Kamal Haasan: டி-சர்ட் முதல் டீ கிளாஸ் வரை.. கமல் படம் இருந்தால் இனி ஆப்பு? பின்னணி என்ன?
நடிகர் கமல்ஹாசன், தனது பெயர், புகைப்படம் அடையாளங்களை அனுமதியின்றி வணிக ரீதியாக பயன்படுத்துவதற்கு எதிராக சென்னை உயர் நீதிமன்றத்தில் வழக்குத் தொடர்ந்துள்ளார். இதனால் உரிமம் பெறாமல் தனது அடையாளத்தை பயன்படுத்துபவர்கள் சட்ட சிக்கல்களை சந்திக்க நேரிடும்.
சென்னை உயர் நீதிமன்றத்தில் வழக்கு
சினிமா, அரசியல், தயாரிப்பு எனப் பம்பரமாய் சுழன்று வரும் நடிகர் கமல்ஹாசன், தற்போது எடுத்துள்ள ஒரு சட்டப்பூர்வ நடவடிக்கை சிறு வியாபாரிகள் முதல் பெரிய நிறுவனங்கள் வரை அனைவரையும் அதிரவைத்துள்ளது. தனது அனுமதி இன்றி தனது பெயர், புகைப்படம் மற்றும் அடையாளங்களைப் பயன்படுத்துபவர்களுக்கு எதிராக அவர் சென்னை உயர் நீதிமன்றத்தில் வழக்குத் தொடர்ந்துள்ளார்.
கோர்ட் ஏறிய உலகநாயகன்: என்ன நடந்தது?
சென்னையைச் சேர்ந்த ஒரு தனியார் நிறுவனம், கமல்ஹாசனின் உருவம் மற்றும் அவர் படங்களில் பேசிய புகழ்பெற்ற வசனங்களை டி-சர்ட்டுகளில் அச்சிட்டு விற்பனை செய்து வந்தது. இது தொடர்பாகக் கடும் அதிருப்தி அடைந்த கமல், "எனது கடின உழைப்பால் உருவான அடையாளத்தை, எனது அனுமதி இன்றி வணிக லாபத்திற்காகப் பயன்படுத்துவது சட்டவிரோதம்" எனக் கூறி நீதிமன்றத்தை நாடியுள்ளார்.
இந்த வழக்கின் மூலம், இனி டி-சர்ட் மட்டுமல்ல, டீ கிளாஸ், கீ-செயின், போஸ்டர்கள் என எந்தவொரு பொருளிலும் அவரது அடையாளத்தைப் பயன்படுத்தத் தடை கோரப்பட்டுள்ளது.
ஏன் இந்த அதிரடி முடிவு?
சாதாரணமாகப் பார்த்தால் இது ஒரு சிறிய விஷயமாகத் தோன்றலாம். ஆனால், இதன் பின்னணியில் இருக்கும் காரணங்கள் மிக முக்கியமானவை. ஒரு பொருளில் நடிகர் படம் இருந்தால், அந்தப் பொருளை அவரே பரிந்துரைப்பதாக மக்கள் நம்ப வாய்ப்புள்ளது. இது அந்த நடிகரின் நற்பெயருக்குப் பாதிப்பை ஏற்படுத்தலாம். தற்போதுள்ள AI காலத்தில், ஒருவரின் குரலையும் முகத்தையும் வைத்து எதை வேண்டுமானாலும் உருவாக்க முடியும். எதிர்காலத்தில் தனது குரலோ அல்லது உருவமோ தவறான விளம்பரங்களுக்குப் பயன்படுத்தப்படக் கூடாது என்பதில் கமல் உறுதியாக இருக்கிறார். ஒரு பிரபலம் தனது அடையாளத்தை எப்படிப் பயன்படுத்த வேண்டும் என்று தீர்மானிக்கும் முழு உரிமை அவருக்கே உண்டு. அதை மீறுபவர்கள் மீது சட்டப்படி நடவடிக்கை எடுக்கவே இந்த வழக்கு.
வியாபாரிகளுக்கு இனி சிக்கலா?
இந்த வழக்கின் மூலம், இனி உரிமம் (License) பெறாமல் கமல்ஹாசனின் பெயர், புகைப்படம், மற்றும் 'உலகநாயகன்' என்ற பட்டத்தைப் பயன்படுத்தினால் அவர்கள் சட்ட ரீதியான சிக்கல்களைச் சந்திக்க நேரிடும். அமிதாப் பச்சன், ரஜினிகாந்த் போன்ற முன்னணி நடிகர்கள் ஏற்கனவே இத்தகைய பாதுகாப்பைப் பெற்றுள்ள நிலையில், தற்போது கமலும் அந்தப் பட்டியலில் இணைந்துள்ளார். இனி கடையிலோ அல்லது ஆன்லைன் வணிகத்திலோ கமல்ஹாசன் தொடர்பான பொருட்களை விற்பனை செய்யும் முன் முறையான அனுமதி இருக்கிறதா என்பதை உறுதி செய்வது அவசியம். இல்லையெனில், நீதிமன்றத்தின் பிடியில் சிக்க நேரிடும்!
கமலின் மிக முக்கியமான நகர்வு.!
கமல்ஹாசன் எடுத்துள்ள இந்த முடிவு, வளர்ந்து வரும் டிஜிட்டல் உலகில் ஒரு கலைஞனின் உழைப்பையும் அடையாளத்தையும் பாதுகாப்பதற்கான மிக முக்கியமான நகர்வாகப் பார்க்கப்படுகிறது. இந்த வழக்கின் விசாரணை சென்னை உயர் நீதிமன்றத்தில் விரைவில் வரவுள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
