Jana Nayagan Deleted Scene: ஜனநாயகன் டெலிடட் சீன் எப்போ ரிலீஸ்? எச்.வினோத் கொடுத்த அடிபொலி அப்டேட்

Jana Nayagan : தளபதி விஜய் நடித்த கடைசி திரைப்படமான ஜனநாயகன் திரையரங்குகளில் வெற்றிநடை போட்டு வரும் நிலையில், அப்படத்தின் டெலிடட் சீன் குறித்து இயக்குநர் எச்.வினோத் விளக்கம் அளித்துள்ளார்.

Image Credit : KVN Productions, SS Music

Jana Nayagan Deleted Scene

விஜய் நடித்த கடைசி திரைப்படமான 'ஜனநாயகன்', நீண்ட காத்திருப்புக்குப் பிறகு கடந்த ஜூலை 23-ஆம் தேதி திரையரங்குகளில் வெளியானது. இயக்குநர் ஹெச். வினோத் இயக்கிய இந்த திரைப்படம் முதலில் ஜனவரியிலேயே வெளியாக திட்டமிடப்பட்டிருந்தது. ஆனால் சென்சார் சான்றிதழ் தொடர்பான தாமதம் காரணமாக பல மாதங்கள் ஒத்திவைக்கப்பட்டு, இறுதியாக கடந்த வாரம் திரைக்கு வந்தது. இப்படம் ஏற்கனவே லீக் ஆகிவிட்டாலும், அதை தியேட்டரில் கண்டுகளிக்க வேண்டும் என ரசிகர்கள் ஆர்வம் காட்டுவதால், ஜனநாயகன் படம் வசூலிலும் தூள் கிளப்பி வருகிறது.

Image Credit : X

டெலிடட் சீன்

ஜனநாயகன் படம் 3 மணிநேரம் 3 நிமிடம் ரன்னிங் டைம் உடன் வெளியாகி இருந்தது. இதிலும் சில காட்சிகள் நீக்கப்பட்டதாக கூறப்படுகிறது. இதுகுறித்து முன்பே பேசியிருந்த இயக்குநர் ஹெச். வினோத், இரண்டு நகைச்சுவைக் காட்சிகள், இரண்டு சண்டைக் காட்சிகள் மற்றும் இரண்டு எமோஷனல் காட்சிகள் எடிட்டிங்கில் தூக்கிவிட்டோம் என்று தெரிவித்திருந்தார். இந்த நீக்கப்பட்ட காட்சிகளை தனியாக வெளியிடுவது குறித்து தயாரிப்பு நிறுவனத்துடன் ஆலோசனை நடைபெற்று வருவதாகவும், அவை விரைவில் ரசிகர்களிடம் கொண்டு வரப்படும் வாய்ப்பு இருப்பதாகவும் அவர் கூறியிருந்தார். இதனால் விஜய் ரசிகர்கள் மத்தியில் புதிய எதிர்பார்ப்பு உருவாகியுள்ளது.

Image Credit : Google

திரையில் வராத காட்சியால் வருத்தமடைந்த நடிகை

இந்தப் படத்தில் நடித்திருந்த துணை நடிகை ஆனந்தி, தனது காட்சிகள் முழுமையாக நீக்கப்பட்டிருப்பது குறித்து சமீபத்தில் சமூக வலைதளத்தில் வீடியோ வெளியிட்டு மனவருத்தத்தை பகிர்ந்திருந்தார். இதற்கு முன்பும் அவர் நடித்த சில படங்களில் அவரது காட்சிகள் இறுதிக் கட்ட எடிட்டிங்கில் நீக்கப்பட்டதாக தெரிவித்திருந்தார். அதே அனுபவம் 'ஜனநாயகன்' படத்திலும் ஏற்பட்டதால் ஏமாற்றமடைந்ததாக கூறிய அவர், தனது முயற்சிகள் ரசிகர்களிடம் சேராமல் போனது வருத்தம் அளித்ததாக குறிப்பிட்டார். இதையடுத்து பலரும் அவருக்கு சமூக வலைதளங்களில் ஆதரவு தெரிவித்து வருகின்றனர்.

Image Credit : KVN Productions

ரசிகர்களின் எதிர்பார்ப்பை பூர்த்தி செய்ததா?

விஜயின் கடைசி திரைப்படம் என்பதால், 'ஜனநாயகன்' மீது ரசிகர்களிடம் ஆரம்பத்திலிருந்தே மிகப்பெரிய எதிர்பார்ப்பு நிலவியது. ஆனால் வெளியீட்டு தாமதம், சென்சார் சிக்கல்கள் மற்றும் படம் இணையத்தில் முன்கூட்டியே கசிந்த சம்பவம் ஆகியவை படத்தின் மீதான ஆரம்ப உற்சாகத்தை ஓரளவு பாதித்ததாக திரையுலக வட்டாரங்களில் பேசப்படுகிறது.

படம் வெளியான பிறகு, விஜயின் நடிப்பு மற்றும் திரை ஆளுமை பாராட்டுகளை பெற்றாலும், திரைக்கதை மற்றும் சில காட்சிகளின் அமைப்பு குறித்து கலவையான விமர்சனங்கள் வெளியாகின. குறிப்பாக, ஜெனரல் ஆடியன்ஸ் படத்தின் கதை அமைப்பு குறித்த பல்வேறு கருத்துகள் பகிரப்பட்டு வருகின்றன.

Image Credit : Asianet News

வசூல் நிலவரம்

படத்திற்கு 'A' சான்றிதழ் வழங்கப்பட்டிருந்தாலும், ரசிகர்களின் ஆதரவால் பாக்ஸ் ஆபிஸில் நல்ல தொடக்கத்தை பெற்றுள்ளது. வெளியான முதல் வார முடிவில், உலகளவில் படம் ரூ.250 கோடிக்கும் மேல் வசூலிக்கும் என்று திரையுலக தகவல்கள் தெரிவிக்கின்றன. இருப்பினும், இதுகுறித்த அதிகாரப்பூர்வ வசூல் விவரத்தை தயாரிப்பு நிறுவனம் இதுவரை வெளியிடவில்லை. இதற்கிடையில், நீக்கப்பட்ட காட்சிகள் அதிகாரப்பூர்வமாக வெளியாகுமா என்ற கேள்வியே தற்போது ரசிகர்கள் மத்தியில் அதிகம் பேசப்படும் விஷயமாக மாறியுள்ளது.