'மாமன்னன்' பட வெற்றியை ஏ.ஆர்.ரகுமானுடன் கேக் வெட்டி கொண்டாடிய கீர்த்தி - உதயநிதி! வைரலாகும் போட்டோஸ்!

இயக்குனர் மாரி செல்வராஜ் இயக்கத்தில், பக்ரீத் பண்டிகையை முன்னிட்டு ஜூன் 29ஆம் தேதி வெளியான 'மாமன்னன்' திரைப்படம் நல்ல வரவேற்பை பெற்று வருவதைத் தொடர்ந்து, பட குழுவினர் படத்தின் வெற்றியை கேக் வெட்டி கொண்டாடி உள்ளனர். இது குறித்த புகைப்படங்கள் தற்போது வெளியாகி வைரலாகி வருகிறது.

தமிழ் சினிமாவில் கமர்சியல் என்பதை தாண்டி, கதையை மட்டுமே அடிப்படையாகக் கொண்டு வெற்றி படங்களை கொடுத்து வரும் இயக்குனர்கள் பட்டியலில் இருப்பவர் மாரி செல்வராஜ்.   இவர் இயக்கத்தில் ஏற்கனவே வெளியான பரியேறும் பெருமாள் மற்றும் கர்ணன் ஆகிய படங்கள் நல்ல வரவேற்பை பெற்று சூப்பர் ஹிட் வெற்றி பெற்ற நிலையில், உதயநிதி ஸ்டாலினை ஹீரோவாக வைத்து மாரி செல்வராஜ் இயக்கியிருந்த திரைப்படம் 'மாமன்னன்'.

திடீர் என நிறுத்தப்பட்ட சன் டிவி 'தாலாட்டு' சீரியல்..! இது தான் காரணமா? கிருஷ்ணா கூறிய அதிர்ச்சி தகவல்!

வழக்கம்போல் தன்னுடைய கதைகளில் கூறப்படும், இரு சாதியினருக்கு இடையே காட்டப்படும் வேறுபாட்டை மீண்டும் 'மாமன்னன்' படத்தில், மாரி எடுத்துக்காட்டி இருந்தாலும்... அரசியல் கண்ணோட்டத்தில் இந்த படத்தை நகர்த்தி சென்றது திரைக்கதைக்கு, வலு சேர்த்தது என கூறலாம்.  இப்படத்தை ரெட் ஜெயின் மூவிஸ் நிறுவனம், மிகப் பிரம்மாண்டமாக தயாரித்திருந்த நிலையில், இந்த படத்திற்கு ஏ ஆர் ரகுமான் இசையமைத்திருந்தார். 

தமிழக முழுவதும் நேற்று முன்தினம் வெளியான இப்படம், உதயநிதி ஸ்டாலினின் கடைசி படம் என்பதும் குறிப்பிடத்தக்கது. தொடர்ந்து பாசிட்டிவான விமர்சனங்களை பெற்று வரும் இப்படம், இரண்டு நாட்களில் சுமார் 17 கோடி வசூல் செய்துள்ள நிலையில், இன்றும் - நாளையும் விடுமுறை நாட்கள் என்பதால்... மேலும் வசூல் சிறப்பாக இருக்கும் என திரையரங்கு உரிமையாளர்கள் நம்பிக்கை தெரிவித்துள்ளனர்.

'மாமன்னன்' ஹிட்தான் ஆனால் டல்லடிக்கும் வசூல்! இரண்டாவது நாள் பாக்ஸ் ஆபிஸ் கலெக்ஷன் எவ்வளவு தெரியுமா?

'மாமன்னன்' படத்தின் வெற்றியை, இயக்குனர் மாரி செல்வராஜ், உதயநிதி ஸ்டாலின், கீர்த்தி சுரேஷ் ஆகியோர் ஏ ஆர் ரகுமானை சந்தித்து அவருக்கு பூங்கொத்து கொடுத்து வாழ்த்து கூறி, இந்த படத்தின் வெற்றியை கேக் வெட்டி கொண்டாடியுள்ளனர். இதுகுறித்த புகைப்படங்கள் தற்போது வெளியாகி தற்போது ரசிகர்கள் மத்தியில் நல்ல வரவேற்பை பெற்று வருகிறது.