தளபதி வீட்டில் பறக்கும் தேசிய கொடி..! வைரலாகும் புகைப்படம்..!

தளபதி விஜய் வீட்டில் தேசிய கொட்டி ஏற்றப்பட்டுள்ள புகைப்படம் தற்போது சமூக வலைத்தளத்தில் வைரலாகி வருகிறது. 

நம் இந்திய நாடு சுதந்திரம் அடைந்து 75 ஆண்டுகள் ஆவதை முன்னிட்டு அனைவரது வீட்டிலும் தேசிய கொடி என்கிற திட்டத்தை சமீபத்தில் பிரதமர் மோடி துவங்கி வைத்தார். இதை தொடர்ந்து நேற்று சூப்பர் ஸ்டார் ரஜினிகாந்த் வீட்டில், தேசிய கொடி ஏற்றப்பட்ட நிலையில், இன்று... விஜய் வீட்டில் தேசிய கொடி ஏற்றப்பட்டுள்ளது. இந்த புகைப்படம் சமூக வலைத்தளத்தில் வைரலாகி வருகிறது.

வருகிற ஆகஸ்ட் 15-ந் தேதி, நாட்டின் 75-ஆவது சுதந்திர தினம் கொண்டாடப்பட உள்ளது. இதனை பிரமாண்டமாக கொண்டாட பல்வேறு மாநிலங்களிலும் சிறப்பு ஏற்பாடுகள் செய்யப்பட்டு வருகிறது. இதுகுறித்து சமீபத்தில் பேசிய பிரதமர் மோடி, 75 ஆம் ஆண்டு சுதந்திர தினத்தை சிறப்பிக்கும் விதமாக,  அனைவரது வீடுகளிலும் தேசியக் கொடியை ஏற்றுமாறு கோரிக்கை விடுத்தார்.

மேலும் செய்திகள்: இது எங்க போய் முடிய போகுதோ..? கேரவனுக்குள் மணக்கோலத்தில் கொஞ்சி குலாவும் அமீர் - பாவனி! பொங்கும் நெட்டிசன்கள்

அதே போல்... சமூக வலைத்தளத்தில் உள்ள அனைவரும், வாட்ஸ்அப், ட்விட்டர், மற்றும் இன்ஸ்டாகிராம் பக்கத்தில் தங்களுடைய முகப்பு பக்கத்தில் தேசிய கொடியை ஆகஸ்ட் 13 ஆம் தேதி முதல் 15 ஆம் தேதி வரை வைக்க வேண்டும் என கேட்டுக்கொண்டார். இதை தொடர்ந்து பல்வேறு பிரபலங்கள் மற்றும், மக்கள் தேசிய கொடியை ப்ரொபைல் பிச்சராக வைத்து வருகிறார்கள்.

இந்நிலையில் நீலாங்கரையில் நடிகர் விஜய்யின் வீடு அமைந்துள்ள பகுதியில் உள்ள மரம் ஒன்று மூவர்ண கொடியை போல் அலங்கரிக்கப்பட்ட மின் விளக்குகளால் ஜோடிக்கப்பட்டது வைரலானதை தொடர்ந்து,  தற்போது விஜயின் வீட்டு வாசலில் தேசிய கொடி பறந்து கொண்டிருக்கிறது. இந்த புகைப்படம் தற்போது சமூக வலைத்தளத்தில் வேகமாக பரவி வருகிறது. 

மேலும் செய்திகள்: ரஜினிகாந்த் பற்றி மாணவர்களுக்கு பாடம் எடுத்த மத்தியப்பிரதேச முதல்வர் சிவராஜ் சிங் சவுகான்! வைரலாகும் வீடியோ..!