பக்திமானாக மாறிய ராக்கி பாய்... மனைவியுடன் வரலட்சுமி பூஜை கொண்டாடிய கே.ஜி.எப் நாயகன் யாஷின் தெய்வீக போட்டோஸ்

கன்னட திரையுலகம் அசுர வளர்ச்சி கண்டதற்கு முக்கிய காரணம் கே.ஜி.எப் திரைப்படம் தான். பிரசாந்த் நீல் இயக்கிய இப்படம் இதுவரை 2 பாகங்கள் வெளிவந்துள்ளன. இந்த இரண்டு பாகங்களுமே வேறலெவலில் வரவேற்பை பெற்று மாஸ் ஹிட் அடித்தன. குறிப்பாக கடந்தாண்டு வெளிவந்த கே.ஜி.எப் படத்தின் இரண்டாம் பாகம் ரூ.1200 கோடிக்கு மேல் வசூலித்து பிளாக்பஸ்டர் ஹிட் ஆனது.

கே.ஜி.எப் படத்தில் ராக்கி பாய் என்கிற கேங்ஸ்டர் கதாபாத்திரத்தில் நடித்து அப்படம் மூலம் உலகளவில் பேமஸ் ஆனவர் தான் யாஷ். அவரை யாஷ் என்று சொல்வதைவிட ராக்கி பாய் என்று கூறினால் தான் தெரியும், அந்த அளவுக்கு அவரது கதாபாத்திரம் மக்கள் மனதில் நீங்கா இடம்பிடித்து உள்ளது.

கே.ஜி.எப் படங்களின் அதிரிபுதிரியான வெற்றியின் மூலம் நடிகர் யாஷின் மார்க்கெட் ஜெட் வேகத்தில் உயர்ந்துவிட்டது. கே.ஜிஎஃப் 2 திரைப்படம் ரிலீஸ் ஆகி ஒன்றரை ஆண்டுகளுக்கு மேல் ஆகிவிட்ட நிலையிலும், யாஷ் தனது அடுத்தபடம் குறித்த அறிவிப்பை இன்னும் வெளியிடாமல் சீக்ரெட்டாகவே வைத்துள்ளார்.

இதையும் படியுங்கள்... யார் சாமி இவரு... வீட்டுக்குள் 6 தென்னை மரம் வளர்க்கும் மன்சூர் அலிகான்; பாத்ரூம்லயும் ஒன்னு இருக்காம்

அவர் ஷங்கர் இயக்கும் வேள்பாரி படத்தில் நடிக்க உள்ளதாக கூறப்பட்டது. பின்னர் அது வதந்தி என தெரியவந்தது. அதேபோல் பி.எஸ்.மித்ரனும் யாஷுக்கு கதை சொல்லி உள்ளதாக தெரிகிறது. இதுதவிர பிரசாந்த் நீலும் கே.ஜி.எப் மூன்றாம் பாகத்தின் கதையை தயார் செய்து வருகிறார். இதில் யார் யாஷின் அடுத்தபடத்தை இயக்க உள்ளார் என்பது புரியாத புதிராகவே உள்ளது.

ஆனால் நடிகர் யாஷ் இதையெல்லாம் பற்றி கவலைப்படாமல், தன் குடும்பத்தினருடன் சந்தோஷமாக வரலட்சுமி பூஜையை கொண்டாடி உள்ளார். தனது மனைவி மற்றும் குழந்தைகளோடு வீட்டில் வரலட்சுமி பூஜையின் போது எடுத்த புகைப்படங்களை இன்ஸ்டாகிராமில் பதிவிட்டுள்ளார் யாஷ். இதைப்பார்த்த ரசிகர்கள், அவர் பார்ப்பதற்கு பக்திமான் போல இருப்பதாக கமெண்ட் செய்து வருகின்றனர்.

இதையும் படியுங்கள்... மகன்களுக்கு பட்டுவேட்டி கட்டிவிட்டு... ஓணம் விருந்து ஊட்டிவிட்ட நயன்தாரா - விக்கி பகிர்ந்த கியூட் போட்டோஸ் இதோ