நாளை சர்ப்ரைஸாக வெளியாகிறது அஜித்தின் ‘ஏ.கே.61’ பர்ஸ்ட் லுக்..! அதுவும் இப்படி ஒரு தலைப்புடனா? - லீக்கான தகவல்

நடிகர் அஜித் நடிப்பில் இந்த ஆண்டு ரிலீசான வலிமை திரைப்படம் எதிர்பார்த்த வெற்றியை பெறவில்லை. தற்போது அடுத்த படத்திற்கான பணியில் படு பிசியாக உள்ளார் நடிகர் அஜித். அவர் நடிப்பில் தற்போது உருவாகி வரும் படம் ஏகே 61. நேர்கொண்ட பார்வை, வலிமை படங்களை இயக்கிய எச்.வினோத் தான் இப்படத்தையும் இயக்குகிறார்.

மேற்கண்ட இரண்டு படங்களையும் தயாரித்த போனி கபூர் தான் இப்படத்தையும் தயாரிக்கிறார். வங்கிக் கொள்ளையை மையமாக வைத்து ஏகே 61 படத்தை இயக்கி வருகிறார் எச்.வினோத். இப்படத்தில் அஜித்துடன் பிரபல மலையாள நடிகை மஞ்சு வாரியரும் முக்கிய கதாபாத்திரத்தில் நடித்து வருகிறார். சஞ்சய் தத் வில்லனாக நடிப்பதாக கூறப்படுகிறது.

இதையும் படியுங்கள்... ஒன்றல்ல... இரண்டல்ல... ரஜினியின் ஜெயிலர் படத்தில் மொத்தம் 4 ஹீரோயின்களாம்? - யார்... யார்... தெரியுமா?

ஏகே 61 படத்தின் படப்பிடிப்பு தற்போது இறுதிக் கட்டத்தை எட்டி உள்ளது. இதன் இறுதிக்கட்ட ஷூட்டிங் சென்னையில் நடைபெற்று வருகிறது. ஜிப்ரான் இசையமைக்கும் இப்படத்திற்கு நீரவ்ஷா ஒளிப்பதிவு செய்கிறார். இப்படத்தை இந்த ஆண்டு இறுதியில் திரைக்கு கொண்டுவர திட்டமிட்டு உள்ளனர். இந்நிலையில் இப்படத்தின் பர்ஸ்ட் லுக் ரிலீஸ் குறித்த தகவல் வெளியாகி உள்ளது.

அதன்படி ஏகே 61 படத்தின் பர்ஸ்ட் லுக் போஸ்டர் எந்தவித முன் அறிவிப்பும் இன்றி நாளை வெளியிடப்பட உள்ளதாக தகவல்கள் தெரிவிக்கின்றன. நாளை நடிகை ஸ்ரீதேவியின் பிறந்தநாள் என்பதால் அன்றைய தினம் ஏகே 61 படத்தின் பர்ஸ்ட் லுக்கை வெளியிட திட்டமிட்டுள்ளார்களாம். அத்துடன் இப்படத்தின் டைட்டிலும் அறிவிப்பட உள்ளதாம். அதன்படி ஏகே 61 படத்திற்கு வல்லமை என பெயரிடப்பட்டு உள்ளதாக கூறப்படுகிறது. நாளை பர்ஸ்ட் லுக் வெளியானால் தான் இது உண்மையா அல்லது வதந்தியா என்பது தெரியவரும்.

இதையும் படியுங்கள்... விருமன் படத்தில் மாஸ்டர் பட BGM-ஆ..! அனிருத்தை காப்பி அடித்தாரா யுவன்? - கிளம்பிய புது சர்ச்சை