Jana Nayagan: ஜனநாயகன் படத்திற்கு கர்நாடகாவில் எதிர்ப்பு.. முதல்வர் விஜயின் முடிவால் எழுந்த திடீர் சிக்கல்

Jana Nayagan: பல மாதங்களாக காத்திருக்கும் 'ஜனநாயகன்' படத்திற்கு புதிய சிக்கல் ஏற்பட்டுள்ளது. முதல்வர் விஜயின் நிலைப்பாட்டை காரணம் காட்டி சில அமைப்புகள் வெளியீட்டுக்கு எதிர்ப்பு தெரிவித்து வருகின்றன.

Image Credit : x

ஜனநாயகன் திரைப்படத்திற்கு எதிர்ப்பு

தமிழக முதல்வரும், நடிகருமான விஜயின் கடைசி திரைப்படமாகக் கூறப்படும் 'ஜனநாயகன்' படம் எப்போது வெளியாகும் என்பதே ரசிகர்களின் கேள்வியாக தொடர்கிறது என்றே கூறலாம். ஏற்கனவே பல மாதங்களாக வெளியீடு தள்ளிப்போகும் நிலையில், தற்போது படத்தின் மீது புது சர்ச்சைகள் எழுந்துள்ளன. குறிப்பாக, விநியோகஸ்தர்களுக்கு பணம் திருப்பி வழங்கப்பட்டதாக தகவல் திரையுலகில் பரபரப்பை ஏற்படுத்தி உள்ளது.

Image Credit : kvn production twitter

தயாரிப்பு நிறுவனம் எடுத்த முக்கிய முடிவு

கேவிஎன் புரொடக்ஷன்ஸ் தயாரித்துள்ள இந்தப் படம், ஆரம்பத்தில் மிகப்பெரிய எதிர்பார்ப்புடன் வணிக ஒப்பந்தங்களை நிறைவு செய்தது. ஆனால், வெளியீட்டு தேதி தொடர்ந்து உறுதி செய்யப்படாததால், பல மாதங்களாக காத்திருந்த விநியோகஸ்தர்களுக்கு முதலீட்டுத் தொகை வழங்கப்பட்டதாக தகவல் வெளியாகியுள்ளது. எப்போது என்பது தெளிவாக தெரியாத சூழலில் இந்த முடிவு எடுக்கப்பட்டதாக கூறப்படுகிறது.

Image Credit : KVN Productions

கர்நாடகாவில் எழுந்துள்ள புதிய எதிர்ப்பு

இதற்கிடையில், கர்நாடகாவில் இருந்து வந்துள்ள புதிய எதிர்ப்பு விவகாரம் மேலும் கவனத்தை ஈர்த்துள்ளது. மேகதாது அணை விவகாரத்தில் தமிழக அரசின் நிலையை எதிர்த்து, சில கன்னட அமைப்புகள் 'ஜனநாயகன்' படத்தை வெளியிட அனுமதிக்க மாட்டோம் என்று எச்சரிக்கை விடுத்துள்ளனர். இதனால் படம் அங்கு வெளியாகுமா என்ற கேள்வியும் எழுந்துள்ளது.

Image Credit : Asianet News

சினிமாவும் அரசியலும் சந்திக்கும் இடம்

ஒரு திரைப்படத்தின் வெளியீடு அரசியல் விவாதங்களுடன் இணைக்கப்படுவது புதிய விஷயம் அல்ல. ஆனால், தமிழகத்தின் தற்போதைய முதல்வராக விஜயின் திரைப்படம் என்பதால் இந்த விவகாரத்தில் கூடுதல் கவனம் செலுத்தப்பட்டுள்ளது. சினிமா, அரசியல் மற்றும் மாநிலங்களுக்கு இடையிலான உணர்வுப்பூர்வமான பிரச்சினைகள் ஒரே இடத்தில் சந்திக்கும் சூழல் உருவாகியுள்ளது. தற்போதைய சூழலில் 'ஜனநாயகன்' படம் எப்போது வெளியாகும் என்பது உறுதியாக தெரியவில்லை. அதே நேரத்தில், ரசிகர்கள் பல மாதங்களாக காத்திருக்கும் இந்த திரைப்படம் இறுதியாக திரைக்கு வருமா என்ற எதிர்பார்ப்பு தொடர்கிறது.