நடிகை ஷகிலாவுக்கு உதவி செய்த காமெடி நடிகர் கஞ்சா கருப்பு!

மதுரையில் நடிகர் சிவாஜி கணேசனுக்கு அஞ்சலி செலுத்தும் விழாவில் பங்கேற்ற ஷகிலாவை பல ரசிகர்கள் சூழ்ந்து கொண்ட நிலையில், அதிலிருந்து அவரை பத்திரமாக வெளியே கொண்டு உதவி செய்துள்ளார் கஞ்சா கருப்பு. 

தமிழ் திரையுலகில் நடிகர் திலகம் என ரசிகர்களால் அழைக்கப்பட்டவர் மறைந்த நடிகர் சிவாஜி கணேசன். இவருக்கு அஞ்சலி செலுத்தும் விழா, மதுரையில் உள்ள காந்தி நினைவு அருங்காட்சியகத்தில் அண்மையில் நடைபெற்றது. இதில் திரையுலகை சேர்ந்த பல பிரபலங்கள் கலந்து கொண்டனர். அப்போது, ஷகீலா, கஞ்சா கருப்பு போன்ற பிரபலங்களும் கலந்து கொண்டு சிறப்பித்தனர். 

இந்த நிகழ்ச்சியில் கலந்து கொண்ட ஷகிலா, மீண்டும் அதிகரித்து வரும் கொரோனா தொற்று குறித்தும், அதற்கான பாதுகாப்பு நடவடிக்கைகளை மக்கள் மேற்கொள்ள வேண்டும் என்பது பற்றியும் மிகவும் உருக்கமான கருத்துக்களை தெரிவித்தார். மேலும் தாழ்வு மனப்பான்மையுடன் கூடிய மாற்றுத்திறனாளிகளின் போராட்டம் பற்றியும் ஷகிலா பேசினார். அதேபோல் மாற்றுத்திறனாளிகள் குறைபாடுகளை கேலி செய்யும் விதமாக திரைப்படங்கள் மற்றும் பாடல்கள் இருக்கக் கூடாது என்பதை வலியுறுத்தினார்.

மலையாளத் திரை உலகில் நடிப்பதை நிறுத்திய பின்னர், பட வாய்ப்புகள் இல்லாமல் தவித்து வந்த ஷகீலாவுக்கு குக் வித் கோமாளி நிகழ்ச்சி மிகப் பெரிய திருப்புமுனையாக அமைஅவர் மீதான கவர்ச்சி பார்வையை மாற்றியதால், பல படங்களில் குணசித்ர வேடத்திலும் ஷகிலா நடித்து வருகிறார். அதே போல்,  ஊடகங்களிலும்,  பிரபலங்களை பேட்டி எடுத்து வருகிறார்.

குக் வித் கோமாளி நிகழ்ச்சியின் போது... தன்னுடைய திருநங்கை மகளான மிலாவை ரசிகர்களுக்கு அறிமுகம் செய்து வைத்தார் ஷகிலா.  மிலா திருநங்கையாக மாறுவதற்கு முன்னர், தியாகம் மற்றும் மருதாணி போன்ற சன் டிவி சீரியல்களில் நடித்து பிரபலமானவர். விஜய் டிவியில் ஒளிபரப்பாகி வரும் பிக் பாஸ் நிகழ்ச்சியில் கலந்து கொள்வார் என எதிர்பார்க்கப்பட்ட நிலையில், கலந்து கொள்ளவில்லை. 

ஷகிலா தற்போது, தெலுங்கு மற்றும் தமிழ் மொழி படங்களில் நடித்து வருகிறார். கடைசியாக விமல், அஞ்சலி, வரலக்ஷ்மி சரத்குமார் நடித்த கன்னி ராசி படத்தில் மிக முக்கிய கதாபாத்திரத்தில் நடித்திருந்தார். தற்போது இவர் மீண்டும் திரையுலகில் நடிக்க துவங்கி உள்ளதாலும், குக் வித் கோமாளி நிகழ்ச்சி மூலமாகவும் இவருக்கான ரசிகர்கள் அதிகரித்துள்ளனர். 

எனவே இவர் மதுரையில் நடந்த நிகழ்ச்சியில் இருந்து வெளியேறியபோது... பல ரசிகர்கள், இவருடன் போட்டோ எடுக்க போட்டி போட்ட நிலையில், ஷகிலா கூட்ட நெரிசலில் சிக்கினார். இதனை கண்ட கஞ்சா கருப்பு, பவுன்சர்கள் உதைவியுடன்... ஷகிலாவை பத்திரமாக காரில் ஏற்றி அனுப்பிவைத்துள்ளார் இந்த தகவல் தற்போது சமூக வலைத்தளத்தில் வைரலாகி வருகிறது.