vikram movie : கொரோனா வார்டில் குவிந்த விக்ரம் படக்குழு... போட்ட பிளானெல்லாம் சொதப்பியதால் கடுப்பான கமல்

மாநகரம்  படம் மூலம் தமிழ் திரையுலகில் இயக்குனராக அறிமுகமான லோகேஷ் கனகராஜ், முதல் படத்திலேயே முத்திரை பதித்து, தமிழ் சினிமாவில் கவனிக்கத்தக்க இயக்குனராக உயர்ந்தார். இதையடுத்து கார்த்தியை வைத்து இவர் இயக்கிய கைதி திரைப்படம், பிளாக்பஸ்டர் வெற்றியை பெற்றதோடு, விஜய்யின் மாஸ்டர் படத்தை இயக்கும் வாய்ப்பையும் பெற்றுத் தந்தது. 

கடந்தாண்டு ஜனவரி மாதம் பொங்கல் பண்டிகைக்கு வெளியான மாஸ்டர் திரைப்படம் மாபெரும் வெற்றியை பெற்றது. இதன்முலம் ஹாட்ரிக் வெற்றியை ருசித்த லோகேஷ் கனகராஜ், தற்போது கமல்ஹாசனுடன் கூட்டணி அமைத்துள்ளார். 'விக்ரம்' என பெயரிடப்பட்டுள்ள இப்படத்திற்கு அனிருத் இசையமைக்கிறார். 

நடிகர் கமல்ஹாசன் தனது சொந்த தயாரிப்பு நிறுவனமான, ராஜ் கமல் பிலிம்ஸ் மூலம் இப்படத்தை பிரம்மாண்டமாக தயாரிக்கிறார். இப்படத்தில் சிவானி, மகேஷ்வரி, மைனா நந்தினி, காளிதாஸ் ஜெயராம் ஆகியோர்  முக்கிய கதாபாத்திரத்தில் நடிக்கின்றனர். அதிரடி ஆக்சன் படமாக இது தயாராகி வருவதால், வில்லன்களுக்கு முக்கியத்துவம் கொடுத்து திரைக்கதை அமைத்துள்ளாராம் லோகேஷ் கனகராஜ். 

இப்படத்தின் இறுதிக்கட்ட படப்பிடிப்பு கடந்த மாதம் சென்னையில் தொடங்கி நடைபெற்று வந்தது. அதில் கமல்ஹாசன், பகத் பாசில் ஆகியோர் நடிக்கும் காட்சிகள் படமாக்கப்பட்டு வந்தது. 
 

இந்நிலையில், தற்போது விக்ரம் படத்தின் படப்பிடிப்பு தற்காலிகமாக நிறுத்திவைக்கப்பட்டு உள்ளது. படக்குழுவினர் சிலருக்கு கொரோனா பாதிப்பு இருப்பது உறுது செய்யப்பட்டுள்ளதால் படப்பிடிப்பை நிறுத்தி வைத்துள்ளனர். இதன் காரணமாக படத்தை திட்டமிட்டபடி முடிக்க முடியாத சூழல் உருவாகி உள்ளது.

இதனால் வருகிற ஏப்ரல் மாதம் படத்தை வெளியிட முடியாத நிலை உருவாகி உள்ளது. போட்ட பிளான் சொதப்பியதால் நடிகர் கமல் கடும் அப்செட்டில் இருக்கிறாராம். இதன்மூலம் விக்ரம் படம் மே அல்லது ஜூன் மாதங்களுக்கு தள்ளிப்போக வாய்ப்புள்ளதாக கூறப்படுகிறது.