- Home
- Cinema
- Apocalypto : 20 வருஷம் ஆனாலும் இந்த படத்தோட மவுசு குறையல: OTT- ல் எத்தனை தடவை பாத்தாலும் மிரள வைக்கும் ஹாலிவுட் த்ரில்லர்!
Apocalypto : 20 வருஷம் ஆனாலும் இந்த படத்தோட மவுசு குறையல: OTT- ல் எத்தனை தடவை பாத்தாலும் மிரள வைக்கும் ஹாலிவுட் த்ரில்லர்!
Apocalypto Movie : 2006-ல் ரிலீசான மெல் கிப்சன் இயக்கிய ‘அபோகாலிப்டோ’ ஹாலிவுட் சினிமா வரலாற்றில் ஒரு வித்தியாசமான ஆக்ஷன் திரில்லர் படம். இப்படம் தற்போதும் ஓடிடியில் செம ட்ரெண்டிங்கில் உள்ளது.
ஆக்ஷன் த்ரில்லர் சினிமா
ஹாலிவுட்ல எத்தனையோ படங்கள் ரிலீஸ் ஆகும். சில படங்கள் பாக்ஸ் ஆபிஸ்ல ரெக்கார்ட் பண்ணும். சில படங்கள் ரிலீஸ் ஆகுறப்ப பெருசா ரீச் ஆகாட்டியும், காலப்போக்குல மக்கள் மனசுல தனி இடம் பிடிச்சிரும். அப்படிப்பட்ட படங்களோட வரிசையில ஒண்ணுதான் மெல் கிப்சன் இயக்கிய 'அபோகாலிப்டோ' (Apocalypto). ரிலீசாகி ரெண்டு தசாப்தங்கள் ஆனாலும், அதோட சீன்ஸ், மிரள வைக்கும் கதைக்களம் எல்லாமே சினிமா பிரியர்களை இன்னமும் கட்டிப்போட்டு வச்சிருக்கு.
2006-ல் வெளியான இந்த வரலாற்று ஆக்ஷன் த்ரில்லர், அப்பவே ஒரு வித்தியாசமான முயற்சியா பேசப்பட்டுச்சு. சுமார் 40 மில்லியன் டாலர் பட்ஜெட்ல தயாரான இந்த படம் உலகம் முழுக்க 120 மில்லியன் டாலர் வரை கலெக்ட் பண்ணுச்சு. ஆனா, ரிலீஸ் டைம்ல இந்த படத்துக்கு எதிர்பார்த்த வரவேற்பு கிடைக்கல. இன்னைக்கு திரும்பி பார்க்குறப்ப, கடந்த 20 வருஷத்துல வந்த பெஸ்ட் அண்டர்ரேட்டட் (Underrated) படங்கள்ல இதுவும் ஒண்ணுனு சினிமா ரசிகர்கள் சொல்றாங்க.
சர்ச்சைகளுக்கு மத்தியிலும் கவனம் ஈர்த்த படம்
மாயன் நாகரிகத்தோட பின்னணியில அமைஞ்ச இந்த படத்தை மெல் கிப்சன் இயக்கியிருந்தாரு. மாயன் கலாச்சாரம், மக்களோட வாழ்க்கை முறை எல்லாத்தையும் திரையில கொண்டு வர்ற முயற்சி இந்த படத்துல இருந்துச்சு. ஆனா, படம் ரிலீஸ் ஆன டைம்ல மெல் கிப்சனோட தனிப்பட்ட சர்ச்சைகள் ரொம்பவே பேசுபொருளாச்சு. அவரோட நடவடிக்கைகளும், இனவாதம் பத்தின குற்றச்சாட்டுகளும் படத்தோட மேலயும் விவாதத்தை உருவாக்குச்சு.
அதுமட்டுமில்லாம, மாயன் நாகரிகத்தை படத்துல வரலாற்று ரீதியா துல்லியமா காட்டலன்ற விமர்சனங்களும் எழுந்துச்சு. சில வரலாற்று ஆய்வாளர்கள் படத்தோட டைம்லைன் மற்றும் சம்பவங்கள் பத்தி கேள்வி எழுப்பினாங்க. ஆனாலும், இது ஒரு உண்மையான வரலாற்று சம்பவத்தோட அச்சு அசலான மறுஉருவாக்கம்ங்குறத விட, நாகரிகங்களோட ஏற்ற இறக்கத்தையும், மனுஷனோட உயிர்வாழ்ற போராட்டத்தையும் சொல்ற கதையாதான் உருவாச்சு.
குவெண்டின் டரான்டினோ, ஸ்பைக் லீ மெச்சிய படம்!
