சுற்றி வரும் நட்சத்திரங்கள்
சமீபத்தில் கூட ஆர் ஆர் ஆர் படத்தை ஜப்பானில் பிரம்மாண்டமாக வெளியிட்டனர். அங்கும் இப்படம் ஹவுஸ்ஃபுல் காட்சிகளாக ஓடி வசூலை வாரிக் குவித்தது. அதுமட்டுமின்றி ஆஸ்காருக்கும் இப்படம் பரிந்துரை செய்யப்பட்டுள்ளது. இவ்வாறு தொடர்ந்து பல்வேறு சாதனைகளை படைத்து வரும் இப்படத்தின் இரண்டாம் பாகம் உருவாகுமா என்பதே ரசிகர்களின் எதிர்பார்ப்பாக இருந்து வந்தது. இந்த எதிர்பார்ப்பை பூர்த்தி செய்யும் விதமாக தற்போது குட் நியூஸ் ஒன்றை சொல்லி உள்ளார் இயக்குனர் ராஜமவுலி.
அதன்படி ஆர் ஆர் ஆர் படத்தின் இரண்டாம் பாகத்திற்கான கதை எழுதும் பணியை அப்படத்தின் கதாசிரியரும், தனது தந்தையுமான விஜயேந்திர பிரசாத் தொடங்கி விட்டதாக இயக்குனர் ராஜமவுலி சமீபத்திய பேட்டி ஒன்றில் தெரிவித்துள்ளார். இதன் மூலம் ஆர் ஆர் ஆர் படத்தின் இரண்டாம் பாகம் உருவாவது உறுதி ஆகி உள்ளது. படத்தின் ஷூட்டிங்கை 2024 ஆம் ஆண்டு தொடங்க திட்டமிட்டுள்ளதாக தகவல்கள் தெரிவிக்கின்றன.
இதையும் படியுங்கள்... டீசர் ரெடி... புஷ்பா 2 படத்தை உலகளவில் ரீச் செய்ய அல்லு அர்ஜுன் போட்ட பக்கா பிளான்