'மாமன்னன்' இசை வெளியீட்டு விழாவிற்கு மாஸாக... கோட் - சூட்டில் வந்த உலகநாயகன்!
'மாமன்னன்' பட இசைவெளியீட்டு விழாவிற்கு உலகநாயகன் கமல் ஹாசன் வருகை தந்த புகைப்படங்கள் வைரலாக பார்க்கப்பட்டு வருகிறது.
இயக்குனர் மாரி செல்வராஜ் இயக்கத்தில், உதயநிதி ஸ்டாலின் நடிப்பில் உருவாகியுள்ள திரைப்படம் 'மாமன்னன்'. உதயநிதி அரசியலில் நுழைந்து... அமைச்சர் பதவியை கைப்பற்றிவிட்டதால், இனி மக்கள் பணியே மகேசன் பணி... என்கிற பழமொழிக்கு ஏற்ப முழு நேர அரசியலில் கவனம் செலுத்தஉள்ளதால் , இனி எந்த திரைப்படங்களிலும் நடிக்க போவது இல்லை என்றும், மாரி செல்வராஜ் இயக்கத்தில் நடித்து வரும் 'மாமான்னன்' படம் தான் தன்னுடைய கடைசி படம் என்பதையும் அறிவித்தார்.
ஒரு தயாரிப்பாளராக அறிமுகமாகி, பின்னர் நடிகராக ரசிகர்கள் மனதில் நிலையான இடத்தை பிடித்த... உதயநிதி இப்படி ஒரு அறிவிப்பை வெளியிட்டுள்ளதால், இவரின் கடைசி படம் மீதான எதிர்பார்ப்பு, ரசிகர்கள் மற்றும் பிரபலங்கள் மத்தியில் கொஞ்சம் அதிகமாகவே உள்ளது.
இந்நிலையில் இப்படம் இந்த மாதம் வெளியாக உள்ள நிலையில், படத்தின் புரமோஷன் பணிகளும் விறுவிறுப்பாக நடந்து வருகிறது. அந்த வகையில், இந்த படத்தின் ஆடியோ லான்ச் இன்று, நேரு ஸ்டேடியத்தில் நடைபெற உள்ளதாக அறிவிக்கப்பட்ட நிலையில், இதில் திரையுலகை சேர்ந்த பல பிரபலங்கள் கலந்து கொள்வார்கள் என எதிர்பார்க்கப்பட்டது.
இந்த எதிர்பார்ப்பை உண்மையாகும் விதமாக, நடிகரும்... மக்கள் நிதி மய்யம் கட்சியின் தலைவருமான உலக நாயகன் கமல்ஹாசன், மிகவும் ஸ்டைலிஷாக ஆஷ் கலர் கோட் - சூட்டில் செம்ம மாஸாக வந்துள்ள புகைப்படங்கள் வைரலாகி வருகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.