"ஹீரோ எவ்வளவு சொல்லியும் கேட்கல" மிஷ்கினின் ஓவர் கான்ஃபிடன்சால் பிளாப் ஆனா படம் - வருந்திய பிரபலம்!

சென்னையில் பிறந்து வளர்ந்து, சினிமா ஆசியோடு வலம் வந்து கொண்டிருந்தவர் தான் சண்முகராஜா என்கின்ற மிஷ்கின். பிரபல நாவல் ஒன்றில் வரும் "இளவரசன் மிஷ்கினின்" கதாபாத்திரத்தின் மீது கொண்ட ஈடுபாட்டின் காரணமாக தன்னுடைய பெயரையும் "மிஷ்கின்" என்று மாற்றிக் கொண்டார் சண்முகராஜா. தொடக்க காலத்தில் புத்தகக் கடை ஒன்றில் வேலை பார்த்து வந்த அவர், பிரபல இயக்குனர் வின்சென்ட் சிவா இயக்கத்தில், தளபதி விஜய் நடிப்பில் கடந்த 2002ம் ஆண்டு வெளியான "யூத்" என்கின்ற திரைப்படத்தின் மூலம் தான் தனது கலை உலக பயணத்தை தொடங்கினார். 

அதன்பிறகு வின்சென்ட் செல்வா இயக்கிய "ஜித்தன்" என்கின்ற திரைப்படத்திலும் அவருக்கு உதவி இயக்குனராக பணியாற்றினார். "ஜித்தன்" திரைப்படம் 2005ம் ஆண்டு வெளியான நிலையில், 2006ம் ஆண்டு தமிழில் வெளியான "சித்திரம் பேசுதடி" என்கின்ற திரைப்படத்தின் மூலம் தனது கலை உலக பயணத்தை இயக்குனராக தொடங்கிய அவர், தன்னுடைய முதல் திரைப்படத்திலேயே முற்றிலும் மாறுபட்ட ஒரு கதை அம்சத்தை தமிழ் திரையுள்ளதற்கு கொடுத்து, ரசிகர்கள் மத்தியில் மிகப்பெரிய வரவேற்பை பெற்றவர்.

இரவின் நிழல் நாயகி பிரிகிடா சாகாவின் 'திமிருக்காரியே' வெளியிட்ட சுதா கொங்கரா !

தொடர்ச்சியாக "அஞ்சாதே", "நந்தலாலா", "யுத்தம் செய்" போன்ற திரைப்படங்கள் மிஷினுக்கு மிகப்பெரிய வரவேற்பை கொடுத்தது. நடிகனாகவும் தன்னை தொடக்கத்தில் இருந்தே நிலைநிறுத்திக் கொண்டு வரும் மிஷ்கின், கடந்த 2013 ஆம் ஆண்டு வெளியான "ஓநாயும் ஆட்டுக்குட்டியும்" என்கின்ற திரைப்படத்தை இயக்கி, நடித்து அவரே தயாரித்ததும் குறிப்பிடத்தக்கது. தொடர்ச்சியாக வெளியான "பிசாசு", "துப்பறிவாளன்" மற்றும் "சைக்கோ" உள்ளிட்ட படங்களும் இன்றளவும் தமிழ் ரசிகர்கள் மத்தியில் நல்ல வரவேற்பை பெற்று வருகிறது. 

கடந்த 18 ஆண்டுகளாக கோலிவுட் திரையுலையில் இவர் பயணித்து வந்தாலும் குறைந்த அளவிலான திரைப்படங்களையே எடுத்திருக்கிறார். இருப்பினும் அவை அனைத்துமே மக்கள் மத்தியில் மிகப்பெரிய வரவேற்பை பெற்ற திரைப்படங்கள் என்பதில் எந்தவிதமான மாற்றுக் கருத்தும் இல்லை. கடந்த 2019 ஆம் ஆண்டு பிரபல இயக்குனர் "தியாகராஜன் குமாரராஜா" இயக்கிய "சூப்பர் டீலக்ஸ்" என்ற திரைப்படத்தில் நடிகர் மிஸ்டின் நடித்த கதாபாத்திரம் பெரிய அளவில் வைரலானது.

தொடர்ச்சியாக "மாவீரன்" மற்றும் "லியோ" உள்ளிட்ட திரைப்படங்களிலும் தன்னுடைய நேர்த்தியான நடிப்பை அவர் வெளிப்படுத்தினார். இப்போது பிரபல நடிகர் விஜய் சேதுபதியை வைத்து "ட்ரெயின்" என்ற திரைப்படத்தை அவர் இயக்கி வருவது அனைவரும் அறிந்ததே. இந்த சூழலில் ஸ்டூடியோ கிறீன் நிறுவனத்தின் தலைவரும், பிரபல தயாரிப்பாளருமான தனஞ்செயன் அண்மையில் பங்கேற்ற ஒரு பேட்டியில் இயக்குனர் மிஷ்கினுடன் பயணித்த அனுபவம் குறித்து பேசி இருக்கிறார். 

கடந்த 2012 ஆம் ஆண்டு மிஷ்கின் இயக்கத்தில் நடிகர் ஜீவா மற்றும் பூஜா ஹெக்டே நடிப்பில் வெளியான திரைப்படம் தான் "முகமூடி". இந்த திரைப்படம் வெளியாவதற்கு முன்பாக தொடர்ச்சியாக பல ஹிட் படங்களை கொடுத்து வந்தவர் மிஷ்கின். ஆனால் "முகமூடி" படத்தின் கிளைமாக்ஸ் காட்சி தனக்கு அந்த அளவுக்கு பிடிக்கவில்லை என்று நடிகர் ஜீவாவே நேரடியாக தனஞ்செயனிடம் பேசி இருக்கிறார். மறைமுகமாகவும் பலமுறை மிஸ்கினிடம் அது பற்றி பேசி இருக்கிறார். இருப்பினும் அந்த திரைப்படம் நிச்சயம் வெற்றி பெறும் என்று எண்ணி தொடர்ச்சியாக தன்னுடைய எண்ணப்படியே நடந்திருக்கிறார் மிஷ்கின்.

இதுகுறித்து பேசிய தயாரிப்பாளர் தனஞ்செயன் "நான் மிஷ்கினிடம் எத்தனையோ முறை இந்த கிளைமாக்ஸ் கட்சியை சற்று மாற்றிக் கொள்ளலாம் என்று கூறினேன். நடிகர் ஜீவா அவர்களும் அந்த கிளைமாக்ஸ் கட்சியில் தனக்கு பெரிய அளவில் உடன்பாடு இல்லை என்று கூறியிருந்தார். ஆனால் முகமூடி படத்திற்கு முன்னதாக பல வெற்றி திரைப்படங்களை கொடுத்ததால் கொஞ்சம் ஓவர் கான்ஃபிடன்சூடன் அந்த திரைப்படத்தை அவருடைய பாணியில் மட்டுமே எடுக்க வேண்டும் என்று கூறி. அந்த கிளைமாக்ஸ் கட்சியை மாற்றாமல் அதை வெளியிட்டார். ஆனால் படம் நாங்கள் எதிர்பார்த்த அளவுக்கு செல்லவில்லை" என்று வருத்தப்பட்டுள்ளார் தனஞ்செயன்.

3 கதாநாயகிகளை கிண்டல் செய்து பாட்டு எழுதிய கண்ணதாசன்! சண்டைக்கு போன ஜெயலலிதாவின் தாய்!