ரிலீசுக்கு அப்புறம் 'அபோகாலிப்டோ' படத்தை பாராட்டுனவங்கல பிரபல இயக்குனர் குவெண்டின் டரான்டினோவும் ஒருத்தர். அந்த வருஷத்தோட சிறந்த படம்னு பாராட்டுனதோட, இது ஒரு அற்புதமான கலைப்படைப்புன்னும் அவர் சொன்னாரு. இன்னொரு பிரபல இயக்குனர் ஸ்பைக் லீ-யும் அவரோட ஆல்-டைம் ஃபேவரிட் படங்கள் லிஸ்ட்ல 'அபோகாலிப்டோ' படத்துக்கு இடம் கொடுத்திருந்தாரு.
படத்து மேல விமர்சனங்கள் இருந்தாலும், அதோட விஷுவல்ஸ் மற்றும் டெக்னிக்கல் தரத்தை யாருமே குறை சொல்ல முடியாது. படத்துல நடிச்சவங்க எல்லாரும் மாயன் பூர்வீகத்தை சேர்ந்தவங்களா இருக்கணும்னு மெல் கிப்சன் ரொம்ப கவனமா இருந்தாரு. அதோட, படத்தோட வசனங்கள் யுகாடெக் மாயன் மொழியில அமைஞ்சிருந்துச்சு. காஸ்டியூம்ஸ், செட் டிசைன் மற்றும் அந்த மக்களோட கலாச்சாரத்தை திரையில காட்டுன விதம் படத்தோட மிகப்பெரிய ப்ளஸ்.
இன்னைக்கும் மிரள வைக்கும் சீன்ஸ், விறுவிறுப்பான கதை!
'அபோகாலிப்டோ' படத்தோட பெரிய பலமே அதோட வேகமான ஸ்கிரீன்பிளே மற்றும் ஹீரோவோட உயிர் பிழைக்கிற போராட்டம் தான். ஆரம்பத்துல இருந்து இறுதி வரைக்கும் ரசிகர்களை சீட் நுனியில உக்கார வைக்கும். துரத்துற சீன்ஸ், ஆபத்தான கட்டங்கள், விஷுவல்ஸ் எல்லாம் வேற லெவல்ல இருக்கும். வன்முறை காட்சிகள் அதிகமா இருந்தாலும், கதையோட ஆழம் ரசிகர்களை படத்தோட ஒன்றிப் போக வைக்கும்.
முக்கியமா படத்தோட கிளைமேக்ஸ் ரசிகர்களோட மனசுல அப்படியே பதிஞ்சிரும். ஒரு தனி மனிதனோட பார்வையில இருந்து நாகரிகத்தோட மாற்றத்தையும், அதோட முடிவையும் காட்டிய மெல் கிப்சன், புதிய தொடக்கத்துக்கான வாய்ப்பையும் சுட்டிக்காட்டுவாரு. நாகரிகங்கள் உருவாகும், வளரும், அப்புறம் அதுக்கு பதிலா புது சிஸ்டம் வரும்ங்குற சுழற்சியை படம் ரொம்ப ஸ்ட்ராங்கா பதிவு பண்ணியிருக்கும்.
20 வருஷத்துக்கு அப்புறமும் இந்த படம் ஏன் ஸ்பெஷல்?
மாயன் நாகரிகத்தோட கதையை கையில எடுத்து, அதை ஒரு விறுவிறுப்பான சர்வைவல் (Survival) போராட்டமா கொடுத்ததுதான் 'அபோகாலிப்டோ' படத்தோட ஸ்பெஷாலிட்டி. வரலாற்று ரீதியான துல்லியம் பத்தி விவாதங்கள் இருந்தாலும், அதோட விஷுவல் டிசைன், மொழியின் பயன்பாடு, நடிகர்களின் தேர்வு மற்றும் கதையின் வேகம் எல்லாமே இன்னைக்கும் பாராட்டப்படுது.
2006-ல் ரிலீஸ் ஆனப்போ பல சர்ச்சைகள், விமர்சனங்களை சந்திச்ச இந்த படம், வருஷங்கள் ஆக ஆக தனக்கான ரசிகர் கூட்டத்தை உருவாக்கிடுச்சு. இன்னைக்கு வர்ற பிரம்மாண்ட ஹாலிவுட் படங்களுக்கு மத்தியிலயும் 'அபோகாலிப்டோ' அதோட வித்தியாசமான கதை சொல்லும் முறையால தனித்து நிக்குது. அதனாலதான் ரெண்டு தசாப்தங்களுக்கு அப்புறமும் இந்த படத்தை மறக்க முடியாத அண்டர்ரேட்டட் படமா சினிமா ரசிகர்கள் கொண்டாடுறாங்க.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
