ஒரு வழியாக வெளியீட்டுக்கு தயாரானது விக்ரமின் துருவ நட்சத்திரம்... எப்போ ரிலீஸ் தெரியுமா?

கவுதம் மேனன் இயக்கத்தில் நடிகர் விக்ரம் நடித்துள்ள துருவ நட்சத்திரம் திரைப்படம் எப்போது ரிலீஸ் ஆகும் என்பது குறித்த தகவல் கசிந்துள்ளது.

விக்ரம் நடிப்பில் நீண்ட நாட்களாக ரிலீஸ் ஆகாமல் முடங்கிக் கிடக்கும் திரைப்படம் துருவ நட்சத்திரம். கடந்த 2017-ம் ஆண்டு பெரும்பாலான ஷூட்டிங் எடுத்து முடிக்கப்பட்ட இப்படம் பல்வேறு பிரச்சனைகளில் சிக்கியதால் கிடப்பில் போடப்பட்டது. கவுதம் மேனன் இயக்கியுள்ள இப்படத்தில் விக்ரமுக்கு ஜோடியாக ஐஸ்வர்யா ராஜேஷ், ரித்து வர்மா ஆகியோரு நடித்துள்ளனர். மேலும் ராதிகா, டிடி என மிகபெரிய நட்சத்திர பட்டாளமே நடித்துள்ள இப்படத்திற்கு ஹாரிஸ் ஜெயராஜ் இசையமைத்து உள்ளார். 

பல ஆண்டுகளாக கிடப்பில் போடப்பட்ட இப்படத்தை கடந்தாண்டு மீண்டும் கையிலெடுத்த கவுதம் மேனன், அப்படத்தின் எஞ்சியுள்ள படப்பிடிப்புகளையும் முடித்து தற்போது பின்னணி பணிகளில் தீவிரமாக செயல்பட்டு வருகிறார். கடந்த சில தினங்களுக்கு முன்னர் கூட இசையமைப்பாளர் ஹாரிஸ் ஜெயராஜ் இப்படத்தின் பின்னணி இசைக்கான பணிகளை தொடங்கிவிட்டதாக அறிவித்து இருந்தார்.

இதையும் படியுங்கள்... மீண்டும் அஜித்தின் மச்சான் உடன் கூட்டணி அமைக்கும் மோகன் ஜி... அடுத்த அதிரடிக்கு தயாரான திரெளபதி காம்போ

இந்நிலையில், துருவ நட்சத்திரம் படம் எப்போது ரிலீஸ் ஆகும் என்கிற தகவல் கசிந்துள்ளது. அதன்படி இப்படத்தை வருகிற மே மாதம் 19-ந் தேதி திரைக்கு கொண்டுவர படக்குழு திட்டமிட்டு உள்ளதாம். அது கோடை விடுமுறை நேரம் என்பதால் அந்த சமயத்தில் படத்தை ரிலீஸ் செய்தால் நல்ல வரவேற்பு கிடைக்கும் என்பதை கருத்தில் கொண்டு அந்த ரிலீஸ் தேதியை லாக் செய்து வைத்துள்ளார்களாம்.

மேலும் இப்படத்தின் தமிழக வெளியீட்டு உரிமையை ரெட் ஜெயண்ட் மூவீஸ் நிறுவனம் தான் கைப்பற்றி உள்ளதாம். இப்படம் குறித்த அடுத்தடுத்த அப்டேட்டுகள் விரைவில் வெளியாகும் என கூறப்படுகிறது. நடிகர் விக்ரம் நடித்துள்ள பொன்னியின் செல்வன் 2 திரைப்படம் வருகிற ஏப்ரல் 28-ந் தேதி ரிலீஸ் ஆக உள்ள நிலையில், அப்படம் ரிலீசான சில வாரங்களிலேயே துருவ நட்சத்திரம் வர உள்ளதால் விக்ரம் ரசிகர்களுக்கு டபுள் தமாக்கா தான்.

இதையும் படியுங்கள்... ரஜினி, சிவகார்த்திகேயன் படங்கள் உள்பட... இத்தனை தமிழ் படத்தில் நடித்துள்ளாரா குக் வித் கோமாளி ஆண்ட்ரியன்..!