இது அதுல்ல... காப்பி சர்ச்சையில் சிக்கிய தமிழக வெற்றிக் கழகம் கட்சியின் கொடி

நடிகர் விஜய்யின் தமிழக வெற்றிக் கழகம் கட்சியின் கொடி காப்பியடிக்கப்பட்டதாக நெட்டிசன்கள் ட்ரோல் செய்து வருகின்றனர்.

TVK Flag

தமிழ் திரையுலகில் முன்னணி மாஸ் நடிகராக வலம் வருபவர் விஜய். அவர் தற்போது தீவிர அரசியலில் இறங்கி இருப்பதால் தளபதி 69 படத்துடன் சினிமாவில் இருந்து விலக உள்ளதாகவும் அறிவித்துள்ளார் விஜய். விஜய்யின் அரசியல் பயணத்தின் தொடர்ச்சியாக கடந்த பிப்ரவரி மாதம் தமிழக வெற்றிக் கழகம் என்கிற தனது கட்சி பெயரை அறிவித்த விஜய், அதற்கான கொடி அறிமுக விழாவை இன்று கோலாகலமாக நடத்தி இருந்தார்.

Thalapathy Vijay

சென்னை பனையூரில் உள்ள தமிழக வெற்றிக் கழகம் கட்சி அலுவலகத்தில் இந்த கொடி அறிமுக விழா நடைபெற்றது. இதில் கலந்துகொண்ட விஜய், சிகப்பு மற்றும் மஞ்சள் நிறத்துடன் கூடிய கொடியை அறிமுகம் செய்து வைத்தார். அந்த கொடியில் போர் யானைகளும், வாகை மலரும் இடம்பெற்று இருக்கிறது. கொடியை அறிமுகப்படுத்திய அவ்ர் அதன் பின்னணியில் இருக்கும் வரலாறை கூறவில்லை. தமிழக வெற்றிக் கழகத்தின் மாநாட்டில் அதை சொல்லுவேன் என ட்விஸ்ட் வைத்து சென்றார் விஜய்.

இதையும் படியுங்கள்... கொடிக்கு பின்னணியில் இருக்கும் குட்டி ஸ்டோரி முதல் மாநாடு தேதி வரை; விஜய் ஸ்பீச் ஹைலைட்ஸ் !!

Netizens troll

தமிழக வெற்றிக் கழகத்தில் கொடியுடன் அதற்காக இசையமைப்பாளர் தமன் கம்போஸ் செய்த ஸ்பெஷல் பாடலையும் வெளியிட்டார் விஜய். அந்த பாடலுக்கு விவேக் உணர்ச்சிகரமான பாடல் வரிகளை எழுதி இருக்கிறார். அந்த பாடல் தற்போது யூடியூப்பில் வெளியாகி வைரலாகி வருகிறது. இந்த நிலையில், தமிழக வெற்றிக் கழகத்தின் கொடி காப்பியடிக்கப்பட்டதாக நெட்டிசன்கள் ட்ரோல் செய்து வருகின்றனர்.

X post

தமிழக வெற்றிக்கழகத்தில் கொடி அச்சு அசல் ஸ்பெயின் நாட்டின் கொடியை ஜெராக்ஸ் காப்பி எடுத்தது போல் உள்ளதாக குறிப்பிட்டுள்ள நெட்டிசன்கள் இதுக்கு தான் இவ்வளவு பில்டப் கொடுத்தீர்களா என கேள்வி எழுப்பி உள்ளனர். அதுமட்டுமின்றி அதில் உள்ள யானைகள் பெவிக்கால் லோகோவில் இருந்து காப்பியடிக்கப்பட்டதாகவும் நெட்டிசன்கள் ஒப்பிட்டு வருகின்றனர். இதுகுறித்த பதிவுகளும் இணையத்தில் வைரலாகி வருகின்றன.

இதையும் படியுங்கள்... ஒரு கரையில்லாத கையை பிடிச்சு போக போறோமே; த.வெ.க கட்சி பாடலால் ஆளும் கட்சியை தாக்கிய தளபதி?