Breaking: இயக்குனர் மணிரத்னத்துக்கு கொரோனா இல்லை..! வெளியான தகவல்..!

தமிழ் சினிமாவில், ஒரே மாதிரியான கதைகளை இயக்கி போர் அடிக்க செய்யாமல்... கால மாற்றத்திற்கு ஏற்றாப்போல்.. இளைஞர்கள் ரசனைக்கு ஏற்ப படங்களை இயக்கி பிளாக்பஸ்டர் ஹிட் கொடுத்து வருபவர் இயக்குனர் மணிரத்னம். 
 

இவர் எத்தனையோ படங்களை இயக்கி ரசிகர்கள் மனதில் தனக்கென தனி இடத்தை பிடித்திருந்தாலும்,இவரது கனவு திரைப்படம் என்றால், 'பொன்னியின் செல்வன்' திரைப்படம் தான்.

மேலும் செய்திகள்: ஐஸ்வர்யா ராய், நயன்தாரா, பிரபாஸ்.. முக்கிய பிரபலங்களின் ஆதார் மற்றும் பாஸ்போட் போடோஸை பார்த்திருக்கீங்களா?
 

சுமார் 20 வருடங்களுக்கு மேலாக... இப்படத்தை இயக்க முயற்சி செய்து வந்த மணிரத்தினம் ஒரு வழியாக இந்த ஆண்டு இப்படத்தை இயக்கி முடித்துவிட்டார். இரண்டு பாகங்களாக உருவாகியுள்ள இந்த படத்தின் முதல் பாகம் வரும் செப்டம்பர் 30 ஆம் தேதி வெளியாக உள்ள நிலையில், இந்த படத்தின் போஸ்ட் புரோடக்ஷன் பணிகளில், மணிரத்னம் தீவிர கவனம் செலுத்தி வருகிறார். அதே போல் இப்படத்தில் நடித்துள்ள நடிகர்கள் ஒவ்வொருவராக தங்களது டப்பிங் பணிகளை மேற்கொண்டு வருவதாக கூறப்படுகிறது.

இந்நிலையில் இயக்குனர் மணிரத்னத்துக்கு திடீர் என கொரோனா பாதிப்பு ஏற்பட்டதன் காரணமாக, அவர் மருத்துவமனையில் அனுமதிக்க பட்டுள்ளதாக அதிர்ச்சி தகவல் வெளியானது. இதனால் இவரது ரசிகர்கள் மற்றும் பிரபலங்கள் பலரும் விரைவில் இவர் உடல் நலம் தேறி வர வேண்டும் என தங்களுடைய வாழ்த்துக்ளை சமூக வலைத்தளம் மூலம் கூறி வந்தனர்.

மேலும் செய்திகள்: வெறித்தனமான ஒர்க் அவுட்... ஆளே அடையாளம் தெரியாமல் ஸ்லிம் பிட்டாக மாறிய விஜய் டிவி ஜாக்குலின்..!
 

ஆனால் இது குறித்து தற்போது வெளியாகியுள்ள தகவலில், மணிரத்னம் காய்ச்சல் காரணமாக மருத்துவமனையில் அனுமதிக்கப்பட்டதாகவும், இவருக்கு கொரோனா பரிசோதனை செய்து பார்த்ததில் நெகடிவ் என வந்துள்ளதாக தகவல் வெளியாகியுள்ளது. எனவே தற்போது காய்ச்சல் மற்றும் உடல் சோர்வுக்கு மருத்துவர்கள் சிகிச்சை அளித்து வருகிறார்கள். விரைவில் உடல்நலம் தேறி... மீண்டும் பொன்னியின் செல்வன் பட பணிகளில் இணைவார் என எதிர்பார்க்கப்படுகிறது.

தமிழ் சினிமாவை சேர்ந்த பிரபலங்கள் மற்றும் அரசியல் தலைவர்கள் கொரோனா பாதிப்பால் அடுத்தடுத்து பாதிக்கப்பட்டு வருவதால் மீண்டும் கொரோனா அச்சம் தமிழக மக்கள் இடையே தலை தூக்கியுள்ளது குறிபிடித்தக்கது.

மேலும் செய்திகள்: சில நேரங்களில் தேவையானது இது மட்டுமே... ஐஸ்வர்யா ரஜினிகாந்த் வெளியிட்ட கட்டிப்பிடி புகைப்படம்!!