Viruman : பாக்ஸ் ஆபிஸில் அதகளம் செய்யும் விருமன்... இரண்டாம் நாளிலும் இம்புட்டு வசூலா?

நடிகர் கார்த்தி நடித்துள்ள விருமன் திரைப்படம் நேற்று முன்தினம் உலகமெங்கும் ரிலீசானது. தமிழகத்தில் மட்டும் சுமார் 475-க்கும் மேற்பட்ட திரையரங்குகளில் ரிலீசான இப்படத்திற்கு முதல் நாளில் அதிகாலை காட்சிக்கு அனுமதி வழங்கப்படவில்லை. பொதுவாக பெரிய நடிகர்களின் படங்கள் ரிலீசானால் அதிகாலை காட்சிகள் திரையிடப்படுவது வழக்கம்.

ஆனால் விருமன் படத்திற்கு அதிகாலை காட்சி கிடைக்காததால் அது இப்படத்தின் வசூலிலும் பெரும் பாதிப்பை ஏற்படுத்தும் என கூறப்பட்டது. ஆனால் அவற்றையெல்லாம் தவிடுபொடி ஆக்கும் விதமாக முதல் நாளிலேயே இப்படம் ரூ.8 கோடிக்கு மேல் வசூலித்து மாஸ் காட்டியது. ஒருவேளை அதிகாலை காட்சிக்கு அனுமதி கிடைத்திருந்தால் இந்த வசூல் இன்னும் அதிகரித்திருக்கக்கூடும்.

முதல் நாளில் பாக்ஸ் ஆபிஸில் வசூல் வேட்டை நடத்திய விருமனுக்கு, இரண்டாம் நாளிலும் அதே நிலை தான் நீடித்தது. அதுமட்டுமின்றி நேற்று விடுமுறை தினம் என்பதால் பெரும்பாலான இடங்களில் ஹவுஸ்புல் காட்சிகளாகவே ஓடியது. இதனால் இரண்டாம் நாளிலும் இப்படத்திற்கான வரவேற்பு அதிகரித்த வண்ணமே இருந்தது.

இதையும் படியுங்கள்... இது மட்டும் நடந்திருந்தா என் புருஷன காப்பாத்திருக்கலாம்.! வித்யாசாகர் மறைவுக்கு பின் மீனா எடுத்த அதிரடி முடிவு

இந்நிலையில், விருமன் படத்தின் இரண்டாம் நாள் பாக்ஸ் ஆபிஸ் வசூல் குறித்த தகவல் வெளியாகி உள்ளது. அதன்படி இப்படம் முதல் நாளைப் போலவே இரண்டாம் நாளிலும் ரூ.8 கோடிக்கு மேல் வசூலித்து உள்ளதாக கூறப்படுகிறது. இதன்மூலம் விருமன் படம் இரண்டே நாளில் மொத்தமாக ரூ.16 கோடிக்கு மேல் வசூலித்து சாதனை படைத்துள்ளது.

இன்று மற்றும் நாளை விடுமுறை தினம் என்பதால், விருமன் படத்தின் வசூல் மேலும் அதிகரிக்கக்கூடும். அதன்படி இப்படம் 4 நாட்கள் முடிவில் ரூ.30 கோடிக்கு மேல் வசூலிக்கும் என கணிக்கப்பட்டு உள்ளது. அப்படி வசூலித்தால் நடிகர் கார்த்தியின் கெரியரில் முதல் வாரத்திலேயே அதிக வசூல் ஈட்டிய படமாக விருமன் இருக்கும் என கூறப்படுகிறது.

இதையும் படியுங்கள்...   என்ன கொடுமை இது... நயன்தாரா கெட்அப்பில் போட்டோ போட்ட பிக்பாஸ் பிரபலத்தை பார்த்து விக்கி இப்படி சொல்லிட்டாரே..!