- Home
- Cinema
- நிர்வாண போட்டோக்களை நான் வெளியிடல... லீக் பண்ணிட்டாங்க - பகீர் தகவலை வெளியிட்ட விஷ்ணு விஷால்
நிர்வாண போட்டோக்களை நான் வெளியிடல... லீக் பண்ணிட்டாங்க - பகீர் தகவலை வெளியிட்ட விஷ்ணு விஷால்
நிர்வாண போட்டோஷூட் பற்றி எந்தவித கருத்தும் தெரிவிக்காமல் இருந்து வந்த விஷ்ணு விஷால், தற்போது அது தான் வெளியிடவில்லை, லீக் செய்யப்பட்டுவிட்டதாக பகீர் பின்னணியை தெரிவித்துள்ளார்.
பாலிவுட்டில் முன்னணி நடிகராக வலம் வரும் ரன்வீர் சிங், கடந்த சில மாதத்திற்கு முன்னர் தனது இன்ஸ்டாகிராம் பக்கத்தில் தான் நிர்வாணமாக நடத்திய போட்டோஷூட் புகைப்படங்களை பகிர்ந்து அதிர்ச்சி அளித்தார். அவரின் இந்த செயலுக்கு கண்டனங்கள் குவிந்தன. அவர்மீது மும்பையில் உள்ள காவல்நிலையத்தில் வழக்குப்பதிவும் செய்யப்பட்டது.
இப்படி ரன்வீர் சிங்கின் போட்டோஷூட்டுக்கு ஒரு பக்கம் எதிர்ப்பு கிளம்பினாலும், மறுபுறம் அவருக்கு ஆதரவு தெரிவிக்கும் விதமாக சில பிரபலங்களும் இவ்வாறு போட்டோஷூட் நடத்தி வெளியிட்டனர். அதில் நடிகர் விஷ்ணு விஷாலும் ஒருவர். படுக்கையறையில் அரை நிர்வாண கோலத்தில் அவர் வெளியிட்ட புகைப்படங்களும் சர்ச்சையை ஏற்படுத்தின.
இதையும் படியுங்கள்... ரவுடியா நீ... அட்ராசிட்டி செய்யும் அசீமை இறங்கி அடிக்கும் அமுதவாணன் - வைரல் வீடியோ இதோ
இந்த போட்டோஷூட் பற்றி எந்தவித கருத்தும் தெரிவிக்காமல் இருந்து வந்த விஷ்ணு விஷால், தற்போது அது தான் வெளியிடவில்லை, லீக் செய்யப்பட்டுவிட்டதாக பகீர் பின்னணியை தெரிவித்துள்ளார். விஷ்ணு விஷால் நடிப்பில் உருவாகி உள்ள கட்டா குஸ்தி திரைப்படம் வருகிற டிசம்பர் 2-ந் தேதி ரிலீசாக உள்ளது. அதன் புரமோஷன் நிகழ்ச்சியின் போது தான் அந்த நிர்வாண போட்டோஷூட் பற்றி அவரிடம் கேட்கப்பட்டது.
இதற்கு பதிலளித்த விஷ்ணு விஷால், அந்த போட்டோவை இரண்டு ஆண்டுகளுக்கு முன்னரே தான் எடுத்துவிட்டதாகவும், இருப்பினும் அதனை வெளியிடாமல் வைத்திருந்ததாகவும் கூறினார். மேலும் ரன்வீர் சிங்கின் போட்டோஷூட் வெளியானபோது நீயும் உன்னுடைய போட்டோவை போட்டா என்ன எனக்கூறி எனது மனைவி ஜுவாலா கட்டா தான் அதை லீக் செய்துவிட்டார் என விஷ்ணு விஷால் தெரிவித்துள்ளார்.
இதையும் படியுங்கள்... பிரபாஸ் உடன் காதலா..? உண்மையை மறைக்க மனமின்றி ஓப்பனாக போட்டுடைத்த பாலிவுட் நடிகை
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.