லோகேஷின் LCU மாதிரி.. தனுஷின் DCU உருவாகிறதா? "இட்லி கடை" பற்றி தீயாய் பரவும் தகவல்!
Dhanush Cinematic Universe : நடிகர் தனுஷ் இயக்கத்தில் இட்லி கடை என்ற படம் விரைவில் உருவாக உள்ளது. இதில் பல முன்னணி நடிகர்கள் நடிக்கவுள்ளனர்.
)
FollowPa Paandi Movie
பிரபல நடிகர் தனுஷ் கடந்த 2012ம் ஆண்டு வெளியான தன்னுடைய '3' என்ற திரைப்படத்தின் மூலம் தான் ஒரு தயாரிப்பாளராக தமிழ் திரை உலகில் களம் இறங்கினார். தொடர்ச்சியாக சிவகார்த்திகேயனின் "எதிர்நீச்சல்" மற்றும் "காக்கிச்சட்டை", விஜய் சேதுபதியின் "நானும் ரவுடி தான்" போன்ற நல்ல பல படங்களை தயாரித்து வழங்கி வந்ததும் குறிப்பிடத்தக்கது. கடந்த 2017ம் ஆண்டு தமிழில் ராஜ்கிரண் மற்றும் ரேவதி நடிப்பில் வெளியான "பா. பாண்டி" என்கின்ற திரைப்படத்தை தயாரித்தார். ஆனால் இந்த திரைப்படத்தின் மூலம் தயாரிப்பாளராக மட்டுமில்லாமல் இயக்குனராகவும் கோலிவுட் உலகில் களமிறங்கினார் நடிகர் தனுஷ். அந்த திரைப்படம் வசூல் ரீதியாகவும், விமர்சன ரீதியாகவும் மிகப் பெரிய அளவில் வரவேற்பை பெற்றது.
"இத்தனை வருஷமா ஏன் புகார் கொடுக்கல? எல்லாம் சதி" - உச்சகட்ட கோபத்தில் ஜானி மாஸ்டர் மனைவி!
)
Raayan Movie
தொடர்ச்சியாக தமிழில் நல்ல பல படங்களில் நடித்து வந்து தனுஷ், இந்த 2024 ஆம் ஆண்டு ஜூலை மாதம் 26ம் தேதி வெளியிட்ட திரைப்படம் தான் "ராயன்". உலக அளவில் சுமார் 170 கோடி ரூபாயையும் தாண்டி வசூல் வசூல் செய்து சாதனை படைத்தது. இந்த திரைப்படத்தை பிரபல சன் பிக்சர்ஸ் நிறுவனம் தயாரித்த நிலையில் ஏ.ஆர் ரகுமான் இசையில் ராயன் திரைப்படம் தமிழ் ரசிகர்கள் மத்தியில் மிகப்பெரிய வரவேற்பை பெற்றது.
NEEK Movie
தனது இரண்டு திரைப்பட பணிகளை இயக்குனராக முடித்த தனுஷ், உடனடியாக "நிலவுக்கு என் மேல் என்னடி கோபம்" என்கின்ற திரைப்படத்தை இயக்க தொடங்கினார். முழுக்க முழுக்க இளம் நடிகர்கள் நடிகைகளை வைத்து இந்த திரைப்படத்தை இயக்கி வரும் தனுஷ், அந்த திரைப்படத்திற்கு தயாரிப்பாளராகவும் பணியாற்றி வருவது குறிப்பிடத்தக்கது. விரைவில் அந்த திரைப்படம் வெளியாகவுள்ள நிலையில், சில தினங்களுக்கு முன்பு நடிகர் தனுஷ் இயக்க உள்ள அவரது நான்காவது திரைப்படம் குறித்து அறிவிப்பு வெளியாகி அவரது ரசிகர்கள் மத்தியில் மிகப்பெரிய வரவைப்பை பெற்றது.
Idli Kadai
"இட்லி கடை" என்று பெயரிடப்பட்டுள்ள அந்த புதிய திரைப்படத்தை, Dawn Pictures என்கின்ற தயாரிப்பு நிறுவனம் தயாரிக்க உள்ளது. இது அந்த நிறுவனம் தயாரிக்கும் முதல் திரைப்படம். இந்த சூழலில் ஏற்கனவே அவருடைய நடிப்பில் வெளியான "ராயன்" திரைப்படத்தின் தொடர்ச்சியாக தான் இந்த "இட்லி கடை" என்கின்ற திரைப்படம் இருக்கும் என்று சில தகவல்கள் பரவி வருகிறது. இதனால் லோகேஷ் கனகராஜ் போல தனுஷின் சினிமாட்டிக் யூனிவெர்ஸ் உருவாக உள்ளதாக தகவல்கள் பரவி வருகிறது.
சேனலை கிளிக் செய்து பின்தொடரவும்
