Jana Nayagan: ஜனநாயகன் படத்தை சரசரவென வெட்டித்தள்ளிய சென்சார்.?! நீக்கப்பட்ட 12 முக்கிய காட்சிகள் என்னென்ன?

'ஜனநாயகன்' திரைப்படம், தணிக்கைக் குழுவின் கடுமையான போராட்டத்திற்குப் பிறகு 'A' சான்றிதழைப் பெற்றுள்ளது. க்ளைமாக்ஸ் உட்பட 12 முக்கிய மாற்றங்கள் செய்யப்பட்ட போதிலும், படத்தின் நீளம் 3 மணி நேரமாக நீடிக்கிறது.

Image Credit : x

முதலமைச்சர் படத்துக்கே இந்த நிலைமையா?! பின்னணியில் பாஜக.!

தமிழ் திரையுலகமே ஆவலோடு எதிர்பார்த்துக் கொண்டிருக்கும் தளபதி விஜய்யின் 'ஜனநாயகன்' திரைப்படம் ஒருவழியாக சென்சார் சோதனைகளைக் கடந்து 'A' சான்றிதழைப் பெற்றுள்ளது. ஆனால், இந்தச் சான்றிதழைப் பெறுவதற்குள் படக்குழுவினர் தணிக்கைக் குழுவிடம் (CBFC) பெரும் போராட்டத்தையே நடத்த வேண்டியிருந்தது. படத்தின் அரசியல் வீரியத்தைக் கண்டு மிரண்ட சென்சார் போர்டு, கதையின் போக்கையே மாற்றும் அளவுக்கு பல காட்சிகளைச் சரசரவென வெட்டித்தள்ளியுள்ளது.

Image Credit : KVN Productions, Ram Muthuram Cinemas

அரசியல் மற்றும் கட்சி குறிப்புகள் நீக்கம்

தமிழ்நாட்டின் முன்னணி அரசியல் கட்சிகளை நேரடியாகவோ அல்லது குறியீடாகவோ நினைவூட்டும் வகையில் அமைந்திருந்த வார்த்தைகள் மற்றும் சின்னங்கள் முற்றிலும் மியூட் (Mute) செய்யப்பட்டுள்ளன. அதேபோல், நடப்பு அரசியல் சூழலை மிகக் கடுமையாக விமர்சித்து விஜய் பேசும் சில அனல் பறக்கும் வசனங்களின் ஆடியோவும், தேர்தல் சூழ்ச்சிகளை அம்பலப்படுத்தும் வகையிலான சில உணர்வுப்பூர்வமான வசனங்களும் முழுமையாக நீக்கப்பட்டுள்ளன. நிஜ அரசியல் தலைவர்களின் பெயர்களோடு ஒத்துப் போகும் வகையிலான பெயர்கள் படத்தில் வரும்போது அவை கேட்காதவாறு ஆடியோ கட் செய்யப்பட்டுள்ளது.

Image Credit : X

தேசியக் கொடி மற்றும் அரசு அமைப்புகள் மீதான சாடல்

படத்தில் தேசியக் கொடி தவறாக சித்தரிக்கப்பட்டிருப்பதாக சென்சார் போர்டு ஆட்சேபனை தெரிவித்ததால், அந்த காட்சியின் பின்னணி மற்றும் விபரம் முற்றிலும் மாற்றப்பட்டுள்ளது. மேலும் சட்டம், காவல்துறை, அரசு பாதுகாப்புப் படைகளின் செயல்பாடுகளைக் கேள்வி கேட்கும் மற்றும் சர்ச்சையை ஏற்படுத்தும் வகையிலான சில முக்கிய காட்சிகள் மாற்றியமைக்கப்பட்டுள்ளன. பொது அமைப்புகள் மற்றும் அரசு சாரா நிறுவனங்களை தவறாக சித்தரிக்கும் வசனங்களும் தணிக்கைக் குழுவால் நீக்கப்பட்டுள்ளன.

Image Credit : KVN Productions

வன்முறை மற்றும் ஆபாச வசனங்களுக்கு விழுந்த கத்தரி

படத்தில் வரும் பிரம்மாண்டமான அரசியல் ஆர்ப்பாட்டம் மற்றும் போராட்டக் காட்சிகளின் நீளம் சட்டம் ஒழுங்கு காரணங்களுக்காகக் குறைக்கப்பட்டுள்ளது. சண்டைக் காட்சிகளில் வன்முறையின் வீரியம் அதிகமாக இருந்ததால், தியேட்டர்களில் பார்க்கும்போது பதற்றத்தை ஏற்படுத்தும் பல 'ஷாட்கள்' (Shots) வெட்டி சுருக்கப்பட்டுள்ளன. திரையில் அதிகமாகத் தெரிந்த இரத்தக் கறைகள், கொடூரமான தாக்குதல் காட்சிகளின் நீளம் பாதியாகக் குறைக்கப்பட்டுள்ளதுடன், கதாபாத்திரங்கள் பேசும் கடுமையான சொற்கள் அனைத்தும் 'பீப்' (Beep) செய்யப்பட்டு மியூட் செய்யப்பட்டுள்ளன.

Image Credit : KVN Productions

க்ளைமாக்ஸ் மாற்றம் மற்றும் 3 மணி நேர ஆட்டம்

படத்தின் மிக முக்கிய பகுதியான க்ளைமாக்ஸ் காட்சியில் அரசியல் ரீதியாக பெரும் தாக்கத்தை ஏற்படுத்தக்கூடிய சில வசனங்கள் மற்றும் குறியீட்டு சின்னங்களில் சென்சார் போர்டின் உத்தரவுப்படி மாற்றங்கள் செய்யப்பட்டுள்ளன. இப்படி சென்சார் போர்டு சரசரவென 12 முக்கிய மாற்றங்களைச் செய்து பல காட்சிகளை வெட்டித்தள்ளிய போதிலும், படத்தின் நீளம் குறையவில்லை. தணிக்கைக்குப் பிறகு 'ஜனநாயகன்' திரைப்படத்தின் அதிகாரப்பூர்வ ரன்னிங் டைம் 3 மணி நேரம் 3 நிமிடங்கள் (183 நிமிடங்கள்) என உறுதி செய்யப்பட்டுள்ளது.

Image Credit : Asianet News

புதிய அதிகாரப்பூர்வ ரிலீஸ் தேதி

நீண்ட சட்டப் போராட்டத்திற்குப் பிறகு சென்சார் சிக்கல்கள் முடிவுக்கு வந்துள்ளதால், 'ஜனநாயகன்' படத்தின் புதிய அதிகாரப்பூர்வ ரிலீஸ் தேதி குறித்த அறிவிப்பு எந்த நேரத்திலும் வெளியாகலாம் என ஒட்டுமொத்த கோலிவுட்டும், விஜய் ரசிகர்களும் மிகுந்த எதிர்பார்ப்புடன் காத்துக் கொண்டிருக்கின்றனர்.