வசூல் வேட்டையில் பாகுபலியை வீழ்த்திய துரந்தர் 2.. எவ்வளவு வசூல் தெரியுமா?

பாகுபலி 2 உருவாக்கிய வசூல் சுவரை உடைக்க யாரும் முடியாது என நினைத்த நேரத்தில், திடீரென வந்த துரந்தர் 2 அந்த எண்ணத்தை சிதறடித்துவிட்டது. தினமும் மெதுவாக ஏறிக்கொண்டிருந்த இந்த படத்தின் வசூல், 45 நாட்களில் யாரும் எதிர்பார்க்காத உயரத்தை தொட்டுள்ளது.

Image Credit : Asianet News

பாகுபலி சாதனையை முறியடித்த துரந்தர் 2

இந்திய திரையுலகில் வசூல் போட்டி புதிய உச்சத்தை எட்டியுள்ளது. துரந்தர் 2 திரைப்படம், வெளியான 45 நாட்களுக்குப் பிறகும் தியேட்டர்களில் வலுவாக ஓடிக் கொண்டிருக்கிறது. இடையில் பல படங்கள் வந்தாலும், இந்த படத்தின் வேகம் குறையாமல், தினசரி நிலையான வசூலைப் பதிவு செய்து வருகிறது. இது ரசிகர்களிடையே படத்திற்கு இன்னும் உள்ள வரவேற்பை தெளிவாகக் காட்டுகிறது. 45வது நாளான 7வது சனிக்கிழமையில் மட்டும், படம் சுமார் ரூ.2.77 கோடி வசூல் செய்துள்ளது.

Image Credit : instagram

துரந்தர் 2 வசூல் நிலவரம்

மொத்தமாக இந்தியாவில் இதுவரை ரூ.1,138.54 கோடி நெட் வசூல் கிடைத்துள்ளதாக தகவல்கள் தெரிவிக்கின்றன. கிராஸ் வசூலை எடுத்துக் கொண்டால், அது ரூ.1,362.57 கோடி வரை உயர்ந்துள்ளது. இந்த எண்ணிக்கைகள், இந்த படம் 2026-ம் ஆண்டின் மிகப் பெரிய ஹிட்டுகளில் ஒன்றாக நிலைநிறுத்தப்படுகின்றன. வெளிநாட்டு சந்தையிலும் படத்தின் தாக்கம் குறையவில்லை.

Image Credit : X

உலகளாவிய வசூல்

இதுவரை ரூ.425.75 கோடி வரை ஓவர்சீஸ் வசூல் பெற்றுள்ளது. தற்போதைய தினசரி வருவாய் குறைந்தாலும், இந்திய தியேட்டர்களில் படத்தின் பிடிப்பு இன்னும் வலுவாக உள்ளது. உலகளவில் மொத்த வசூல் ரூ.1,788.32 கோடியாக உயர்ந்துள்ளது. இந்த சாதனையின் மூலம், டங்கல் படத்திற்கு அடுத்ததாக ரூ.1,800 கோடி வசூல் எட்டும் இரண்டாவது இந்திய படமாக மாறும் வாய்ப்பு துரந்தர் 2-க்கு உள்ளது. இந்த அளவிலான வசூல், படத்தின் நீண்டநாள் ஓட்டத்தையும், ரசிகர்களின் ஆதரவையும் வெளிப்படுத்துகிறது.

Image Credit : instagram

அதிக வசூல் ஈட்டிய இந்தியத் திரைப்படங்கள்

மிக முக்கியமாக, பாகுபலி 2 படத்தின் சாதனையை துரந்தர் 2 முறியடித்துள்ளது. பாகுபலி 2 உலகளவில் ரூ.1,788.06 கோடி வசூல் செய்த நிலையில், துரந்தார் 2 வெறும் 45 நாட்களிலேயே ரூ.1,788.32 கோடியை எட்டியுள்ளது. குறைந்த வித்தியாசமாக இருந்தாலும், இந்த சாதனை இந்திய சினிமாவில் புதிய வரலாற்றை எழுதியுள்ளது.