கல்லூரி தேர்வுக்கு பணம் இல்லை... கலக்கத்தோடு உதவி கேட்ட மாணவி! சத்தமில்லாமல் உதவிய ஜி.வி.பிரகாஷ்!

தமிழ் சினிமாவில் தேசிய விருது பெற்ற இசையமைப்பாளர் ஜி.வி. பிரகாஷ்... ஒரு நடிகர் என்பதை தாண்டி பல்வேறு சமூக பணிகளை சத்தமில்லாமல் செய்து வருகிறார். இயற்கை பேரிடர் காலங்களில் நேரடியாக மக்களுக்கு காலத்தில் இறங்கி பல்வேறு உதவிகளை செய்துள்ளார். 
 

ஜல்லிக்கட்டு போன்ற போராட்டங்களிலும் கலந்து கொண்டு, தமிழர்களின் கலாச்சார விளையாட்டுகளுக்கு குரல் கொடுத்தவர்களின் இவரும் ஒருவர்.

மேலும் செய்திகள்: வந்து கொண்டிருக்கிறேன் அதர்மத்தை சர்வநாசமாக்க... ஸ்ரீ ராமராகவே மாறிய பிரபாஸ்! வெளியானது 'ஆதிபுருஷ்' டீசர்!
 

நடிகராகவும், இசையமைப்பாளராகவும் கோலிவுட் ரசிகர்கள் மத்தியில் பெரிய அளவில் அறியப்பட்ட ஜி.வி.பிரகாஷ் தன்னிடம் உதவி என வருபவர்களுக்கும், உதவிகள் தேவைப்படுபவர்களுக்கு சத்தமில்லாமல் உதவி செய்து வருகிறார்.

அந்த வகையில் கும்பகோணத்தை சேர்ந்த BCA படிக்கும் கல்லூரி மாணவி ஹேம பிரியா , தேர்வு நெருங்கி விட்டதாகவும்... அதற்கான கட்டணம் தன்னிடம் இல்லை என ட்விட்டர் பக்கத்தில் ஜி.வி.பிரகாஷிடம் உதவி கோரிய நிலையில், அவர் உடனடியாக GPay மூலம் அவருக்கு தேவையான பணத்தை கொடுத்துள்ளார்.

மேலும் செய்திகள்: விக்ரம் மகன் துருவுக்கு ஜோடியாகிறாரா ரோஜாவின் மகள் அன்ஷு மாலிகா..? உண்மையை உடைத்த தந்தை செல்வமணி!
 

இதை தொடர்ந்து அந்த மாணவியும் தன்னுடைய ட்விட்டர் பக்கத்தில் இருந்து ஜி.வி.பிரகாஷுக்கு நன்றி தெரிவித்து, தேர்வுக்கு தனக்கு வாழ்த்தும் படி கூறியுள்ளார். இந்த தகவல் தற்போது வெளியே வர, ரசிகர்கள் ஜி.வி.பிரகாஷுக்கு தங்களின் வாழ்த்துக்களை தெரிவித்து வருகிறார்கள்.

மேலும் செய்திகள்: 8 வருடத்திற்கு பின் கர்ப்பமான சரவணன் மீனாட்சி ஸ்ரீஜா..! வளைகாப்பு புகைப்படத்தை வெளியிட்ட மிர்ச்சி செந்தில்!