83 வயதில் ஹீரோவாக நடிக்கும் கவுண்டமணி! இப்படி ஆகிவிட்டாரே..? 'பழனிச்சாமி வாத்தியார்' பட பூஜை போட்டோஸ்!
சமூக கருத்துள்ள படங்களை தேர்வு செய்து நடித்து வரும், காமெடி கிங் கவுண்டமணியா, கதையின் நாயகனாக நடிக்கும் 'பழனிச்சாமி வாத்தியார்' படத்தின் படப்பிடிப்பு இன்று பூஜையுடன் துவங்கியது. இது குறித்த புகைப்படங்கள் தற்போது வெளியாகி வைரலாகி வருகிறது.
சமூக அக்கறைகொண்ட விஷயங்களைகூட போகிற போக்கில் தனது வசனத்தால், உடல்மொழியால் விதைத்து செல்லும் வித்தை கவுண்டமணிக்கு கைவந்த கலை. தமிழக மக்களின் நகைச்சுவை விருந்தாகவும் மருந்தாகவும் எப்போதும் தனது பங்களிப்பை செய்துவரும் கவுண்டமணி நீண்ட இடைவெளிக்கு பின்னர் இந்த இந்த படத்தில் நடிக்கிறார்.
அதற்குள் சன் டிவியில் ஒளிபரப்பாக உள்ள 'வாரிசு' திரைப்படம்? எப்போது... வெளியான ரிலீஸ் தேதி!
ஏற்கனவே இந்த படம் குறித்த தகவல் வெளியான நிலையில், தற்போது... இந்த படத்தின் படப்பிடிப்பு பூஜையுடன் துவங்கி உள்ளது. இந்த படத்தில் கவுண்டமணியுடன் இணைத்து, தற்போதைய காமெடி ஸ்டார் யோகி பாபு, கஞ்சா கருப்பு ஆகியோரும் முக்கிய கதாபாத்திரத்தில் நடிக்கிறார்கள். மேலும் ராதாரவி, சித்ரா லட்சுமணன், T.சிவா, மனோபாலா, J.S.K. சதீஷ் குமார்,நந்தகோபால் R.K. சுரேஷ்,மதுரை டாக்டர் சரவணன், மங்கை அரிராஜன், திருச்சி சுரேந்தர், சாந்தகுமார், ஆகிய 11 தயாரிப்பாளர்களும் இந்த படத்தில் முக்கிய கதாபாத்திரங்களில் நடிக்கவிருக்கிறார்கள்.
யோகா டீச்சராக சஞ்சனா சிங் நடிக்கிறார். மற்ற நடிகை நடிகர்கள் தேர்வு நடைபெற்று வருகிறது. wide angle ரவிசங்கர் இந்த படத்திற்கு ஒளிப்பதிவு செய்கிறார்.கவிப்பேரரசு வைரமுத்து வரிகளுக்கு தனித்த இசை, மனதில் நிற்கும் பாடல்களை தந்த இசையமைப்பாளர் K இந்த படத்திற்கு இசையமைக்கிறார். இவர் ஏற்கனவே கவுண்டமணி நடித்த 49 ஓ படத்திற்கு இசையமைத்தவர் என்பது குறிப்பிடத்தக்கது.
அ.நாகராஜ் எடிட்டிங் செய்ய , கலை இயக்குனராக ராஜா பணியாற்றுகிறார். கதை, திரைக்கதை, வசனம் எழுதி இயக்குகிறார் - திரைப்பட கல்லூரி மாணவரான செல்வ அன்பரசன். இன்று இந்த படத்தின் பூஜை இனிதே நடைபெற்றது. படப்பிடிப்பு அடுத்த மாதம் துவங்கவிருக்கிறது. இந்த படத்தில் ஒரு முக்கிய கதாபாத்திரத்தில் நடிப்பதற்காக பிரபல கதாநாயகன் ஒருவரிடம் பேச்சுவார்த்தை நடைபெற்று வருகிறது.
இப்படத்தின் பூஜையின் கலந்து கொண்ட கவுண்டமணியின் லேட்டஸ்ட் புகைப்படத்தை பார்த்து, எப்படி இருந்தவர் இப்படி ஆகிவிட்டாரே... என கூறி வருகிறார்கள். அதே போல்... 83 வயதிலும் ஹீரோவாக நடிக்கும் இவருக்கு அனைத்து தரப்பு ரசிகர்களும் தங்களின் வாழ்த்துக்களை தெரிவித்து வருகிறார்கள்.
சேனலை கிளிக் செய்து பின்தொடரவும்
