ரீ-ரிலீசாகி ஹவுஸ்புல் ஆன 3... தமிழில் பிளாப் ஆன தனுஷின் படத்துக்கு தெலுங்கில் இப்படி ஒரு மாஸான வரவேற்பா?
Dhanush : ஐஸ்வர்யா ரஜினிகாந்த் இயக்கத்தில் தனுஷ் நடித்த 3 படம் தெலுங்கில் டப் செய்யப்பட்டு ரீ-ரிலீஸ் ஆகி அங்கு அமோக வரவேற்பை பெற்று வருகிறது.
ரஜினியின் மூத்த மகள் ஐஸ்வர்யா தமிழ் திரையுலகில் இயக்குனராக அறிமுகமான படம் 3. தனுஷ் நாயகனாக நடித்திருந்த இப்படத்தில் அவருக்கு ஜோடியாக சுருதிஹாசன் நடித்திருந்தார். தற்போது தமிழ் சினிமாவில் டாப் இசையமைப்பாளராக வலம் வரும் அனிருத், அறிமுகமானதே இப்படத்தின் மூலம் தான். குறிப்பாக இப்படத்திற்காக அவர் இசையமைத்த முதல் பாடலான ஒய் திஸ் கொலவெறி பாடல் உலகளவில் ஹிட் ஆனது.
ரிலீசுக்கு முன் பாடல்கள் ஹிட் ஆனதால், மிகுந்த எதிர்பார்ப்புக்கு மத்தியில் இப்படம் கடந்த 2011-ம் ஆண்டு ரிலீசானது. ஆனால் திரைக்கதை சுமாராக இருந்ததன் காரணமாக இப்படம் வெளியானபோது கலவையான விமர்சனங்களை சந்தித்து தோல்வியை தழுவியது. இந்நிலையில், அப்படத்துக்கு தற்போது திடீரென மவுசு அதிகரித்து உள்ளது.
இதையும் படியுங்கள்... ஒரே வாரத்தில் திரையரங்கில் இருந்து வாஷ் அவுட்டான 'கோப்ரா'..! பட்ஜட்டில் பாதி கூட வசூல் செய்யவில்லையா?
அதுவும் தமிழ்நாட்டில் இல்லை ஆந்திராவில் தான் இப்படத்துக்கு அமோக வரவேற்பு கிடைத்துள்ளது. 3 படத்தை தெலுங்கில் டப்பிங் செய்து ரீ-ரிலீஸ் செய்துள்ளனர். அப்படி ரிலீசான படத்துக்கு தெலுங்கு ரசிகர்கள் மத்தியில் அமோக வரவேற்பு கிடைத்து வருகிறதாம். அங்கு இப்படத்தின் 200-க்கும் மேற்பட்ட காட்சிகள் ஹவுஸ்ஃபுல் ஆகி ஓடி உள்ளது பலருக்கும் ஆச்சர்யத்தை ஏற்படுத்தி உள்ளது.
இதனால் தனுஷ் மிகுந்த உற்சாகத்தில் உள்ளாராம். ஏனெனில் அவர் தெலுங்கில் முதன்முறையாக நடித்துள்ள வாத்தி திரைப்படமும் விரைவில் ரிலீசாக உள்ளது. 11 வருடங்களுக்கு முன் நடித்த 3 படத்துக்கே இப்படி ஒரு அமோக வரவேற்பு கிடைத்தால், வாத்திக்கு இதைவிட டபுள் மடங்கு ரெஸ்பான்ஸ் இருக்கும் என தனுஷ் நம்பிக்கையில் உள்ளாராம்.
இதையும் படியுங்கள்... செவிலியருக்கு பாலியல் தொல்லை கொடுத்த தீவிரவாதி...கொந்தளிக்கும் பாரதி ...என்ன செய்ய போகிறார் தெரியுமா?